Esra 3:2 - Uwumbɔr aagbaŋ

² le Jehosadak aajapɔɔn Josua, ni bitotoorb biken, ni Sealtiel aajapɔɔn Serubabel, ni udo yaab, kpaan ki ki gir maa bima Israel yaab Aawumbɔr aatork aabimbiln, aan bi ki ŋmaa di kitork aanann see mmii ni li pu, ke Uwumbɔr aanii Moses Aakaal aagbaŋ aah nan mɔk pu na.

Esra 3:2 ပူးပေါင်းရင်းမြစ်များ

Mpiin 12:7

Uwumbɔr nan dan Abram chee le ki nan bui u ke, “Kitiŋ kee le m joo m di tii saamaal.” Nima chee le Abram maa kitork aabimbiln tii Uwumbɔr u nan dan u chee na.

1 Bibɔrb Aabɔr 23:14

Uwumbɔr aanii Moses aajapɔtiib ma nan kpee Liifai yaab pu la.

1 Bibɔrb Aabɔr 3:17

Jehoyachinn aayaabitiib bi Babiloŋ yaab nan chur bi tinaagbiir na aayimbil sɔ: Jehoyachinn nan ma mbijabim mulole la: Sealtiel,

1 Bibɔrb Aabɔr 3:19

Pedaya nan ma mbijabim mulee la. Bima le nan ye Serubabel ni Simei. Serubabel mu nan ma mbijabim mulee la, Mesulam ni Hanania. U nan ma upiibo ubaa mu, ki yin u ke Selomif.

2 Bibɔrb Aabɔr 6:6

Le dandana ma kan, m lee Jerusalem aatiŋ ni le ke bi li dooni mi nima, le ki lee sin, David, ke aa li joo maanib.’”

Esra 10:18

Bijab bi nan joo nwɔwɔmbim na aayimbil sɔ: Josua ni ukpetiib ni unaatiib bi aate ye Jehosadak na aataŋaal ni: Maaseya, ni Elieser, ni Jarib, ni Gedalia.

Esra 10:20

Imer aataŋaal ni: Hanani, ni Sebadia.

Esra 10:21

Harim aataŋaal ni: Maaseya, ni Elaija, ni Semaya, ni Jehiel, ni Usia.

Esra 10:22

Pasur aataŋaal ni: Eliwenai, ni Maaseya, ni Ismael, ni Netanel, ni Josabad, ni Elasa.

Esra 2:2

Binib bi nan ye baasalolm na le nan ye Serubabel, ni Josua, ni Nehemia, ni Seraya, ni Reelaya, ni Modekai, ni Bilsann, ni Mispar, ni Bigfai, ni Rehum, ni Baana.

Esra 3:8

Baah nan ki gir ni Uwumbɔr Aadichal aapaan ni, Jerusalem ni na, aabileler aaŋmalee ni, le bi nan piin lituln. Serubabel, ni Josua, ni bido yaab bi gur na mɔmɔk, ni bitotoorb, ni Liifai yaab, ni binib bi mɔmɔk nan nyan ni tinaagbiir ni ki gir ni Jerusalem ni na, nan kpaan ki tun lituln ngbaan. Liifai yaab bi nan saa ŋibin moninko ki jer na le nan ye Uwumbɔr Aadichal ngbaan aamaam aaninkpiib.

Esra 5:2

Sealtiel aajapɔɔn Serubabel, ni Jehosadak aajapɔɔn Josua aah ŋun baabɔr ngbaan na, le bi piin ki ki bi maa Uwumbɔr Aadichal, Jerusalem ponn ni, le Uwumbɔr aabɔnabr bilee ngbaan ter bi.

Nehemia 12:1

Bitotoorb bimina, ni Liifai yaab bee le nan nyan ni tinaagbiir ponn ni ki dii ni Sealtiel aajapɔɔn Serubabel ni Utotoorninkpel Josua:

Nehemia 12:8

Jesua, ni Binui, ni Kadmiel, ni Serebia, ni Juda, ni Matania, le nan ye binib bi gaa ilahn ki dooni Uwumbɔr na aayidam.

Ilahn 78:68

U nan tee lee Juda aanibol, ni Sionn Aajool li u gee mbamɔm na la.

Nnyam 27:1

“Ni di lisiijal aadɔ ŋa kitork aabimbiln. Ni ŋa li likpakpaln, laafɔfɔk kitiŋ, ni laawawaan li ŋak tɔb, nfɔfɔk kitiŋ li ye ŋitaa ŋilole ni ligeln, le nwawaan mu li ye ŋitaa ŋilole ni ligeln, nfɔfɔk paacham li ye ŋitaa ŋinaa ni ligeln.

Hagai 1:1

Darius aah nan ye Pesia aabɔrkpaan ki ti saa ŋibin ŋilee pu na aaŋmaloob aawiin mbaa daal, le Uwumbɔr nan cha waabɔnabr Hagai len tibɔr timina. Tibɔr ngbaan nan ye Juda aayidaan Serubabel u nan ye Sealtiel aajapɔɔn na, ni Utotoorninkpel Josua u nan ye Jehosadak aajapɔɔn na aabɔr la.

Hagai 1:12

Le Serubabel, ni Utotoorninkpel Josua, ni binib bi mɔmɔk nan nyan ni tinaagbiir ni Babiloŋ aatiŋ ni ki gir ni na, ŋa Bidindaan Uwumbɔr aah bui bi ke bi ŋa pu na. Bi nan bee ke Uwumbɔr le tun waabɔnabr Hagai, nima pu na le bi san ijawaan le ki kii waamɔb.

Hagai 1:14

Uwumbɔr nan pɔɔk unii mɔmɔk aataakpab ke bi tun Waadichal aatuln ngbaan: U nan pɔɔk Serubabel u ye Juda aatiŋ aayidaan na, ni Utotoorninkpel Josua, ni binib bi mɔmɔk nan nyan ni tinaagbiir ni ki gir ni na aataakpab.

Hagai 2:21

le Uwumbɔr nan ki tii Hagai tibɔr tee ke u di tii Juda aayidaan Serubabel ke, “M ban m dam paacham ni kitiŋ

Hagai 2:23

Nwiin ngbaan daal le m ga lee sin maatutunn Serubabel, ki ga cha aa di maayimbil joo binib. Sin le ye unii u m lee u na.” Uwumbɔr Mpɔɔnsakpiindaan le len kina.

Sekaria 3:1

Tidaŋ tiken ponn ni le Uwumbɔr nan di waatotoorninkpel Josua mɔk mi, u si Uwumbɔr aatuun aanimbiin ni. Le kinimbɔŋ mu si gbɔk Josua, ki kii ke u galn u.

Sekaria 3:8

Kina pu na, Josua, sin u ye Utotoorninkpel na, ni nimi bi ye utotoorŋeen aatɔtiib ki ye n‑yoonn mu choo na aamɔkl nyaan na, li pel man: M ga nyan maatutunn, u bi yin u ke Mbon ngbaan na mpaan pu.

Sekaria 6:11

Di tikunabr ni salmaa u bi tii na ŋa kibɔryikpupuk, ki ti di chiŋ Jehosadak aajapɔɔn Josua, u ye Utotoorninkpel na.

Nkahm 28:2

ke u mɔk Israel yaab ke ipiin aatiin aayoonn yaa fuu kan, bi tii Uwumbɔr tijikaar aapiin, waah ban pu na. Kina aapiin nu mɔ u chee.

Tibɔnyaan ti Luk ŋmee ti na 3:27

Joda mu nan ye Joanann aajapɔɔn, Joanann mu nan ye Resa aajapɔɔn, Resa mu nan ye Serubabel aajapɔɔn, Serubabel mu nan ye Sealtiel aajapɔɔn, Sealtiel mu nan ye Neri aajapɔɔn,

Bibɔjirb 6:24

Gideonn nan maa kitork aabimbiln nima chee tii Uwumbɔr, ki yin li ke, “Uwumbɔr le ye Nsuudoon.” Li beenin si Ofra aatiŋ ki ye Abieser aataŋaal aatiŋ na ni.