Esra 10:18 - Uwumbɔr aagbaŋ

¹⁸ Bijab bi nan joo nwɔwɔmbim na aayimbil sɔ: Josua ni ukpetiib ni unaatiib bi aate ye Jehosadak na aataŋaal ni: Maaseya, ni Elieser, ni Jarib, ni Gedalia.

Esra 10:18 ပူးပေါင်းရင်းမြစ်များ

Esra 10:17

le ki joo cha ni iŋmal itaa ni na, bi fiir binib bi mɔmɔk joo nwɔwɔmbim na aabɔr doo.

Esra 2:2

Binib bi nan ye baasalolm na le nan ye Serubabel, ni Josua, ni Nehemia, ni Seraya, ni Reelaya, ni Modekai, ni Bilsann, ni Mispar, ni Bigfai, ni Rehum, ni Baana.

Esra 2:36

Bitotoorb aamaal aataŋaal i mu nan nyan ni tinaagbiir ni ki gir ni na sɔ: Jesua aayaabitiib aasaloln Jedaya aataŋaal—binib ikui iwae ni imonko itaa ni kipiik ni bitaa; Imer aataŋaal—binib lichur ni piiŋmu ni bilee; Pasur aataŋaal—binib lichur ni ikui ilee ni imonko ilee ni bilole; Harim aataŋaal—binib lichur ni kipiik ni bilole.

Esra 3:2

le Jehosadak aajapɔɔn Josua, ni bitotoorb biken, ni Sealtiel aajapɔɔn Serubabel, ni udo yaab, kpaan ki ki gir maa bima Israel yaab Aawumbɔr aatork aabimbiln, aan bi ki ŋmaa di kitork aanann see mmii ni li pu, ke Uwumbɔr aanii Moses Aakaal aagbaŋ aah nan mɔk pu na.

Esra 3:8

Baah nan ki gir ni Uwumbɔr Aadichal aapaan ni, Jerusalem ni na, aabileler aaŋmalee ni, le bi nan piin lituln. Serubabel, ni Josua, ni bido yaab bi gur na mɔmɔk, ni bitotoorb, ni Liifai yaab, ni binib bi mɔmɔk nan nyan ni tinaagbiir ni ki gir ni Jerusalem ni na, nan kpaan ki tun lituln ngbaan. Liifai yaab bi nan saa ŋibin moninko ki jer na le nan ye Uwumbɔr Aadichal ngbaan aamaam aaninkpiib.

Esra 5:2

Sealtiel aajapɔɔn Serubabel, ni Jehosadak aajapɔɔn Josua aah ŋun baabɔr ngbaan na, le bi piin ki ki bi maa Uwumbɔr Aadichal, Jerusalem ponn ni, le Uwumbɔr aabɔnabr bilee ngbaan ter bi.

Esra 9:1

Nimina mɔmɔk aah ŋa doo na, le Israel yaab aayidam bibaa dan nan bui mi ke binib ngbaan, ni bitotoorb, ni Liifai yaab aa yakr binib bi koo gbɔk bi ki ye Amonn yaab, ni Moab yaab, ni Ijipt yaab, ni Kanaann yaab, ni Hef yaab, ni Peres yaab, ni Jebus yaab, ni Amor yaab na chee. Bi tun inimɔɔn, ni tijɔŋ aatun ŋi binib ngbaan tun na la.

Esra 9:2

Bi yoor biwɔwɔmpiib la, le bima Uwumbɔr aanib bi bi chain na kpaln tijɔŋ aanib. Biyidam ni bininkpiib na le nan ye biyikpaadam.

Nehemia 12:10

Josua le nan ma Joyakim; le Joyakim mu ma Eliasib; le Eliasib mu ma Joyada;

Nehemia 13:28

Joyada aate le nan ye utotoorninkpel Eliasib, le Joyada aajapɔɔn ubaa nan tee yoor Sanbalat, u nyan Bef Horonn aatiŋ ponn ni na aabisal. Nima pu le m jenn nyan Joyada Jerusalem ponn ni.

Nehemia 8:4

Esra nan si tɔk paangara u bi nan paan u kina aatuln pu na pu la. Bijab bimina le nan si uŋangii wɔb: Matitia, ni Sema, ni Anaya, ni Uria, ni Hilkia, ni Maaseya. Le Pedaya, ni Misael, ni Malkija, ni Hasum, ni Hasbadana, ni Sekaria, ni Mesulam mu si uŋangan wɔb.

Nehemia 8:7

Le bi fii ki ki sil baasisiiyaan, le Liifai yaab bimina ŋeer Nkaal ngbaan aatataa tuk binib ngbaan: bima le ye Jesua, ni Bani, ni Serebia, ni Jaminn, ni Akub, ni Sabetai, ni Hodia, ni Maaseya, ni Kelita, ni Asaria, ni Josabad, ni Hanann, ni Pelaya.

Jeremia 23:10

Binib bi kaa kii Uwumbɔr aamɔb na le gbii kitiŋ kee pu; baabimbin aa ŋan, le bi joo baapɔɔn tun ŋitun ŋi kaa ŋan na. Uwumbɔr aah puun lii kitiŋ pu na, le ki wii ikpowiil, le tiwakor aamoŋmɔpaan kuur.

Jeremia 23:11

Uwumbɔr bui ke, “Maabɔnabtiib ni bitotoorb aa dii min Uwumbɔr; m kan bi Maadichal ponn ni, bi bi tun titunwanbir.

Jeremia 23:14

M ki kan maabɔnabr bi bi Jerusalem aatiŋ ni na aatunwanbir jer kina; bi gɔr kidagook le ki geei inyamɔn; bi ter binib le bi tun titunwanbir, le ubaa aa ŋmaa di cha titunwanbir aatuln. Mma chee kan, bi mɔmɔk bi ke Sodom ni Gomora aanib na la.

Esekiel 44:22

Utotoor ubaa taa yoor upii u aachal yii u na; u yoor Israel aapiibo u kaa nyi uja na, bee utotoor uken aakpopii.

Liifai Yaab 21:7

Utotoor taa yoor upii u puun ye pateer na, bee upii u puun nyi uja na, bee upii u puun mɔn uja ki ki nyan u chee na, ba pu? utotoor bi chain la.

Hagai 1:1

Darius aah nan ye Pesia aabɔrkpaan ki ti saa ŋibin ŋilee pu na aaŋmaloob aawiin mbaa daal, le Uwumbɔr nan cha waabɔnabr Hagai len tibɔr timina. Tibɔr ngbaan nan ye Juda aayidaan Serubabel u nan ye Sealtiel aajapɔɔn na, ni Utotoorninkpel Josua u nan ye Jehosadak aajapɔɔn na aabɔr la.

Hagai 1:12

Le Serubabel, ni Utotoorninkpel Josua, ni binib bi mɔmɔk nan nyan ni tinaagbiir ni Babiloŋ aatiŋ ni ki gir ni na, ŋa Bidindaan Uwumbɔr aah bui bi ke bi ŋa pu na. Bi nan bee ke Uwumbɔr le tun waabɔnabr Hagai, nima pu na le bi san ijawaan le ki kii waamɔb.

Hagai 2:4

Tɔ, Serubabel, cha aataakpab pɔɔk; Utotoorninkpel Josua, aa mu cha aataakpab pɔɔk; nimi bimɔk bi kitiŋ ngbaan ni na, cha nitaakpab pɔɔk. Min Uwumbɔr Mpɔɔnsakpiindaan bi ni chee, kina pu na, li tun lituln ngbaan man.

Sekaria 3:1

Tidaŋ tiken ponn ni le Uwumbɔr nan di waatotoorninkpel Josua mɔk mi, u si Uwumbɔr aatuun aanimbiin ni. Le kinimbɔŋ mu si gbɔk Josua, ki kii ke u galn u.

Sekaria 6:11

Di tikunabr ni salmaa u bi tii na ŋa kibɔryikpupuk, ki ti di chiŋ Jehosadak aajapɔɔn Josua, u ye Utotoorninkpel na.

1 Timoti 3:11

Ni ŋan ke bipuutiib mu li kpa laasaab, ki li chur bibaa, ki li ŋani tiwan mɔmɔk mbamɔm, ki taa li ye binibiinib.