Esra 5:3 - Uwumbɔr aagbaŋ

³ Naa nan yunn, le Yufrates aamɔɔl aawilir wɔb aapepel aayidaan Tatenai, ni Setar Bosenai, ni baaninkpiib biken kpaan dan Jerusalem, ki nan baa bi ke, “Ŋma tii nimi nsan ke ni maa Uwumbɔr Aadichal lee ki toor li?”

Esra 5:3 ပူးပေါင်းရင်းမြစ်များ

Esra 1:3

Uwumbɔr li bi nimi bi mɔmɔk ye waanib na chee. Ni buen Jerusalem ki ti gir maa lidichal tii Israel yaab Aadindaan Uwumbɔr, u bi dooni u Jerusalem ni na.

Esra 4:12

“Ti ban ke sin mpɔɔndaan li nyi ke Juu yaab bi nyan saapepel ŋiken ni ki gir ni na, nan kal Jerusalem ni, le ki ki bi maa titunwanbir aatiŋ ki nya aapuwɔb na. Bi piin ki ki bi maa kaagon, ki ga gbeen doo ŋi.

Esra 4:9

“Kigbaŋ kee nyan ni Rehum, u ye uyidaan na, ni waagbaŋmeer Simsai, ni biŋeen aatɔtiib, bi ye bibɔjirb, ni bininkpiib biken, bi ye Elam aapepel aatim Erek, ni Babiloŋ, ni Susa ni yaab na,

Esra 5:6

Baah nan di tibɔr ti tun ubɔrkpaan ngbaan chee na sɔ:

Esra 5:9

“Le ti nan baa binib ngbaan aayidam ke ŋma tii bi nsan ke bi ki gir maa Uwumbɔr Aadichal ngbaan ki toor li.

Esra 6:13

Le uyidaan Tatenai, ni Setar Bosenai, ni biŋeen aatɔtiib ŋa ubɔrkpaan ngbaan aah siin pu na.

Esra 6:6

Le Darius nan di tibɔr timina tun ke: “Yufrates aamɔɔl aawilir wɔb aapepel aayidaan Tatenai, ni Setar Bosenai, ni niŋeen aatɔtiib, taa ki bɔ Uwumbɔr Aadichal ngbaan aabɔr ni man,

Esra 7:21

“M siin Yufrates aamɔɔl aawilir aapepel aaninkpiib bi tun nnaan aamombil aatuln na, ke bi tii Esra, u ye ugbanbae ki nyi Uwumbɔr u bi Paacham na Aakaal mbamɔm na, tiwan ni mɔmɔk u ban na,

Hagai 1:1

Darius aah nan ye Pesia aabɔrkpaan ki ti saa ŋibin ŋilee pu na aaŋmaloob aawiin mbaa daal, le Uwumbɔr nan cha waabɔnabr Hagai len tibɔr timina. Tibɔr ngbaan nan ye Juda aayidaan Serubabel u nan ye Sealtiel aajapɔɔn na, ni Utotoorninkpel Josua u nan ye Jehosadak aajapɔɔn na aabɔr la.

Matiu 21:23

Yesu nan koo Uwumbɔr Aadichal ni, le ki tuk binib Uwumbɔr aabɔr. Waah ŋani kina na, le Uwumbɔr aatotoorninkpiib ni Juu yaab aaninkpiib dan u chee ki nan baa u, “Aa kpa nsan ke aa ŋa saah ŋani pu na aa? Ŋma tii si nsan ngbaan?”

Lituln 4:7

Le bi cha Piita ni Jɔnn sil binimbiin ni, le ki baa bi, “Ni ŋa kinye aan ki cha uwɔb ngbaan pɔɔk? Ni kpa ba aapɔɔn? Ni di ŋma aayimbil ki tii u laafee?”