Esra 6:10 - Uwumbɔr aagbaŋ

¹⁰ Ni li ŋani kina, aan bi li ŋmaa toor kitork ki ga piir Uwumbɔr u bi paacham na aasui, ki mee u ke u ŋa waanyoor ŋa m ni njapɔtiib pu.

Esra 6:10 ပူးပေါင်းရင်းမြစ်များ

Mpiin 8:21

Uwumbɔr aah ŋun kitork ngbaan aanun na, le ni piir usui, le u bui ubaa ke, “Maan ki puun lii kitiŋ pu kina daalbaadaal, ki joo cha unibɔn aah ŋa pu na. M nyi ke unibɔn aah laa diin ki joo cha na, waalandak ye titunwanbir la. Din ki joo cha, maan ki bii tiwanfuurkaan mɔmɔk, ke maah ŋa pu n‑yoonn mue na.

Esra 1:2

“Pesia aanaan aabɔr Sairus le siin nkaal mue. Uwumbɔr u ye Paacham Aadindaan na le ŋa mi dulnyaa wee mɔmɔk aajojoor, le ki tii mi lituln ke m maa lidichal Jerusalem aatiŋ ki bi Juda aatiŋ ni na tii u.

Esra 6:9

Iwiin mɔmɔk kan, ni li tii bitotoorb baah ban tiwan ni na, ki taa yii. Ni yaa ye inaajabi, bee ipiih, bee ipihbi kan, ni tii bi, aan bi li joo seer mmii ni tii Uwumbɔr u bi paacham na. Bi yaa ti ki ban njikaabim, bee n‑yaan, bee ŋisubil aadaan, bee olif aakpan kan, ni tii bi.

Esra 7:23

Aa tii tiwan ni mɔmɔk Uwumbɔr u bi Paacham na ban Waadichal ni na, ki taa cha waaŋuul fii m pu, bee bi ga nan paan m pu na.

Nnyam 12:32

Li joo nimi aawakor cha man, ki ti mee ke Uwumbɔr ŋa m pu tinyoor.”

Jeremia 29:7

Li tun man ki cha ntim mu m cha ni ti bi tinaagbiir ni mu ponn ni na kan tinyoor. Li mee limeel m chee bi pu, ba pu? bi yaa kan liwangol kan, ni mu ga kan.

Daniel 2:46

Le Ubɔrkpaan Nebukadnesar gbaan kitiŋ ki pak Daniel ki bui ke bi toor kitork ki see nnyɔknii tii u.

Liifai Yaab 1:13

Uja ngbaan finn ponn ni aawan, ni ŋitaajal, le utotoor ga di kitork ngbaan tii Uwumbɔr, ki see ti mɔmɔk libimbiln paab mmii ni. Tijikaar aapiin kina aaboln nu mɔ Uwumbɔr chee.

Liifai Yaab 1:9

Uja ngbaan finn ponn ni aawan ni ŋitaajal, le utotoor u toor kitork na ga see kitork ngbaan mɔmɔk mmii, libimbiln paab. Tijikaar aapiin kina aaboln nu mɔ Uwumbɔr chee.

Efesusi 5:2

Cha ngeehm li bi ni chee man, ke Kristo aah gee timi pu, ki kpo ti pu, ki ŋa kitork ki piir Uwumbɔr aasui, ki ŋa ti ni Uwumbɔr kijɔtiik na.