Esra 6:16 - Uwumbɔr aagbaŋ

¹⁶ Le Israel aanib, bitotoorb, ni Liifai yaab, ni binib bi mɔmɔk nan nyan ni tinaagbiir ni ki gir ni na, nan di Uwumbɔr Aadichal ngbaan tii uma Uwumbɔr, ni mpopiin ŋmeen.

Esra 6:16 ပူးပေါင်းရင်းမြစ်များ

1 Bibɔrb 8:62

Le Ubɔr Solomonn ni binib ngbaan mɔmɔk toor kitork tii Uwumbɔr.

1 Bibɔrb 8:63

U nan di ŋinaayil ŋichur moninko ni ŋilee, ni ipiih ŋichur nkub ni moninko le toor kimɔbaan aatork. Kina le ubɔr ni binib ngbaan mɔmɔk nan di Uwumbɔr Aadichal ŋum uma Uwumbɔr.

1 Bibɔrb Aabɔr 15:28

Kina le Israel yaab mɔmɔk nan di Nkaal Aadakaa ngbaan buen Jerusalem ponn ni, ki tar mpopiin pu, ki pii kakaan, ni ikpiin, ki yak ichayakrtuun, ki gbaa tibar.

1 Bibɔrb Aabɔr 9:2

Binib bi nan loln nsan ki gir ni baatiŋ pu bido bido na nan ye bitotoorb, ni Liifai yaab, ni Uwumbɔr Aadichal ni aatutum, ni Israel yaab biken.

2 Bibɔrb Aabɔr 29:30

Ubɔr ni binib ngbaan aasalolm nan bui Liifai yaab ke bi gaa ilahn i Ubɔr David ni Uwumbɔr aabɔnabr Asaf nan ŋmee na ki pak Uwumbɔr. Kina pu le binib ngbaan mɔmɔk nan beenin gbaa tiwan ki gaa mpopiin aalahn ki pak Uwumbɔr.

2 Bibɔrb Aabɔr 30:23

le bi mɔmɔk nan ki kpokl ki kii ke bi ki gir ji njim ngbaan iwiin ilole ki kpee. Le bi nan di mpopiin jin mu.

2 Bibɔrb Aabɔr 30:26

Ki nyan David aajapɔɔn Ubɔr Solomonn aayoonn na kina aawan aa kee ŋa; kina pu na, Jerusalem aatiŋ ponn ni nan ye mmɔɔn ŋmeen la.

2 Bibɔrb Aabɔr 7:5

U nan di inaa ŋichur moninko ni ŋilee, ni ipiih ŋichur nkub ni moninko le toor kimɔbaan aatork. Kina le u ni binib ngbaan mɔmɔk nan di Uwumbɔr Aadichal tii u.

Esra 4:1

Juda ni Benjaminn yaab aadim nan ŋun ke Israel yaab bi nyan ni tinaagbiir ni ki gir ni na bi maa Bidindaan Uwumbɔr Aadichal,

Esra 6:22

Bi nan di mpopiin jin Boroboro u kaa kpa boroboro aanyɔk na Aajim ki ti saa iwiin ilole. Uwumbɔr aah nan cha Asiria aabɔrkpaan san bi kinimbaak ki ter bi, bi maa bima Israel yaab Aawumbɔr Aadichal na pu, le bi nan kpa mpopiin pam.

Nehemia 12:27

Buyoonn bi nan di Jerusalem aatiŋ aagoln ŋa Uwumbɔr aaŋaal ni na, bi nan yin ni Liifai yaab baah bi nin chee na mɔmɔk, ke bi nan kpaan kitork ngbaan, ki li gaa ilahn ki dooni Uwumbɔr, ki gbaa tibar ni ichayakrtuun.

Nehemia 12:43

Bi nan toor titoor pam liyaadaal ngbaan, le binib ngbaan nan kpa mpopiin sakpen, Uwumbɔr aah nan tii bi mmɔɔn pu na. Bipiib ni mbim mu nan bi njim ngbaan ponn ni, le kifuuk ki bi mɔmɔk nan ŋani na nan buen dandar.

Nehemia 7:73

Bitotoorb, ni Liifai yaab, ni Uwumbɔr Aadichal aakikiib, ni bilahngaab, ni biwangbaab, ni Uwumbɔr Aadichal ponn ni aatutum, ni binib bibaa, ni Israel yaab bi gur na, nan kal itingbaan, ni ntisakpem mu bi Juda ponn ni na ni la.

Nehemia 8:10

Kina pu na, li chaa kun man ki ti ŋa njim ki ji. Yakr man nimi aajikaar ni ndaan ki tii binib bi kaa kpa na. Din aawiin ye chain aawiin le ki tii Uwumbɔr, nima pu na, cha nisui li piin man. Mpopiin mu Uwumbɔr tii na ga tii nimi mpɔɔn.”

Ilahn 122:1

M nan kpa mpopiin buyoonn bi nan bui mi ke, “Cha ti buen Uwumbɔr Aadichal ni” na.

Daniel 5:13

Libuul ngbaan ni le bi nan ti joo ni Daniel ubɔr aanimbiin ni, le ubɔr baa u ke, “Sin le ye Daniel, unaagbiija u nte ubɔr nan joo ni si ki nyan ni Juda aatiŋ ni na aa?

Jɔnn 10:22

N‑yoonn ngbaan le Juu yaab ji njim Jerusalem ponn ni, ki teer baah nan toor Uwumbɔr Aadichal buyoonn na. Ni nan ye kakab aayoonn la.

Ikaal 12:7

Nidindaan Uwumbɔr u ŋa ni pu tinyoor na aanimbiin ni, le nimi, ni nimi aamaal mɔmɔk ga kpaan ki ji tiwanyaan nimɔk ni tun ki kan na.

Filipi 4:4

Ni li kpa mpopiin Tidindaan pu, n‑yoonn mɔmɔk. M ki tuk nimi la, ni li kpa mpopiin man.