Esra 5:1 - Uwumbɔr aagbaŋ

¹ N‑yoonn ngbaan le Uwumbɔr aabɔnabr bilee bimina, Hagai, ni Ido aajapɔɔn Sekaria nan piin ki tuk Juu yaab bi koo Jerusalem ni Juda aatim muken ponn ni na tibɔr, Israel yaab Aawumbɔr u joo bi na aayimbil pu.

Esra 5:1 ပူးပေါင်းရင်းမြစ်များ

Esra 4:24

Uwumbɔr Aadichal aamaam nan sil, kaa ki cha, ki ti saa Pesia aabɔrkpaan Darius aanaanjil aabileler ni.

Esra 6:14

Juu yaab aayidam ngbaan nan maa Uwumbɔr Aadichal ngbaan mala, le Hagai ni Sekaria bi nan ye Uwumbɔr aabɔnabr na nan pɔɔk bitaakpab. Israel yaab Aawumbɔr, ni Pesia aabɔrkpaam Sairus, ni Darius, ni Ataksekes aah nan bui bi pu na, bi nan doo Uwumbɔr Aadichal ngbaan aamaam.

Maika 5:4

Ujojoor ngbaan yaa nan fuu ni kan, u ga di mpɔɔn sakpiin mu nyan ni Tidindaan Uwumbɔr ubaa chee na le di joo waanib. Waanib ga li bi lifuur ni la; ba pu? kitiŋ kee mɔmɔk aanib ga li nyi waapɔɔn bɔr,

Hagai 1:1

Darius aah nan ye Pesia aabɔrkpaan ki ti saa ŋibin ŋilee pu na aaŋmaloob aawiin mbaa daal, le Uwumbɔr nan cha waabɔnabr Hagai len tibɔr timina. Tibɔr ngbaan nan ye Juda aayidaan Serubabel u nan ye Sealtiel aajapɔɔn na, ni Utotoorninkpel Josua u nan ye Jehosadak aajapɔɔn na aabɔr la.

Hagai 1:3

Le Uwumbɔr nan cha waabɔnabr Hagai di tibɔr timina nabr binib ngbaan ke:

Hagai 2:18

Din wee ye ŋmawae aawiin moninko ni inaa daal la, le ni bil Maadichal aadinyikl aatakpal doo. Tɔ, li lik man tiwan ni ga ŋa n‑yoonn mue ki joo cha na.

Sekaria 8:9

“Min Uwumbɔr Mpɔɔnsakpiindaan le len ke: Cha nitaakpab li pɔɔ man. Ni bi ŋun tibɔr chachaan ti maabɔnabtiib nan len, n‑yoonn mu bi nan ki gir bil ŋitakpal ke bi maa Maadichal na la.