Esra 2:1 - Uwumbɔr aagbaŋ

¹ Binib bi nan nyan ni tinaagbiir ni ki gir ni na pam le nan nyan ni Babiloŋ aapepel ni, ki buen Jerusalem aatiŋ, ni Juda aatim muken ni, bi mɔmɔk cha bido aatim ni. Ubɔr Nebukadnesar aah nan chur bi tinaagbiir buen Babiloŋ buyoonn na, bi nan gur koo nima la.

Esra 2:1 ပူးပေါင်းရင်းမြစ်များ

2 Bibɔrb 25:11

Nebusaradann nan di binib bi gur ki ponn ni na buen Babiloŋ aatiŋ ni, ni biwanŋab bi nyi baatun mbamɔm ki beenin bi nima na, ni binib bi nan nyan ti di bibaa kpee Babiloŋ yaab pu na.

1 Bibɔrb Aabɔr 9:1

Bi nan ŋmee Israel yaab mɔmɔk aayimbil ki dii baadichal, Israel Aabɔrb Aagbaŋ ni la. Juda aanib aatunwanbir pu, le Uwumbɔr nan cha bi chur bi buen Babiloŋ aatiŋ ni, ke u di daa bitafal.

1 Bibɔrb Aabɔr 9:2

Binib bi nan loln nsan ki gir ni baatiŋ pu bido bido na nan ye bitotoorb, ni Liifai yaab, ni Uwumbɔr Aadichal ni aatutum, ni Israel yaab biken.

Esra 1:11

Ni mɔmɔk aah nan ti kpaan na, ni nan ye ŋichur ŋiŋmu ni ikui inaa, ki ye salmaa ni tikunabr aasambil, ni tiwanbankaan niken, le Sesbasar ni binib bi nan nyan tinaagbiir ni Babiloŋ ni na di gir kun Jerusalem ni.

Esra 2:2

Binib bi nan ye baasalolm na le nan ye Serubabel, ni Josua, ni Nehemia, ni Seraya, ni Reelaya, ni Modekai, ni Bilsann, ni Mispar, ni Bigfai, ni Rehum, ni Baana.

Esra 2:70

Bitotoorb, ni Liifai yaab, ni binib ngbaan bibaa nan kal kal Jerusalem, ni kaatingbaan ni; le Uwumbɔr Aadichal ni aawangbaab, ni bilahngaab, ni bikikiib, ni laatutum kal kal ntim mu bi gbɔk Jerusalem na; le Israel yaab bi gur na kal kal biyaajatiib aatim ni.

Esra 5:8

“Ti ban ke sin mpɔɔndaan li nyi ke ti nan buen Juda aapepel, ki ti kan ke bi kpir ŋitakpasakpiin, le ki di maa Uwumbɔr sakpiin na Aadichal, ki di ŋikpan sakpiin saŋ laagon ponn ni. Bidimaab ngbaan joo nlandiin le maa li, le ni cha mɔb mbamɔm.

Esra 6:2

le bi nan ti kan ki Ekbatana aatiŋ ki bi Media aapepel ni na, le ki ŋmee kina:

Esra 8:35

N‑yoonn ngbaan le binib bi mɔmɔk nan nyan ni tinaagbiir ni ki gir ni na nan joo ni ipiin ke bi nan toor kitork ki di see mmii ni tii bima Israel yaab Aawumbɔr. Bi nan tii inaaja kipiik ni ilee Israel yaab mɔmɔk pu, ni ipihja imonko inaa ni kipiik ni iloob, ni ipihbi imonko itaa ni kipiik ni ilole; bi nan ki tii iŋoob kipiik ni ilee ke bi di toor bibaa aatunwanbir pu aatork. Bi nan di tiwakor tee mɔmɔk toor kitork ki di see mmii ni tii Uwumbɔr.

Nehemia 12:1

Bitotoorb bimina, ni Liifai yaab bee le nan nyan ni tinaagbiir ponn ni ki dii ni Sealtiel aajapɔɔn Serubabel ni Utotoorninkpel Josua:

Esta 1:1

Ubɔrkpaan Sekes nan ka waanaan aajal pu Susa aatiŋ ki ye Pesia aatiyil na, le ki lik ŋipepel nkub ni moninko ni ŋilole, ki nyan India aatingbaln ni ki ti saa Kus aatingbaln.

Esta 1:11

U nan bui bi ke bi ti li joo ni Ubɔrpii Fasti, aan u li chik nnaan aayikpupuk. Ubɔrpii ngbaan nan ye upii u ŋan na la, le ubɔr ngbaan nan ban u di waanyaan di puk kipupuk waaninkpiib ni bimɔk nan dan njim ngbaan ni na chee.

Esta 1:3

Waah nan jin nnaan ki nan saa libiln tatar ni na, u nan ŋa njim sakpem tii waaninkpiib bi lik waanaan na. Pesia ni Media aatɔb aajab nan bi nima, ki kpee biyidam ni bininyuum bi bi ŋipepel nkub ni moninko ni ŋilole na mu.

Esta 1:8

Ndaan aa nan kpa ke ubaa taa nyu waah gee pu na, ubɔrkpaan ngbaan nan bui libɔrchiln ni aatutum ke bi cha unii mɔk nyu waah ga ŋman pu na mɔk.

Esta 8:9

Nimina nan ŋa ŋmataa, u bi yin u ke Sifann na aawiin moninko ni itaa daal la. Modekai nan yin ubɔr aagbaŋmeeb ki cha bi ŋmee tigbann tii Juu yaab, ni biyidam, ni nnaan aaninkpiib bimɔk bi nnaan aapepel nkub ni moninko ni ŋilole, ki nyan India aatingbaln, ki ti saa Kus aatingbaln ni na mɔmɔk. Tigbann na nan buen lipepel mɔmɔk, ni laaliin, ni laaŋmeen ni, ni Juu yaab, ni baaliin, ni baaŋmeen ni.

Aisaya 48:20

Nya Babiloŋ ni man, li cha man, ni fuur a. Li kpa mpopiin man ki moon tibɔpɔnn ngbaan, cha bi ŋun ni kookoo man ke, “Uwumbɔr gaa waatutunn Israel aanibol lii a.”

Jeremia 50:19

M ga giin Israel aanib baatiŋ pu. Bi ga ji tijikaar ti bi bun Kamel Aajool pu, ni Basann aapepel ni na, le ki ga ji tijikaar ti mɔmɔk bi ban na, Efraim ni Gilead aapepel ni.

Inandalahn 1:3

Juda aanib gur ye binaagbiib bi kaa kpa nterm na la, le bi jenn nyan bi bido. Bi gur koo ntiyayam ponn ni la, kaa kpa nin chee bi ga yin ke baatiŋ na. Baadim le mann goln bi, le baa ki kpa nin chee bi ga dii nya ki ŋmar na.

Inandalahn 1:5

Kaadim nyaŋ ki; ki gur bi baapɔɔn ni la. Uwumbɔr le cha ki jin falaa kaatunwanbir sakpenn pu; Bi chur kaabim ki di bi buen a.

Inandalahn 4:22

Sionn aatiŋ pan kaatunwanbir pu; Uwumbɔr aan ki cha ti li bi tinaagbiir ni. Le sin Edom aatiŋ ma, Uwumbɔr ga daa aatafal; u ga nyan saataani mpaan pu.

Sefania 2:7

Juda aanib bi ŋmar na le ga gaa nimi aatiŋ. Baawakor ga li ŋmɔ timoor nima chee la, le bi mu li doo Askelonn aanib aadichal ni. Bidindaan Uwumbɔr ga li bi bi chee ki cha bi ki kan liwangol.

Lituln 23:34

Ubɔr ngbaan nan karn kigbaŋ ngbaan, le ki baa Pɔɔl, “Aa nyan ni kilatiŋ ni?” Le Pɔɔl mu bui u, “M nyan ni Silisia aatiŋ ni la.” Waah ŋun ke u nyan ni Silisia aatiŋ ni na,