Esra 1:6 - Uwumbɔr aagbaŋ

⁶ Bimaantɔtiib nan ter bi ki tii bi tiwan pam; bi nan tii bi tikunabr aasambil, ni salmaa, ni tijikaar, ni tiwakor ti tui ŋitun na, ni tiwanbankaan niken, ni ipiin i bi ga ti di tii Uwumbɔr Aadichal ni na.

Esra 1:6 ပူးပေါင်းရင်းမြစ်များ

1 Bibɔrb Aabɔr 29:9

Binib ngbaan nan di ngeehm ŋmeen le tii Uwumbɔr, le ni nan mɔ bi pam ke bi nan tii sakpen. Ubɔr David mu aapopiin le nan ti nyaŋ bi mɔmɔk.

Esra 1:4

Waanib bi bi tinaagbiir ni na ubaa yaa ban nterm u di gir kan, binib bi koo gbɔk u na le ga tii u nterm ngbaan. Bi nan tii bi tikunabr, ni salmaa, ni tijikaar, ni tiwakor ti tun ŋitun na, ni ipiin i bi ga ti di tii Uwumbɔr, Waadichal ni, Jerusalem ponn ni na.”

Esra 8:33

Le ti nan buen Uwumbɔr Aadichal ni winaa daal, le ki ti ŋaŋ tikunabr, ni salmaa, ni ŋisambil ngbaan, le ki di ŋi tii Uria aajapɔɔn Meremof u nan ye utotoor na. Binib bi nan kpee u pu na le nan ye Fineas aajapɔɔn Eleasar, ni Liifai yaab bilee, bima le nan ye Jesua aajapɔɔn Josabad, ni Binui aajapɔɔn Noadia.

Nehemia 6:9

Bi nan bi pɔɔni bibaa ke bi faan timi le ti di cha lituln ngbaan. Le m mee Uwumbɔr ke, “Tɔ, dandana wee, Uwumbɔr, moo tii mi mpɔɔn.”

Ilahn 106:46

U nan cha binib bimɔk muk bi na san bi kinimbaak.

Ilahn 110:3

Nwiin mundaal aa ga tak saadim na, saanib ga nya sil ki ter si bibaa pu la. Saanachipɔm ga dan aa chee ŋijoo ŋi bi chain na pu ke kichakpiik ni aamaln na la.

Nnyam 12:35

Bi nan ŋa Moses aah bui bi ke bi ŋa pu na, le ki mee Ijipt yaab salmaa, ni tikunabr aatakpanyaan, ni ŋikeken.

Nnyam 12:36

Uwumbɔr nan cha Ijipt yaab pak binib ngbaan le ki tii bi baah ban tiwan nimɔk na. Kina pu na, Israel yaab nan gaa Ijipt yaab aawankpal le ki di buen.

Aisaya 35:3

Ter iŋaal i bak na, ki pɔɔk ŋitaaŋaayil ŋi yɔl na.

2 Korenti 9:7

Unii mɔmɔk aah di pu ŋa usui ni ke u ga tii ni na, cha u tii kina. U taa tii ni mpombiin, ki taa tii limukl aatiin. Ba pu? Uwumbɔr gee unii u tii ni mpopiin na la.