Esra 4:3 - Uwumbɔr aagbaŋ

³ Le Serubabel, ni Josua, ni itaŋaal ngbaan aayidam bui bi ke, “Taa ban nimi aaterm ke ti di maa Tidindaan Uwumbɔr Aadichal. Pesia aabɔrkpaan Sairus aah bui timi pu na, timi tibaa le ga maa li.”

Esra 4:3 ပူးပေါင်းရင်းမြစ်များ

2 Bibɔrb Aabɔr 36:22

Sairus aah nan ye Pesia aabɔr pu na aajan aabiln ni, le Uwumbɔr nan cha waabɔnabr Jeremia aah nan len pu na gbiin. U nan cha Ubɔr Sairus siin nkaal mumina ki cha bi ŋmee mu, ki di tun waanaan mɔmɔk ni ke bi karn mu mpɔɔn pu ke:

Esra 1:1

Sairus aah nan ye Pesia aabɔr pu na aajan aabiln ni, le Uwumbɔr nan cha waah nan di waabɔnabr Jeremia len pu na gbiin. U nan cha Sairus siin nkaal mumina, ki cha bi ŋmee mu ki di tun waanaan mɔmɔk ni ke:

Esra 1:2

“Pesia aanaan aabɔr Sairus le siin nkaal mue. Uwumbɔr u ye Paacham Aadindaan na le ŋa mi dulnyaa wee mɔmɔk aajojoor, le ki tii mi lituln ke m maa lidichal Jerusalem aatiŋ ki bi Juda aatiŋ ni na tii u.

Esra 1:3

Uwumbɔr li bi nimi bi mɔmɔk ye waanib na chee. Ni buen Jerusalem ki ti gir maa lidichal tii Israel yaab Aadindaan Uwumbɔr, u bi dooni u Jerusalem ni na.

Esra 3:8

Baah nan ki gir ni Uwumbɔr Aadichal aapaan ni, Jerusalem ni na, aabileler aaŋmalee ni, le bi nan piin lituln. Serubabel, ni Josua, ni bido yaab bi gur na mɔmɔk, ni bitotoorb, ni Liifai yaab, ni binib bi mɔmɔk nan nyan ni tinaagbiir ni ki gir ni Jerusalem ni na, nan kpaan ki tun lituln ngbaan. Liifai yaab bi nan saa ŋibin moninko ki jer na le nan ye Uwumbɔr Aadichal ngbaan aamaam aaninkpiib.

Nehemia 2:20

Le m gar bi ke, “Uwumbɔr u bi paacham na ga tii timi taah ban pu na. Timi le ye waanaagbiib, le ki ga piin ki maa. Le nimi aa kpa nsan ni ji Jerusalem aafaal libaa, kaa bi kaakaal mu ni.”

Aisaya 44:28

Le m ga bui ubɔrkpaan Sairus ke, ‘Sin le ga joo maanib; aa ga ŋa maah ban ke aa ŋa pu na: aa ga cha bi ki gir maa Jerusalem, ni Maadichal aadinyikl mu.’”

Aisaya 45:4

M lee si ke aa ter maatutunn Israel aanibol, binib bi m lee bi na. Saa nyi mi, le m lee si ki cha aa kan kipak ni nnyuŋ.

Matiu 10:16

“M ga tun nimi, ni ti moon Uwumbɔr aabɔr. Ni ga li bi ke ipiih i bi ŋisapol aakaasisik ni na la. Ni li kpa nlan ke iwaa aah kpa nlan pu na, ki li bi suuna ke ŋinanjel aah bi pu na.

Jɔnn 4:9

Le upii ngbaan bui u, “Aa ye Juu aanii la, m mu ye Samaria aapii la. Ba pu aa bui mi ke m tii si nnyun?” Juu yaab ni Samaria yaab aa kpaani tɔb chee, nima le cha u len kina.

Lituln 8:21

Aasui aa ŋan Uwumbɔr chee. Aaŋaal aa bi waabɔnyaan ni.