Esra 5:8 - Uwumbɔr aagbaŋ

⁸ “Ti ban ke sin mpɔɔndaan li nyi ke ti nan buen Juda aapepel, ki ti kan ke bi kpir ŋitakpasakpiin, le ki di maa Uwumbɔr sakpiin na Aadichal, ki di ŋikpan sakpiin saŋ laagon ponn ni. Bidimaab ngbaan joo nlandiin le maa li, le ni cha mɔb mbamɔm.

Esra 5:8 ပူးပေါင်းရင်းမြစ်များ

Esra 2:1

Binib bi nan nyan ni tinaagbiir ni ki gir ni na pam le nan nyan ni Babiloŋ aapepel ni, ki buen Jerusalem aatiŋ, ni Juda aatim muken ni, bi mɔmɔk cha bido aatim ni. Ubɔr Nebukadnesar aah nan chur bi tinaagbiir buen Babiloŋ buyoonn na, bi nan gur koo nima la.

Esra 5:7

“Ubɔrkpaan Darius, Uwumbɔr cha saayoonn li kpa nsuudoon.

Esra 5:9

“Le ti nan baa binib ngbaan aayidam ke ŋma tii bi nsan ke bi ki gir maa Uwumbɔr Aadichal ngbaan ki toor li.

Esra 6:10

Ni li ŋani kina, aan bi li ŋmaa toor kitork ki ga piir Uwumbɔr u bi paacham na aasui, ki mee u ke u ŋa waanyoor ŋa m ni njapɔtiib pu.

Esra 6:4

Bi yaa di ŋitakpal maa iluul itaa kan, bi ti di likpaln paan. Nnaan ponn ni aamombil le bi ga di tun lituln ngbaan mɔmɔk.

Esra 7:23

Aa tii tiwan ni mɔmɔk Uwumbɔr u bi Paacham na ban Waadichal ni na, ki taa cha waaŋuul fii m pu, bee bi ga nan paan m pu na.

Nehemia 11:3

Israel aanib ngbaan, bitotoorb, ni Liifai yaab, ni Uwumbɔr Aadichal ponn ni aatutum, ni Solomonn aatutum aayaabitiib nan ti kal baatim pu, ntisakpem ni muwaatiir mu gur na ponn ni la, le ki kpa bibaa aasar ni ŋidichal. Juda aatiŋ aamaal aaninkpiib bi nan bi Jerusalem ponn ni na sɔ:

Nehemia 7:6

Baah nan chuu bi buen tinaagbiir ni na pam le nan nyan ni Babiloŋ ki gir ni Jerusalem, ni Juda aatiŋ pu, bi mɔmɔk nan kun baatiyil ponn ni. Baamaal nan koo Babiloŋ ni buyoonn ubɔrkpaan Nebukadnesar nan chur bi tinaagbiir ki di buen nima na la.

Esta 1:1

Ubɔrkpaan Sekes nan ka waanaan aajal pu Susa aatiŋ ki ye Pesia aatiyil na, le ki lik ŋipepel nkub ni moninko ni ŋilole, ki nyan India aatingbaln ni ki ti saa Kus aatingbaln.

Esta 1:22

U nan tun ŋipepel nkub ni moninko ni ŋilole ngbaan ni, lipepel mɔk ni laaliin, ni laaŋmeen ni, ki len ke uja mɔmɔk li ye waadichal ni aayidaan, aan waah len pu na ŋa kina.

Ilahn 145:3

Uwumbɔr kpa mpɔɔn, kina pu le ni ŋan ke ti pak u sakpen; waapɔɔn nyaŋ a.

Daniel 2:47

Ubɔrkpaan nan ki bui ke, “Saawumbɔr le ye Uwumbɔrkpaan ki jer ŋiwaa mɔmɔk, u ye bibɔrb Aadindaan, ki ye u kpiir iwaan aawan mɔk binib na. Saah kpiir iwaan aawan nimina mɔk mi na le cha m bee kina.”

Daniel 3:26

Kina pu na, Nebukadnesar nan buen mmii ngbaan aabuul aajaaleŋ chee ki ti yin ke, “Sadrak, Mesak, Abednego, Uwumbɔr u kaa kpa ŋeen aatɔ na aanaagbiib, nya ni man.” Libuul ngbaan ni, le bi nyan ni.

Daniel 4:2

Li pel man maah kan lijinjiir ni iwaan aawan ni aan Uwumbɔr u kaa kpa ŋeen aatɔ na di kpiir mɔk mi na.

Daniel 6:26

Min le len ke maanaan mɔmɔk ni, binib mɔmɔk li san ki pak Daniel Aawumbɔr. U ye Uwumbɔr u kpa limɔfal na la, le u ga li joo dulnyaa ki ti saa n‑yoonn mu kaa kpa ndoon na. Ubaa aan ŋmaa bii waanaan, le waapɔɔn mu aan ŋmaa doo.

Ikaal 10:17

Nidindaan Uwumbɔr le jer dindatiib mɔmɔk, le ki kpa mpɔɔn mu ki jer ipɔɔn mɔmɔk. Waah ye usakpiin ki kpa mpɔɔn na, le ni ŋeer ke ti li san u ijawaan. Waa kpa imaagann, le kaa gaal igaŋgaŋlik.

Ikaal 32:31

Baadim bibaa nyi ke baawaa aa kpa mpɔɔn, kaa kpa mpɔɔn sakpen ke Israel yaab Aawumbɔr na.