Esra 3:10 - Uwumbɔr aagbaŋ

¹⁰ Bijab ngbaan aah nan piin ki bi bilni Uwumbɔr Aadichal aadinyikl aatakpal na, le bitotoorb di baawanpeenkaan peen, le ki joo kakaan tiib biŋaal ni, ki sil baasisiiyaan chee, le Asaf aataŋaal yaab bi ye Liifai yaab na mu yoor baachayakrtuun. Bi nan gaa ilahn ki pak Uwumbɔr, Ubɔr David aayoonn aakaal aah nan mɔk pu na.

Esra 3:10 ပူးပေါင်းရင်းမြစ်များ

1 Bibɔrb Aabɔr 15:27

David nan di ŋitanyaan aawanpeenkaan le peen, kina le biwangbaab ni bilahngaab, ni baasaloln Kenania, ni Liifai yaab bi nan tu Dakaa ngbaan na, mu nan pee. David nan ki gbab Uwumbɔr aatotoor aakekengeŋ uchaŋ ni.

1 Bibɔrb Aabɔr 16:37

Ubɔr David nan di Asaf ni udo yaab Liifai yaab biken le siin ke bi li yeh Uwumbɔr aadoon aatuln, Nkaal Aadakaa aah si nin chee na. Bima le nan ye binib bi tun lituln nima chee iwiin mɔmɔk na.

1 Bibɔrb Aabɔr 16:42

Hemann ni Jedutunn le nan ye bi pii kakaan tiib, ki yak ichayakrtuun ni tiwangbaakaan niken na, n‑yoonn mu bi gaa kipak aalahn na. Jedutunn aataŋaal pu yaab le nan ye bi kiir ibisamɔi na.

1 Bibɔrb Aabɔr 23:5

le ŋichur ŋinaa mu ye bikikiib, ŋichur ŋinaa ŋi gur na le nan ye bi gaa ilahn ki gbaa tiwan ki pak Uwumbɔr na. Bi nan joo tiwangbaakaan ni ubɔr di tii bi na le tun kina aatuln.

2 Bibɔrb Aabɔr 35:14

Nee aapuwɔb le Liifai yaab nin ban bibaa aanann, le ki ban bitotoorb bi ye Aaronn aayaabitiib na mu aanann. Bitotoorb ngbaan nan kpa lituln ki joo tiwakor ti ye bi di see mmii ni na, ni kitork aawakor tiken na aakpan seer mmii ni ki ti joor kijook.

2 Bibɔrb Aabɔr 35:15

Liifai aanii Asaf aataŋaal pu aalahngaab ni biwangbaab bimina le nan si baasisiiyaan, Ubɔr David aah nan mɔk pu na. Bima le ye Asaf, ni Hemann, ni Jedutunn u nan nabr Uwumbɔr aabɔr tii ubɔr na. Liifai yaab aah nan gor Lakr‑jer Aajim ngbaan tii Uwumbɔr Aadichal aabisamɔi aakikiib na, bima aa nan ki siir cha baatuln.

Esra 5:16

Le Sesbasar nan dan ki nan bil laadinyikl aatakpal; le laamaam nan piin ki nan saa din wee, tɔ, Uwumbɔr Aadichal ngbaan aamaam aa kee doo.’

Ilahn 150:5

Di ichayakrtuun pak u mpɔɔn pu man.

Hagai 2:15

Uwumbɔr nan bui ke, “Naa kan tiwan ni ŋa nimi na aa? Waahr aan ni nin piin ki ki gir maa Maadichal na,

Sekaria 4:6

Ntuun ngbaan le nan di tibɔr ti Uwumbɔr di tuk u na tuk mi, ke m di nabr Serubabel ke, “Aa ga nyaŋ, ni mu aan li ye bijab aapɔɔn, bee sin aabaa aapɔɔn, ni ga li ye Maafuur Nyaan aapɔɔn pu la.

Sekaria 4:7

Ŋimuk ŋi filk ke ŋijoo na ga san cha si. Aa ga ki gir maa Maadichal; aa yaa ti di kookoo aatakpal di paan kan, le binib ngbaan ga teen mpɔɔn pu ke, ‘Kinyaan, kinyaan.’”

Sekaria 6:12

Bui u ke Uwumbɔr Mpɔɔnsakpiindaan bui ke, ‘Uja u bi yin u ke Mbon na ga pɔr waah bi nin chee na, ki gir maa min Uwumbɔr Aadichal.

Sekaria 7:3

ki baa waabɔnabtiib ni bitotoorb mbaan mumina ke: “Ti li beenin wii Uwumbɔr Aadichal aah bii pu na, ki lulni bumɔb ŋmaŋmu ni ke taah puen ŋa ŋibin ŋi jer pam na ni pu na aa?”

1 Samuel 22:18

Le Sɔɔl bui Doeg ke, “Sin, ku bi.” Le Doeg ku bi mɔmɔk. Liyaadaal ngbaan u nan ku bitotoorb bi nan ŋeer ke bi peen utotoor aabɔkul na imonko inaa ni biŋmu la.