Esra 5:2 - Uwumbɔr aagbaŋ

² Sealtiel aajapɔɔn Serubabel, ni Jehosadak aajapɔɔn Josua aah ŋun baabɔr ngbaan na, le bi piin ki ki bi maa Uwumbɔr Aadichal, Jerusalem ponn ni, le Uwumbɔr aabɔnabr bilee ngbaan ter bi.

Esra 5:2 ပူးပေါင်းရင်းမြစ်များ

Esra 1:8

U nan di ni tii nnaan ni aamombil aaninkpel, Mitredaf, le u ŋmee ni mɔmɔk aah ye pu na tii Juda aayidaan Sesbasar: Salmaa aasambil piitaa, ni tikunabr aasambil lichur libaa, ni ŋisambil ŋiken moninko ni ŋiwae, ni salmaa aasambim piitaa, ni tikunabr aasambim ikui inaa ni kipiik, ni tiwanbankaan niken lichur libaa.

Esra 10:18

Bijab bi nan joo nwɔwɔmbim na aayimbil sɔ: Josua ni ukpetiib ni unaatiib bi aate ye Jehosadak na aataŋaal ni: Maaseya, ni Elieser, ni Jarib, ni Gedalia.

Esra 3:2

le Jehosadak aajapɔɔn Josua, ni bitotoorb biken, ni Sealtiel aajapɔɔn Serubabel, ni udo yaab, kpaan ki ki gir maa bima Israel yaab Aawumbɔr aatork aabimbiln, aan bi ki ŋmaa di kitork aanann see mmii ni li pu, ke Uwumbɔr aanii Moses Aakaal aagbaŋ aah nan mɔk pu na.

Esra 3:8

Baah nan ki gir ni Uwumbɔr Aadichal aapaan ni, Jerusalem ni na, aabileler aaŋmalee ni, le bi nan piin lituln. Serubabel, ni Josua, ni bido yaab bi gur na mɔmɔk, ni bitotoorb, ni Liifai yaab, ni binib bi mɔmɔk nan nyan ni tinaagbiir ni ki gir ni Jerusalem ni na, nan kpaan ki tun lituln ngbaan. Liifai yaab bi nan saa ŋibin moninko ki jer na le nan ye Uwumbɔr Aadichal ngbaan aamaam aaninkpiib.

Esra 6:14

Juu yaab aayidam ngbaan nan maa Uwumbɔr Aadichal ngbaan mala, le Hagai ni Sekaria bi nan ye Uwumbɔr aabɔnabr na nan pɔɔk bitaakpab. Israel yaab Aawumbɔr, ni Pesia aabɔrkpaam Sairus, ni Darius, ni Ataksekes aah nan bui bi pu na, bi nan doo Uwumbɔr Aadichal ngbaan aamaam.

Hagai 2:18

Din wee ye ŋmawae aawiin moninko ni inaa daal la, le ni bil Maadichal aadinyikl aatakpal doo. Tɔ, li lik man tiwan ni ga ŋa n‑yoonn mue ki joo cha na.

Sekaria 4:14

Le u bui mi ke, “Ima le ye bijab bilee bi Uwumbɔr, u ye kitiŋ kee mɔmɔk Aawumbɔr na, nyan bi ke bi li tun waatuln na.”

Sekaria 4:4

Le m baa ntuun ngbaan ke, “Uninkpel, tiwan ngbaan aatataa ye kinye?”

Sekaria 6:11

Di tikunabr ni salmaa u bi tii na ŋa kibɔryikpupuk, ki ti di chiŋ Jehosadak aajapɔɔn Josua, u ye Utotoorninkpel na.

Sekaria 8:9

“Min Uwumbɔr Mpɔɔnsakpiindaan le len ke: Cha nitaakpab li pɔɔ man. Ni bi ŋun tibɔr chachaan ti maabɔnabtiib nan len, n‑yoonn mu bi nan ki gir bil ŋitakpal ke bi maa Maadichal na la.

2 Korenti 1:24

Taa joo nimi mpɔɔn; naah gaa Yesu ki kii mbamɔm na, le ti ban ti ter nimi ni li kpa mpopiin. Timi aatuln le na.