Esra 10:7 - Uwumbɔr aagbaŋ

⁷ Le binib ngbaan aayidam nan cha ntuun buen Jerusalem ni Juda aatim mɔmɔk ni, ke binib bi mɔmɔk nyan tinaagbiir ni ki gir ni na kuun ni, Jerusalem ni.

Esra 10:7 ပူးပေါင်းရင်းမြစ်များ

2 Bibɔrb Aabɔr 30:5

le bi yin Israel yaab mɔmɔk ki nyan Dann aatiŋ ki bi ŋŋangan wɔb na ki ti saa Beerseba ki bi ŋŋangii wɔb na, ke bi dan Jerusalem ni ki nan ji Lakr‑jer aajim, nkaal aah mɔk pu na, ki li wiir jer baah ti puun ji pu na.

Esra 1:1

Sairus aah nan ye Pesia aabɔr pu na aajan aabiln ni, le Uwumbɔr nan cha waah nan di waabɔnabr Jeremia len pu na gbiin. U nan cha Sairus siin nkaal mumina, ki cha bi ŋmee mu ki di tun waanaan mɔmɔk ni ke:

Esra 10:6

Nee aapuwɔb le u siir Uwumbɔr Aadichal aabisamɔb chee, ki koo Eliasib aajapɔɔn Jehohanann aadiik ni, ki ti dɔ nima ki wii, binib bi nyan tinaagbiir ni ki gir ni na aah tun titunwanbir ti na pu. Waa nan jin, kaa nyun mu.

Esra 10:8

Bi nan bui ke joo cha ni iwiin itaa daal na, unii umɔk yii kaa dan na, bi ga gaa waawangol mɔmɔk, le waan ki li kpa nsan ke u ye binib ngbaan ponn ni ubaa.