Esra 3:7 - Uwumbɔr aagbaŋ

⁷ Binib ngbaan nan tii ŋimombil ke bi di pa binib bi kpii ŋitakpal na, ni binib bi lar ki duur ŋikpan na, ki tii tijikaar, ni ndaan, ni olif aakpan ke bi di tun ti kpeln Taya ni Saidonn yaab chee santina aasui, Lebanonn aatiŋ ni. Le bi ga di kina aasugen di deen ni nnyusakpem ni ki nan saa Jopa aatiŋ mɔk. Pesia aabɔrkpaan Sairus le nan tii nsan ke bi ŋa kina mɔmɔk.

Esra 3:7 ပူးပေါင်းရင်းမြစ်များ

2 Samuel 5:11

Taya aatiŋ aabɔr Hiram nan tun ni kitiirk aatun David chee, ki nan tii ni u santina aadɔ, ni bikpikpiib, ni binib bi kpir ŋitakpal na, ke bi nan maa libɔrdichal tii u.

1 Bibɔrb 5:6

Kina pu na, tun saatutum Lebanonn aachook ni, aan bi ti gaa santina aadɔ tii mi. Bi ni maatutum le ga li tun, le m ga pa saah ga siin kidaak ki na. Aa nyi ke maatutum aa nyi idɔ aagaam ke saatutum aah nyi pu na.”

2 Bibɔrb 12:10

Le ŋimombil aah ti wiir u ponn ni na, le nnaan ni aagbaŋmeer ni Utotoorninkpel ti dan, ki nan kahn tikunabr aamombil mɔmɔk le ki di ŋa bɔtɔ tiib ponn ni.

2 Bibɔrb 12:13

Tɔ, baa nan tee joo ŋimombil ngbaan ponn ni libaa ŋani tikunabr aayir, ni ŋisambil, ni kakaan tiib, ni tiwan ni bi joo toor karyaa tiib na, kaa joo ŋani tikunabr ni salmaa aawan nibaa.

2 Bibɔrb Aabɔr 34:10

Bi nan di ŋimombil ngbaan di tii bijab bitaa bi aatuln ye ke bi toor Uwumbɔr Aadichal na la,

Esra 3:6

Binib ngbaan aa nan kee piin ki ki bi maa Uwumbɔr Aadichal, le bi nan piin ki toor kitork ma, ki joo seer mmii ni tii Uwumbɔr, ŋmalole aawiin mbaa daal.

Esekiel 27:17

Juda ni Israel yaab nan di njikaabim, ni tisiir, ni olif aakpan, ni tulalee tiib pan si saawankookaan pu.

Jona 1:3

Le Jona nan tee fii ki di toŋ nibaa wɔb ke u bɔr Uwumbɔr. U nan di buen Jopa aatiŋ ni la, nima chee le u ti kan buŋɔb bu cha Speenn aatiŋ ni na. U nan pan le ki koo bu ponn ni, biŋɔŋaab chee, ke bi buen Speenn aatiŋ ni, nin chee Uwumbɔr aan ki kan u na.

Lituln 12:20

Herod nan gee liŋuul ki ŋa Taya aatiŋ aanib, ni Saidonn aatiŋ aanib pu. Le bi mɔmɔk kuun ki buen u chee. Bi nan puen buen uja ubaa chee la. Bi yin u ke Blastus, u ye Herod aatutum aaninkpel la. Le Taya aanib ni Saidonn aanib buen u chee bi ti jɔnn u kijɔtiik, le ki nin buen Ubɔr Herod chee, ki ti mee u ke u taa cha bi li kpa kijaak. Bi gaal baajikaar Ubɔr Herod aatiŋ ni la. Nima pu na, baa ban ke bi li kpa kijaak.

Lituln 9:36

Kitiŋ kibaa mu bi, ki bi gbɔk nima chee, bi yin ki ke Jɔpa. Upii u dii Yesu aasan na nan bi nima, bi yin u ke Tabita. Griik aaliin ponn ni, bi yin u ke Dokas. Waayimbil aatataa le ye ke upeeyun. U nan ye litunyaandaan la.

Lituln 9:38

Jɔpa aatiŋ, ni Lida aatiŋ aa daa tɔb. Le Yesu aadidiliib bi bi Jɔpa aatiŋ ni na ŋun ke Piita bi Lida aatiŋ ni. Le bi tun bijab bilee, ke bi ti yin ni Piita, ke u pɔɔn ubaa ki dan mala.

Lituln 9:43

Piita nan bi Jɔpa aatiŋ ni, ki yunn. U nan koo uja u bi yin u ke Simonn, aan u ye ugbanjab na do la.