Esra 3:9 - Uwumbɔr aagbaŋ

⁹ Liifai aanii Jesua, ni ujapɔtiib, ni udo yaab, ni Kadmiel, ni ujapɔtiib bi aataŋaal nan ye Hodafia yaab na, le nan kpaan ki loln nsan Uwumbɔr Aadichal aamaam ngbaan ni. Henadad aataŋaal yaab bi mu ye Liifai yaab na nan ter bi.

Esra 3:9 ပူးပေါင်းရင်းမြစ်များ

1 Bibɔrb Aabɔr 23:4

Ubɔr David nan cha bi ponn ni ŋichur moninko ni ŋinaa le ye Uwumbɔr Aadichal ponn ni aatutum, le ŋichur ŋiloob ye bi ŋmee Uwumbɔr Aadichal ponn ni aatuln mɔmɔk aabɔr bilni, ki toor binib bi kpa kijaak na aabɔr,

2 Bibɔrb Aabɔr 34:12

Bijab bi nan tun lituln ngbaan na nan ye binib la. Liifai yaab binaa bimina le nan lik baah tun pu na. Bima le nan ye Jahaf, ni Obadia, bi nan ye Merari aataŋaal ni aanib na, ni Sekaria ni Mesulam bi mu nan ye Kohaf aataŋaal ni aanib na. Liifai yaab nan ki ye binib bi nyi lilahngaal na la.

Esra 2:40

Liifai aamaal aataŋaal i mu nan gir ni na sɔ: Hodafia aayaabitiib Jesua ni Kadmiel aataŋaal—binib imonko itaa ni kipiik ni binaa; Uwumbɔr Aadichal ni aawangbaab ni bilahngaab bi aayaaja nan ye Asaf na aataŋaal—binib nkub ni moninko ni biniin; Uwumbɔr Aadichal aakikiib bi aayaajatiib nan ye Salum, ni Ater, ni Talmonn, ni Akub, ni Hatita, ni Sobai na aataŋaal—binib nkub ni piitaa ni biwae.

Esra 3:8

Baah nan ki gir ni Uwumbɔr Aadichal aapaan ni, Jerusalem ni na, aabileler aaŋmalee ni, le bi nan piin lituln. Serubabel, ni Josua, ni bido yaab bi gur na mɔmɔk, ni bitotoorb, ni Liifai yaab, ni binib bi mɔmɔk nan nyan ni tinaagbiir ni ki gir ni Jerusalem ni na, nan kpaan ki tun lituln ngbaan. Liifai yaab bi nan saa ŋibin moninko ki jer na le nan ye Uwumbɔr Aadichal ngbaan aamaam aaninkpiib.

Nehemia 3:24

Henadad aajapɔɔn Binui mu le nan piin Asaria do chee ki ti saa ligoln ngbaan aalɔlɔŋ ni:

Nehemia 7:43

Liifai yaab aamaal bi nan nyan tinaagbiir ponn ni ki gir ni na sɔ: Hodafia aayaabitiib Jesua ni Kadmiel aamaal ponn ni—binib imonko itaa ni kipiik ni binaa; Uwumbɔr Aadichal ni aalahngaab ni biwangbaab, Asaf aayaabitiib,—binib nkub ni imonko ilee ni biniin; Uwumbɔr Aadichal ponn ni aakikiib, biyaajatiib le nan ye Salum, ni Ater, ni Talmonn, ni Akub, ni Hatita ni Sobai,—binib nkub ni piitaa ni biniin.