Esra 10:1 - Uwumbɔr aagbaŋ

¹ Esra aah nan gbaa kitiŋ ki mee limeel, Uwumbɔr Aadichal aabisamɔb chee, ki wii ki kpiir titunwanbir timina na, le Israel yaab aanipaak, bijab, ni bipiib, ni mbim dan nan mann goln u, ki wii pam.

Esra 10:1 ပူးပေါင်းရင်းမြစ်များ

1 Bibɔrb 8:30

M ni saanib yaa di tinimbil toŋ ni Lidichal limina, ki mee si kan, aa ŋun timi aameel. Saah bi aado paacham na, ŋun, ki di cha pinn timi.

1 Bibɔrb 9:3

Uwumbɔr nan bui u ke, “M ŋun saameel. M gaa Lidichal limina, li li ye nin chee bi ga li dooni mi n‑yoonn mɔmɔk na, ki ŋa li chain.

2 Bibɔrb Aabɔr 20:13

Juda aajab mɔmɔk ni bipuutiib, ni baabim nan si Uwumbɔr Aadichal chee nima.

2 Bibɔrb Aabɔr 20:9

ki nyi ke tibɔbir ti ye butɔb, bee iween i bir na, bee nkon yaa dan ke mu daa bitafal kan, bi ga ŋmaa dan ki nan sil Saadichal li bi dooni si li ponn ni na aabisamɔb. Bi ga ŋmaa mee si baamuk ni, le aa ga ŋun ki gaa bi lii.

Esra 10:6

Nee aapuwɔb le u siir Uwumbɔr Aadichal aabisamɔb chee, ki koo Eliasib aajapɔɔn Jehohanann aadiik ni, ki ti dɔ nima ki wii, binib bi nyan tinaagbiir ni ki gir ni na aah tun titunwanbir ti na pu. Waa nan jin, kaa nyun mu.

Nehemia 1:4

Maah ŋun tibɔr ngbaan mɔmɔk na le m kal ki wii pam. Iwiin pam nan jer le m bi wii ikpowiil, kaa ji nibaa. M nan mee Uwumbɔr ke,

Nehemia 1:6

Uwumbɔr, san mi kinimbaak, ki ŋun maameel, maah mee si pu nwiin pu ni kinyeek ki tii saanaagbiib, Israel yaab aanib, bi tun titunwanbir na pu na. M kii ke m ni n‑yaajatiib mɔmɔk tun titunwanbir la.

Nehemia 10:28

Timi Israel aanib, bitotoorb, ni Liifai yaab, ni Uwumbɔr Aadichal aakikiib, ni Lidichal ngbaan ponn ni aalahngaab ni biwangbaab, ni laatutum, ni binib biken bi gaa Uwumbɔr Aakaal ki kii, ki yakr bibaa, ki nyan biwɔwɔm bi koo timi aatiŋ ponn ni na chee na, timi, ni tipuutiib, ni timi aabim bi chikr ki ga ŋmaa bee tiwan aatataa na,

Nehemia 8:9

Binib ngbaan aah ŋun Nkaal ngbaan aah ban ke bi ŋa pu na, ni nan muk bi sakpen le bi piin ki bi wii. Kina pu na, Nehemia, u nan ye baayidaan na, ni Esra, u nan ye utotoor ki mu bee Nkaal ngbaan mbamɔm na, ni Liifai yaab bi nan tuk binib ngbaan mu aatataa na bui binib ngbaan ke, “Nwiin mumina ye nwiin mu bi chain ki tii Nidindaan Uwumbɔr na la, kina pu na, ni taa wii, ki taa kpeeni mu.

Ilahn 119:136

Binib aah yii saakaal pu na cha m wii, le maanyunyunn ti puu ke limɔɔl na.

Ilahn 32:5

Le m kpiir maatunwanbir tuk si, maa nan di maataani bɔr si. M nan kii ki kpiir ti tuk si, le aa di cha maatunwanbir pinn mi.

Jeremia 13:17

Ni yaa kaan pel kan, m ga wii libɔɔl ni, nimi aagaak pu. Baah ga di Uwumbɔr aanib buen tinaagbiir ni pu na, m ga wii, le maanyunyunn ti li puu.

Jeremia 9:1

N‑yil yaa ba ye nnyunbun, aan nnimbil mu ye uyayak aanyunbun kan, m ba ga li wii nwiin pu ni kinyeek, baah ku maanib bi na pu.

Daniel 9:20

M nan beenin mee Uwumbɔr, ki kpiir maatunwanbir ni maanib Israel yaab aatunwanbir, ki gaŋni Ndindaan Uwumbɔr ke u ki gir maa Waadichal li bi chain na.

Hosea 14:2

Gir ni Uwumbɔr chee, ki cha limeel limina li ye ipiin i ni joo tii u na: “Di timi aatunwanbir mɔmɔk cha pinn timi, ki gaa timi aameel, le ti ga li pak si ke taah puu ke ti ga ŋa pu na.

Sekaria 12:10

“M ga cha David aayaabitiib ni Jerusalem aanib biken li kpa linimbaasaln, le bi ga li ban ke bi mee mi. Bi ga li lik baah saa ku u na pu la, le ki ga wii waakpuul ke baah wii libibaal aakpuul pu na. Bi ga wii waakpuul ke binib aajapɔnbaal yaa kpo kan, bi wii pu na la.

Matiu 3:6

le ki nan kpiir baatunwanbir tuk Uwumbɔr. Le Jɔnn muin bi nnyun ni, Jɔɔdann aamɔɔl ni.

Tibɔnyaan ti Luk ŋmee ti na 19:41

Yesu aah peen Jerusalem aatiŋ na, le u waa ki, ki wii sakpen ki pu,

Lituln 10:30

Le Konelius bui u, “Daanab na, tikur titaa kijook wɔb, kinakokoona, le m nan bi maadiik ni, ki bi mee Uwumbɔr. Maah bi mee Uwumbɔr na, le m kan uja u pee likekeln li wiin chain na si nnimbiin ni

Lituln 21:5

Iwiin ilole ngbaan aah jer na, le ni ŋeer ti gir koo buŋɔb na ni. Taah gir cha ti ti koo buŋɔb ni na, le bi mɔmɔk, ni bipuutiib, ni baabim cheen timi, ki nyan ni kitiŋ ngbaan ni. Le ti mɔmɔk gbaan nnyusakpem na aagbaan, ki mee Uwumbɔr,

Rom Yaab 9:2

M kpa mpombiin sakpen. Nsui bii n‑yoonn mɔmɔk, mmaal aanaabitiib Juu yaab pu la.

Ikaal 31:12

Aa yin bi mɔmɔk, bijab, ni bipiib, ni mbim, ni biwɔwɔm bimɔk bi nimi aatim ni na, aan bi mɔmɔk nan ŋun ti, ki bee baah ga li pak Nidindaan Uwumbɔr ki kii tii waamɔkm mbamɔm pu na.

Josua 7:6

Josua ni Israel yaab aaninkpiib aasui nan bii, le bi dar kar baawanpeenkaan, le ki doon kitiŋ Uwumbɔr Aakaal Aadakaa aanimbiin ni, ki ti saa kijook wɔb, le ki faa titan puŋ biyil, ki mɔk ke bisui bii a.

Josua 8:35

Josua nan karn Moses aakaal ngbaan mɔmɔk ki tii binib bimɔk nan kuun nima chee na, ki kpee bipiib, ni mbim, ni biwɔwɔm bi nan koo bi chee na mɔmɔk la.