Esra 10:3 - Uwumbɔr aagbaŋ

³ Taah ban pu dandana wee na le ye ke ti ga puu tipuukpaan tii timi Aawumbɔr, ke ti ga di bipiib ngbaan ni baabim lii. Ti ga ŋa aa ni binib bi nyuŋni Uwumbɔr aakaal na aah sur timi ke ti ŋa pu na. Ti ga ŋa Uwumbɔr aakaal aah len pu na.

Esra 10:3 ပူးပေါင်းရင်းမြစ်များ

2 Bibɔrb 11:17

Utotoor Jehoyada nan cha Ubɔr Joas ni binib ngbaan nan puu tipuur tii Uwumbɔr ke bi ga li ye waanib la; u ni ubɔr ni binib ngbaan mu nan ki puu tipuur tii tɔb.

2 Bibɔrb Aabɔr 29:10

“Nima le m ŋa nlandak ke m puu tipuukpaan tii timi Israel yaab Aadindaan Uwumbɔr aan u taa ki gee ti pu liŋuul.

2 Bibɔrb Aabɔr 30:12

Uwumbɔr nan bi tun waatuln Juda aapepel ni, le ki cha binib ngbaan ŋa kimɔbaan baah pɔɔni bibaa pu ke bi kii waageehn ki dii ubɔr ni waaninkpiib aah len pu na.

2 Bibɔrb Aabɔr 34:21

“Li cha man ki ti baa Uwumbɔr, min ni binib bi gur Israel ni Juda aatim ni na pu. Baa ki bee man kigbaŋ kimina aamɔkm aah ye pu na. Tiyaajatiib aah yii Uwumbɔr aamɔboln, kaa ŋa kigbaŋ kimina aah bui ke bi ŋa pu na, u gee ti pu liŋuul a.”

2 Bibɔrb Aabɔr 34:27

le aa kpeln saabimbin ki sunn aabaa taab nnimbiin ni, ki daa kar saawanpeenkaan ki wii buyoonn aa ŋun maah nyan sil ke m daa Jerusalem aatiŋ, ni kaanib aatafal pu na. M ŋun saameel,

Esra 10:11

Dandana wee na, kpiir nimi aatunwanbir tuk Uwumbɔr u ye niyaajatiib mu Aawumbɔr na, ki ŋa tiwan ni ga piir usui na. Taa ki kpaan biwɔwɔm bi bi timi aatiŋ pu na chee man, ki di naah joo nwɔwɔmbim mu na lii.”

Esra 10:44

Bijab bee mɔmɔk nan joo nwɔwɔmbim la. Bi nan yii bi, le ki jenn bi ni baabim lii.

Esra 10:9

Joo cha ni iwiin itaa daal ngbaan, ŋmawae aawiin moninko daal na, bijab bi mɔmɔk koo Juda ni Benjaminn aapepel ni na nan kuun ni Jerusalem ni, Uwumbɔr Aadichal aapaan ni. Utaal nan bi nu sakpen, ki kpee nkuun ngbaan aanyunyuun pu na, unii mɔk nan si jii la.

Esra 9:4

M nan ka nima, kinimbaak ni, le kijook aatork nan fuu, le binib kuun ni m chee, binib bi ijawaan nan chuu bi, bima Israel yaab Aawumbɔr aah nan len pu, binib bi nan nyan ni tinaagbiir ni ki gir ni na aatunwanbir pu na.

Nehemia 10:1

Unii u nan puen ki ŋmee waayimbil na le nan ye Hakalia aajapɔɔn Nehemia, le Sedekia paan u pu ki ŋmee. Bimina mu le nan paan ki ŋmee:

Nehemia 8:14

Bi nan ti kan ke Nkaal mu Uwumbɔr nan di tii Moses ke u di tii waanib Israel yaab na, nan siin ke bi ŋa tikakar ki li koo ti ponn ni n‑yoonn mu bi ban bi ji Tikakar Aajim na.

Nehemia 9:38

Tiwan ni mɔmɔk ŋa na pu, le timi Israel aanib sil do, ki ban ke ti di ibamɔn ŋmee kimɔbaan aakpaam aagbaŋ kimina; le timi aayidam, ni Liifai yaab, ni timi aatotoorb di biŋaal paan nkpaam ngbaan pu.

Ilahn 119:120

M san sin le ijawaan; saakaal pu le ijawaan joo mi.

Ilahn 119:59

M lik maabimbin suuna, le ki puu ke m ga li dii saakaal la.

Aisaya 66:2

Min mbaa le nan naan dulnyaa wee mɔmɔk. Nsui piin binib bi sunn bibaa taab aan bisui bii baatunwanbir pu, ki san mi ki kii maamɔb na pu.

Aisaya 8:20

Le ni ga gar bi ke, “Li pel man Uwumbɔr aah mɔkni nimi pu na. Taa pel man bipɔnijoob aah len pu na. Baah tuk nimi pu na aa kpa tinyoor.”

Esekiel 9:4

“Koo Jerusalem aatiŋ ponn ni, ki daan unii umɔk aasui bii aan ni muk u baah tun ŋitun ŋi sukr ponn ni kitiŋ ngbaan ponn ni na aayigbeer pu kidaan.”

Ikaal 29:12

Din wee, ni mɔmɔk si do ke ni kii tii Nidindaan Uwumbɔr aah ban u puu tipuur ti tii nimi na la, aan ki gaa ti.

Josua 9:6

Le bi buen Gilgal aatiŋ ni, Josua ni Israel aajab chee, le ki ti bui bi ke, “Ti nyan ni nin chee daa na la. Ti ban ke ti ni nimi ŋa kimɔbaan la.”