Esra 6:14 - Uwumbɔr aagbaŋ

¹⁴ Juu yaab aayidam ngbaan nan maa Uwumbɔr Aadichal ngbaan mala, le Hagai ni Sekaria bi nan ye Uwumbɔr aabɔnabr na nan pɔɔk bitaakpab. Israel yaab Aawumbɔr, ni Pesia aabɔrkpaam Sairus, ni Darius, ni Ataksekes aah nan bui bi pu na, bi nan doo Uwumbɔr Aadichal ngbaan aamaam.

Esra 6:14 ပူးပေါင်းရင်းမြစ်များ

Esra 3:8

Baah nan ki gir ni Uwumbɔr Aadichal aapaan ni, Jerusalem ni na, aabileler aaŋmalee ni, le bi nan piin lituln. Serubabel, ni Josua, ni bido yaab bi gur na mɔmɔk, ni bitotoorb, ni Liifai yaab, ni binib bi mɔmɔk nan nyan ni tinaagbiir ni ki gir ni Jerusalem ni na, nan kpaan ki tun lituln ngbaan. Liifai yaab bi nan saa ŋibin moninko ki jer na le nan ye Uwumbɔr Aadichal ngbaan aamaam aaninkpiib.

Esra 4:24

Uwumbɔr Aadichal aamaam nan sil, kaa ki cha, ki ti saa Pesia aabɔrkpaan Darius aanaanjil aabileler ni.

Esra 4:3

Le Serubabel, ni Josua, ni itaŋaal ngbaan aayidam bui bi ke, “Taa ban nimi aaterm ke ti di maa Tidindaan Uwumbɔr Aadichal. Pesia aabɔrkpaan Sairus aah bui timi pu na, timi tibaa le ga maa li.”

Esra 5:1

N‑yoonn ngbaan le Uwumbɔr aabɔnabr bilee bimina, Hagai, ni Ido aajapɔɔn Sekaria nan piin ki tuk Juu yaab bi koo Jerusalem ni Juda aatim muken ponn ni na tibɔr, Israel yaab Aawumbɔr u joo bi na aayimbil pu.

Esra 5:13

Le Ubɔrkpaan Sairus aah nan jin nnaan Babiloŋ aatiŋ ni libiln li ponn ni na, le u tii nsan ke bi ki gir maa Uwumbɔr Aadichal ngbaan.

Esra 5:2

Sealtiel aajapɔɔn Serubabel, ni Jehosadak aajapɔɔn Josua aah ŋun baabɔr ngbaan na, le bi piin ki ki bi maa Uwumbɔr Aadichal, Jerusalem ponn ni, le Uwumbɔr aabɔnabr bilee ngbaan ter bi.

Esra 6:3

“Ubɔrkpaan Sairus aah nan jin nnaan na aajan aabiln ponn ni, le u nan siin nkaal, ke bi ki gir maa Uwumbɔr Aadichal li nan bi Jerusalem ponn ni na, aan bi li toor kitork nima, ki kpee kitork ki bi joo seer mmii ni na mu. Uwumbɔr Aadichal ngbaan aapaacham aafɔfɔk li ye ŋitaa imonko inaa ni kipiik, ki li waa kina mu.

Esra 6:8

M sil do ki siin ke ni ter bi aan bi ki gir maa li. Yufrates aamɔɔl aawilir aapepel aah kani lampoo chee nnaan ponn ni aamombil ŋi na, le ni ga li joo pa lituln ngbaan pu mala mala, aan lituln ngbaan taa ki sil.

Esra 7:1

Nee aapuwɔb, Ataksekes aah nan ye Pesia aabɔrkpaan buyoonn na, le uja ubaa nan bi, bi nan yin u ke Esra. Esra aate le nan ye Seraya, le Seraya mu aate nan ye Asaria, u aate nan ye Hilkia na.

Esra 9:9

Ti nan ye binaagbiib la, le aa nyan timi tinaagbiir ngbaan ni. Aa cha Pesia aatiŋ aabɔrb san timi kinimbaak, ki tii timi nsan ke ti li bi limɔfal ni, ki ki gir maa Saadichal li nan ber na, ki cha ti kan nsuudoon, Jerusalem ni Juda aatim muken ni.

Nehemia 6:15

Joo cha iwiin piiŋmu ni ilee ti jer, Elul aaŋmal aawiin moninko ni iŋmu daal na, ligoln ngbaan aatuln mɔmɔk nan doo.

Aisaya 44:28

Le m ga bui ubɔrkpaan Sairus ke, ‘Sin le ga joo maanib; aa ga ŋa maah ban ke aa ŋa pu na: aa ga cha bi ki gir maa Jerusalem, ni Maadichal aadinyikl mu.’”

Hagai 1:1

Darius aah nan ye Pesia aabɔrkpaan ki ti saa ŋibin ŋilee pu na aaŋmaloob aawiin mbaa daal, le Uwumbɔr nan cha waabɔnabr Hagai len tibɔr timina. Tibɔr ngbaan nan ye Juda aayidaan Serubabel u nan ye Sealtiel aajapɔɔn na, ni Utotoorninkpel Josua u nan ye Jehosadak aajapɔɔn na aabɔr la.

Hagai 1:8

Tɔ, buen ŋigongon pu man aan ki ti gaa idɔ ki nan gir maa Maadichal; aan ki ki doon mi ke naah ga doon mi pu na, aan nsui piir.

Sekaria 1:1

Ubɔr Darius aah nan ye Pesia aabɔrkpaan pu na aabileler ni aaŋmaniin ponn ni, le Uwumbɔr nan di tibɔr timina tuk waabɔnabr Sekaria. Sekaria aate le nan ye Berekia, le uyaaja ye Ido.

Sekaria 1:16

Kina pu le m gir ni Jerusalem aatiŋ ni ke m nan mɔk ki maanimbaasaln. Maadichal ga ki gir sil, le bi ga ki gir maa kitiŋ ngbaan.”

Sekaria 4:9

U nan bui ke, “Serubabel bil Maadichal aadinyikl aatakpal, le ki ga maa li doo. Nimina yaa nan ŋa kan, maanib ga bee ke min le tun ni si bi chee.

Sekaria 8:9

“Min Uwumbɔr Mpɔɔnsakpiindaan le len ke: Cha nitaakpab li pɔɔ man. Ni bi ŋun tibɔr chachaan ti maabɔnabtiib nan len, n‑yoonn mu bi nan ki gir bil ŋitakpal ke bi maa Maadichal na la.