Esra 5:16 - Uwumbɔr aagbaŋ

¹⁶ Le Sesbasar nan dan ki nan bil laadinyikl aatakpal; le laamaam nan piin ki nan saa din wee, tɔ, Uwumbɔr Aadichal ngbaan aamaam aa kee doo.’

Esra 5:16 ပူးပေါင်းရင်းမြစ်များ

Esra 3:10

Bijab ngbaan aah nan piin ki bi bilni Uwumbɔr Aadichal aadinyikl aatakpal na, le bitotoorb di baawanpeenkaan peen, le ki joo kakaan tiib biŋaal ni, ki sil baasisiiyaan chee, le Asaf aataŋaal yaab bi ye Liifai yaab na mu yoor baachayakrtuun. Bi nan gaa ilahn ki pak Uwumbɔr, Ubɔr David aayoonn aakaal aah nan mɔk pu na.

Esra 3:8

Baah nan ki gir ni Uwumbɔr Aadichal aapaan ni, Jerusalem ni na, aabileler aaŋmalee ni, le bi nan piin lituln. Serubabel, ni Josua, ni bido yaab bi gur na mɔmɔk, ni bitotoorb, ni Liifai yaab, ni binib bi mɔmɔk nan nyan ni tinaagbiir ni ki gir ni Jerusalem ni na, nan kpaan ki tun lituln ngbaan. Liifai yaab bi nan saa ŋibin moninko ki jer na le nan ye Uwumbɔr Aadichal ngbaan aamaam aaninkpiib.

Esra 5:14

U nan ki giin Uwumbɔr Aadichal ponn ni aasalmaa ni tikunabr aasambil ŋi Nebukadnesar nan yoor li ponn ni na, Jerusalem ni, ki ti di siin waawaa aadir ni Babiloŋ ni na. Ubɔrkpaan Sairus nan di ŋisambil ngbaan ŋa uja u bi yin u ke Sesbasar, aan u nan ye Juda aayidaan na aaŋaal ni la.

Esra 5:15

Ubɔrkpaan ngbaan nan bui u ke u di ni giin ti siin Uwumbɔr Aadichal ponn ni, Jerusalem aatiŋ ni, ki ki gir maa Lidichal ngbaan, laah nan si nin chee na.

Esra 5:2

Sealtiel aajapɔɔn Serubabel, ni Jehosadak aajapɔɔn Josua aah ŋun baabɔr ngbaan na, le bi piin ki ki bi maa Uwumbɔr Aadichal, Jerusalem ponn ni, le Uwumbɔr aabɔnabr bilee ngbaan ter bi.

Esra 6:15

Ubɔrkpaan Darius aayoonn aabiloloob ni aaŋmal u bi yin u ke Adar na aawiin itaa daal, le bi nan doo laamaam.

Hagai 2:18

Din wee ye ŋmawae aawiin moninko ni inaa daal la, le ni bil Maadichal aadinyikl aatakpal doo. Tɔ, li lik man tiwan ni ga ŋa n‑yoonn mue ki joo cha na.

Sekaria 4:9

U nan bui ke, “Serubabel bil Maadichal aadinyikl aatakpal, le ki ga maa li doo. Nimina yaa nan ŋa kan, maanib ga bee ke min le tun ni si bi chee.

Jɔnn 2:20

Le bi bui ke, “Ŋibin imonko ilee ni ŋiloob le bi nan di maa Uwumbɔr Aadichal ngbaan. Le aa bui ke aa ga di iwiin itaa fiin li ii?”