Esra 10:6 - Uwumbɔr aagbaŋ

⁶ Nee aapuwɔb le u siir Uwumbɔr Aadichal aabisamɔb chee, ki koo Eliasib aajapɔɔn Jehohanann aadiik ni, ki ti dɔ nima ki wii, binib bi nyan tinaagbiir ni ki gir ni na aah tun titunwanbir ti na pu. Waa nan jin, kaa nyun mu.

Esra 10:6 ပူးပေါင်းရင်းမြစ်များ

Esra 10:1

Esra aah nan gbaa kitiŋ ki mee limeel, Uwumbɔr Aadichal aabisamɔb chee, ki wii ki kpiir titunwanbir timina na, le Israel yaab aanipaak, bijab, ni bipiib, ni mbim dan nan mann goln u, ki wii pam.

Esra 10:7

Le binib ngbaan aayidam nan cha ntuun buen Jerusalem ni Juda aatim mɔmɔk ni, ke binib bi mɔmɔk nyan tinaagbiir ni ki gir ni na kuun ni, Jerusalem ni.

Esra 9:4

M nan ka nima, kinimbaak ni, le kijook aatork nan fuu, le binib kuun ni m chee, binib bi ijawaan nan chuu bi, bima Israel yaab Aawumbɔr aah nan len pu, binib bi nan nyan ni tinaagbiir ni ki gir ni na aatunwanbir pu na.

Nehemia 12:10

Josua le nan ma Joyakim; le Joyakim mu ma Eliasib; le Eliasib mu ma Joyada;

Nehemia 12:22

Buyoonn Eliasib, ni Joyada, ni Jonatann, ni Jadua nan bi limɔfal ni ki ye bitotoorninkpiib na, le bi nan ŋmee Liifai yaab aamaal aadichadam ni bitotoorb aamaal aadichadam aayimbil. N‑yoonn ngbaan le Darius nan ye Pesia aabɔrkpaan.

Nehemia 13:28

Joyada aate le nan ye utotoorninkpel Eliasib, le Joyada aajapɔɔn ubaa nan tee yoor Sanbalat, u nyan Bef Horonn aatiŋ ponn ni na aabisal. Nima pu le m jenn nyan Joyada Jerusalem ponn ni.

Nehemia 13:5

U nan di kidiik ki wiir na tii Tobia. Kidiik ngbaan nan ye kidiik ki ponn ni bi nan siini tijikaar ti binib tii Uwumbɔr na, ni Uwumbɔr aatulalee aayon, ni Uwumbɔr Aadichal ponn ni aawan, ni ipiin i binib nan tii bitotoorb na; ni njikaabim, ni ŋisubil aadaan, ni olif aakpan aapiin i bi joo tii Liifai yaab, ni bilahngaab, ni biwangbaab, ni Uwumbɔr Aadichal aakikiib na.

Nehemia 3:1

Kina le bi nan ki gir maa Jerusalem aagoln: Eliasib u ye utotoorninkpel na, ni bitotoorb biken le nan maa mbisamɔb mu bi yin mu ke Ipiih Aabisamɔb na, ki di mu tii Uwumbɔr, ki di mu aajaaleŋ laŋ. Bi nan di ligoln ngbaan mu ki nyan mbisamɔb ngbaan chee ki ti saa bikikiib aadifɔfɔk ki bi yin ki ke Nkub Aadifɔfɔk na, ni ki mu bi yin ki ke Hananel Aadifɔfɔk na mu tii Uwumbɔr.

Nehemia 3:20

Sabai aajapɔɔn Baruk mu le nan maa ligeln li paa na, ki yoor ti saa Utotoorninkpel Eliasib aadichal aabisamɔb chee:

Job Aagbaŋ 23:12

M ŋani Uwumbɔr aah len pu na n‑yoonn mɔmɔk la; m dii waageehn la, maa dii mbaa aasui aah ban pu na.

Ilahn 102:4

Bi gbaa mi bil ke timokuun na la; maa ki neen tijikaar tibaa.

Nnyam 34:28

Le Moses nan bi Uwumbɔr chee nima nwiin pu ni kinyeek ki ti saa iwiin imonko ilee, kaa ji, kaa nyu. Le u ŋmee tipuur aakaal kipiik na, ŋitakpapapan ŋilee na pu.

Aisaya 22:12

Nidindaan Uwumbɔr Mpɔɔnsakpiindaan, nan bi yin nimi ke ni nan wii, ki wii ikpowiil, ki kuu niyil, ki peen tiwan ni saak kuub na aawanpeenkaan.

Daniel 9:3

Le m nan mee ki gaŋ Tidindaan Uwumbɔr linimaln, ki lulni bumɔb, ki peeni tiwan ni saak kuub na, ki kaa nfatan ni tibɔr ngbaan pu.

Ikaal 9:18

Le m ki lir gbaan Uwumbɔr aanimbiin ni, nwiin pu ni kinyeek, iwiin imonko ilee, kaa ji, kaa nyu nibaa. Naah nan tun titunwanbir Uwumbɔr chee, ki cha waaŋuul fii pu na le cha m nan ŋa kina.