Esra 3:5 - Uwumbɔr aagbaŋ

⁵ ki kpee na, bi nan ki toor kitork ki bi ga di kiwakomɔŋ ngbaan see mmii ni na aatork, ni Uŋmapɔɔn Aajim Aatork, ni kitork ki mɔmɔk ye ke bi kuun ki doon Uwumbɔr na, ni ipiin aatork ki bi nan tii Uwumbɔr, bisui aageehn pu na.

Esra 3:5 ပူးပေါင်းရင်းမြစ်များ

2 Bibɔrb Aabɔr 31:14

Imna aajapɔɔn Kore, u nan ye Liifai aanii ki ye Uwumbɔr Aadichal aabisamɔb mu bi yin mu ke Liwipuul Aabisamɔb na aaninkpel na le nan ye u gaal ipiin i bi joo nan tii Uwumbɔr na, le ki yakr i tii.

Esra 3:6

Binib ngbaan aa nan kee piin ki ki bi maa Uwumbɔr Aadichal, le bi nan piin ki toor kitork ma, ki joo seer mmii ni tii Uwumbɔr, ŋmalole aawiin mbaa daal.

Nehemia 10:34

Ti mɔmɔk, bitotoorb, ni Liifai yaab, ni binib mɔmɔk ga too inaan libiln mɔmɔk ponn ni, ki nyan imaal i ga tii idɔ aan bi li joo seer tiwakor ti bi joo toor tii Tidindaan Uwumbɔr, Nkaal aah mɔk pu na.

Jeremia 33:18

Le bitotoorb mu ga li bi ki nyan ni Liifai aanibol ni ki li tun maatuln, ki joo ni kitork ki ga see mmii ni na, ni njikaabim aapiin, ni titoor ti gur na.”

Liifai Yaab 1:2

Israel yaab yaa ban bi toor kitork kan, baah ga ŋa pu na sɔ: N‑yoonn mu unii ubaa yaa ti ban u di kiwakork toor kitork na kan, u cha ni li ye waanaa, bee waapiih, bee waaŋoob ponn ni nibaa.

Liifai Yaab 1:3

Ni yaa ye waanaa ponn ni le u ban u di toor ki see mmii ni kan, u nyan unaaja u ŋan na. U di kitork ngbaan buen Uwumbɔr Aabool aabisamɔb, nima kan, uma Uwumbɔr ga gaa waatork ngbaan.

Liifai Yaab 23:2

u mɔk Israel yaab. Bi yaa kuun ni tɔb chee ke bi nan doon u kan, baah ga li ji njim mu na sɔ:

Nkahm 28:14

Ŋisubil aadaan mu ni ga di kpee kitork ngbaan pu na sɔ: ni ban ŋisubil aadaan kpalba bilee ki di kpee unaaja ubaabaa pu, ki ban ŋisubil aadaan kpalba ubaa ni ligeln ki di kpee upihja ngbaan pu, ki ban ŋisubil aadaan kpalba ubaa ki di kpee upihjabo ubaabaa pu. Libiln ni, iŋmal mɔmɔk, njan aawiin daal kan, ni toor kina aapiin aatork ki di see mmii ni tii Uwumbɔr.

Nkahm 28:19

Ni toor kitork ki li ye tijikaar aatork ki di see mmii ni tii Uwumbɔr. Naah ga ban tiwakor ti toor na sɔ: inaajabi ilee, ni upihja ubaa, ni libiln libaa aapihjabi ilole, i mɔmɔk taa li kpa iween ki li ŋan.

Nkahm 28:27

Ni di tiwakor timina toor kitork ki di see mmii ni tii Uwumbɔr, kina aatork nu mɔ u chee: inaajabi ilee, ni upihja, ni libiln libaa aapihjabi ilole, i mɔmɔk taa li kpa iween, ki li ŋan chain.

Nkahm 29:13

Njan aawiin daal kan, ni toor tijikaar aatork ki tii Uwumbɔr, ki nu mɔ u chee: ni ban inaajabi kipiik ni itaa, ni ipihja ilee, ni libiln libaa aapihjabi kipiik ni inaa, i mɔmɔk taa li kpa iween, ki li ŋan chain.

Nkahm 29:2

Ni toor kitork ki di see mmii ni, tii Uwumbɔr, ki nu mɔ u chee. Tiwakor ti ni ga di toor na sɔ: unaaja ubaa, ni upihja, ni libiln libaa aapihjabi ilole, i mɔmɔk taa li kpa iween, ki mu li ŋan chain.

Nkahm 29:39

Uwumbɔr aah siin ikaal i ki joo cha kitork ki ni ga li joo seer mmii ni na, ni njikaabim aatork, ni ŋisubil aadaan aatork, ni kimɔbaan aatork aan ni li ŋani ki tii u, n‑yoonn mɔmɔk aajim ni na, le na. Kitork kina aaboln le ni ga li toor, ki kpee naah puu tipuur ki ban ni pa na, ni nisui aageehn aatork mu pu.

Nkahm 29:8

Ni toor kitork ki di see mmii ni, tii Uwumbɔr; kina aatork nu mɔ u chee: ni di unaajabo ubaa, ni upihja ubaa, ni libiln libaa aapihjabi ilole, i mɔmɔk taa li kpa iween, ki li ŋan chain,

Ikaal 12:17

Tiwan nimɔk ni di toor kitork tii Uwumbɔr na kan, ni taa ji tiwan ngbaan linampal: naah ga nyan nimi aajikaabim, ni ŋisubil aadaan, ni olif aakpan kipiik ponn ni nibaa ni tii Uwumbɔr na, ni nimi aawakor aajan aabim, ni naah puu tipuur ke ni ga tii Uwumbɔr ipiin i na, ni nimi aageehn aapiin, ni ipiin iken na aapar, ni taa ji ni linampal.

Ikaal 12:6

Nima chee le ni ga toor nimi aatoor ti ni ga li joo seer mmii ni na, ni kitork kiken, ni naah ga nyan nimi aawan kipiik ponn ni nibaa ni tii Uwumbɔr na, ni nimi aapiin, ni ni yaa puu Uwumbɔr tipuur kan, naah ga pa pu na, ni nibaa aageehn aapiin, ni nimi aawakor aajan aabim aapar.