Esra 10:11 - Uwumbɔr aagbaŋ

¹¹ Dandana wee na, kpiir nimi aatunwanbir tuk Uwumbɔr u ye niyaajatiib mu Aawumbɔr na, ki ŋa tiwan ni ga piir usui na. Taa ki kpaan biwɔwɔm bi bi timi aatiŋ pu na chee man, ki di naah joo nwɔwɔmbim mu na lii.”

Esra 10:11 ပူးပေါင်းရင်းမြစ်များ

2 Bibɔrb Aabɔr 30:22

Hesekia nan pak Liifai yaab ngbaan baah nan di nlan mu tun baatuln ki joo cha Uwumbɔr aadoon chee na pu. Iwiin ilole i ponn ni bi nan toor kitork ki pak biyaajatiib Aadindaan Uwumbɔr na aah jer na,

Esra 10:10

Utotoor Esra le nan fii sil ki len bi chee tibɔr. U nan bui bi ke, “Naah yoor biwɔwɔmpiib pu na, le ni nyan Uwumbɔr aapuwɔb, ki joo ni tibɔbir Israel aanib mɔmɔk pu.

Esra 10:12

Le binib ngbaan teen mpɔɔn pu ke, “Ti ga ŋa saah len pu na la,”

Esra 10:3

Taah ban pu dandana wee na le ye ke ti ga puu tipuukpaan tii timi Aawumbɔr, ke ti ga di bipiib ngbaan ni baabim lii. Ti ga ŋa aa ni binib bi nyuŋni Uwumbɔr aakaal na aah sur timi ke ti ŋa pu na. Ti ga ŋa Uwumbɔr aakaal aah len pu na.

Esra 9:1

Nimina mɔmɔk aah ŋa doo na, le Israel yaab aayidam bibaa dan nan bui mi ke binib ngbaan, ni bitotoorb, ni Liifai yaab aa yakr binib bi koo gbɔk bi ki ye Amonn yaab, ni Moab yaab, ni Ijipt yaab, ni Kanaann yaab, ni Hef yaab, ni Peres yaab, ni Jebus yaab, ni Amor yaab na chee. Bi tun inimɔɔn, ni tijɔŋ aatun ŋi binib ngbaan tun na la.

Nehemia 13:3

Israel yaab aanib aah ŋun bi karn nkaal ngbaan na, le bi yakr biwɔwɔm mɔmɔk nyan bikaasisik ni.

Ilahn 32:5

Le m kpiir maatunwanbir tuk si, maa nan di maataani bɔr si. M nan kii ki kpiir ti tuk si, le aa di cha maatunwanbir pinn mi.

Ŋiyataŋak 28:13

Aa yaa joo saatunwanbir bɔrni kan, saan kan tinyoor saamɔfal ni. Kpiir saatunwanbir ki di ti mee aan Uwumbɔr san si kinimbaak.

Aisaya 56:4

Uwumbɔr bui kina aaja ke, “Aa yaa pak mi ki joo maakpaakool daal mbamɔm, ki ŋani maah gee pu na, ki gaa ki kii maah puu tipuur ti na kan,

Jeremia 3:13

Kii ke ni tun taani, ke ni nyan Nidindaan Uwumbɔr aapuwɔb. Kpiir ke ni di nimi aageehn tii ŋiwaa, bususoom mɔmɔk taab, kaa kii maamɔb. Min Uwumbɔr le len kina.

Esekiel 18:30

“Tɔ, min Nidindaan Uwumbɔr le tuk nimi Israel yaab ke m ga ji ni mɔmɔk tibɔr udaan aah tun pu na la. Fenn nipuwɔb tii nimi aatunwanbir ti mɔmɔk ni tun na ki taa cha nimi aatunwanbir kuln nimi.

Jɔnn 9:24

Le Farisii yaab ki yin uja u nan ye ujoon na, le ki nan bui u, “Nyuŋ Uwumbɔr. Ti nyi ke uja ngbaan le ye titunwanbirdaan.”

Rom Yaab 12:2

Ni taa ki li bi ke dulnyaa wee aanib aah bi pu na. Kpeln nimi aalandak man aan ki kpeln nimi aabimbin. Nima le ni ga bee Uwumbɔr aah gee pu na. Ni ga bee naah ga ŋa pu ki li bi mbamɔm ki tun litunyaan ki piir usui na.

2 Korenti 6:17

Nima le cha Uwumbɔr ki bui ke, “Nya binib bi kaa dii mi na ponn ni man, ki li bi nibaa, ki di cha titunwanbir, le m ga gaa nimi.

Kolosiya 1:10

aan ki li dii Tidindaan waah ban pu na, aan ki gbiin unimbil, ki tun litunyaan aabɔŋ mɔmɔk, ki moo bee waabɔr.

Hiibru Yaab 13:21

Uwumbɔr, u tii timi nsuudoon na, toor nimi aabimbin mbamɔm, aan ni li ŋani waah gee pu na. Cha u ŋa nimi binib bi ga piir usui na Yesu Kristo pu. Uma le yeh mpakm n‑yoonn mu kaa kpa ndoon na. Amii.

Josua 7:19

Le Josua bui u ke, “Maabo, len timi Israel yaab Aadindaan Uwumbɔr aanimbiin ni do ibamɔn, ki kpiir saatunwanbir. Tuk mi dandana wee saah ŋa tiwan ni na. Taa di tibaa bɔr mi.”