Esra 5:12 - Uwumbɔr aagbaŋ

¹² Tɔ, tiyaajatiib nan cha Uwumbɔr u naan paacham ni taab na aaŋuul fii, le u nan cha Babiloŋ aatiŋ aabɔr Nebukadnesar, u nan ye Kaldii aanii na, nan nyaŋ bi ki chur bi tinaagbiir. Bi nan wii Uwumbɔr Aadichal, le ki di binib ngbaan buen tinaagbiir ni, Babiloŋ aatiŋ ni.

Esra 5:12 ပူးပေါင်းရင်းမြစ်များ

2 Bibɔrb 24:2

Uwumbɔr nan cha Babiloŋ aajab, ni Siria aajab, ni Moab aajab, ni Amonn aajab dan ki nan tak Jehoyakim le ki kuln Juda aatiŋ. Ni nan ŋa ke Uwumbɔr aah nan cha waatutum bi ye waabɔnabtiib na len ke u ga ŋa pu na la.

2 Bibɔrb 25:1

Sedekia nan nyan Ubɔr Nebukadnesar aapuwɔb, kina pu na, Sedekia aanaan aabiwawaer ponn ni aaŋmapiik aawiin kipiik daal le Nebukadnesar ni waajab mɔmɔk dan nan tak Jerusalem aatiŋ. Bi nan ti kuun kal kitiŋ ngbaan aagbaan, le ki maa ŋibimbin tam tam kaagon ti mann to,

2 Bibɔrb Aabɔr 36:20

U nan di binib bi mɔmɔk aa kpoi na buen Babiloŋ ni, le bi ti bi nima ki tun linaagbiituln tii u ni uyaabitiib ki ti saa n‑yoonn mu Pesia Aanaan nyan paacham na.

Ilahn 106:40

Le Uwumbɔr aaŋuul nan fii bima waanib pu; bi nan gur sukr uponn ni la.

Aisaya 47:6

M nan gee liŋuul maanib pu; ki ŋa bi ke baa kaa ye maanib le na: M nan di bi ŋa saapɔɔn ni, le saa san bi kinimbaak; hali aa nan muk binib bi por na.

Jeremia 5:29

“Le min Uwumbɔr ga daa bitafal tiwan nee mɔmɔk pu; m ga teen litimbol ngbaan.

Jeremia 51:59

Ubɔr Sedekia aaninkpel le nan ye Seraya. Seraya aate nan ye Neria, le uyaaja ye Mahseya. Sedekia aah nan ye Juda aabɔr pu na aabinanar ponn ni, le u nan cha Babiloŋ le Seraya dii u. Le m nan di tibɔr tibaa tii u.

Jeremia 52:12

Ubɔr Nebukadnesar aah nan ye Babiloŋ aabɔr pu na aabin kipiik ni liwawaer aaŋmaŋmu aawiin kipiik daal, le waasusur Nebusaradann, u nan ki ye waajab aayidaan na, nan koo Jerusalem aatiŋ ni.

Daniel 9:5

“Ti tun titunwanbir, ki ŋa tiwan ni kaa ŋan na. Ti yii saah len ke ti ŋa pu na, ki fenn tipuwɔb tii tiwan ni aa mɔk ke ni ŋan na.

Ikaal 31:17

Bi yaa ŋa kina kan, m ga gee liŋuul bi pu, ki yii bi, le ki ga kuln bi. Tibɔbir pam ga dan bi pu, le ni ga cha bi bee ke min Baawumbɔr aa ki bi bi chee.

Ikaal 32:30

Ba ŋa unibaan nan ŋmaa nyaŋ bi binib lichur, aan binib bilee ŋmaa nyaŋ bi binib ŋichur kipiik? Bidindaan Uwumbɔr le nan yii bi, Baawumbɔr u ye Mpɔɔnsakpiindaan na le nan di bi tii baadim.

Bibɔjirb 2:14

Kina pu le Uwumbɔr aaŋuul nan fii Israel yaab pu sakpen, le u cha bijab gur looni bi ki su baawan. U nan cha bidim bi mɔmɔk mann goln bi ki ti ton na nyaŋ bi, le Israel yaab aa nan ki ŋmaa kiir bibaa.

Bibɔjirb 4:2

Kina pu le Uwumbɔr nan cha Kanaann Aabɔr Jabinn u nan bi Hasor aatiŋ ni na nyaŋ bi. Waajab aaninkpel le nan ye Sisera u nan koo Harosef Hagoyim aatiŋ ni na.

Bibɔjirb 6:1

Israel aanib nan ki gir tun Uwumbɔr titunwanbir, kina pu le u nan cha Midiann aanib joo bi, ki ti saa ŋibin ŋilole.