Esra 1:3 - Uwumbɔr aagbaŋ

³ Uwumbɔr li bi nimi bi mɔmɔk ye waanib na chee. Ni buen Jerusalem ki ti gir maa lidichal tii Israel yaab Aadindaan Uwumbɔr, u bi dooni u Jerusalem ni na.

Esra 1:3 ပူးပေါင်းရင်းမြစ်များ

1 Bibɔrb 18:39

Binib ngbaan aah kan kina na, le bi tar lir kitiŋ, ki len mpɔɔn pu ke, “Uwumbɔr le ye Tidindaan, Uwumbɔr baanja le ye Tidindaan.”

1 Bibɔrb 8:23

le ki mee limeel ke, “Israel yaab Aadindaan Uwumbɔr, ubaa aa bi paacham, ni kitiŋ mɔmɔk pu ke sin na. Saanib yaa di bisui mɔmɔk kii tii si kan, le aa joo saah nan puu tipuur ti tii bi na, le ki mɔk bi saageehm.

1 Bibɔrb Aabɔr 28:20

Ubɔr David nan bui ujapɔɔn Solomonn ke, “Li si chob ki taa san ijawaan. Piin lituln ngbaan ki taa cha nibaa kiir si. Tidindaan Uwumbɔr u m dii na ga li bi aa chee. Waan siir cha si, see lituln li aa ban aa tun Waadichal pu na ti doo.

Esra 1:4

Waanib bi bi tinaagbiir ni na ubaa yaa ban nterm u di gir kan, binib bi koo gbɔk u na le ga tii u nterm ngbaan. Bi nan tii bi tikunabr, ni salmaa, ni tijikaar, ni tiwakor ti tun ŋitun na, ni ipiin i bi ga ti di tii Uwumbɔr, Waadichal ni, Jerusalem ponn ni na.”

Esra 4:3

Le Serubabel, ni Josua, ni itaŋaal ngbaan aayidam bui bi ke, “Taa ban nimi aaterm ke ti di maa Tidindaan Uwumbɔr Aadichal. Pesia aabɔrkpaan Sairus aah bui timi pu na, timi tibaa le ga maa li.”

Esra 5:13

Le Ubɔrkpaan Sairus aah nan jin nnaan Babiloŋ aatiŋ ni libiln li ponn ni na, le u tii nsan ke bi ki gir maa Uwumbɔr Aadichal ngbaan.

Esra 5:3

Naa nan yunn, le Yufrates aamɔɔl aawilir wɔb aapepel aayidaan Tatenai, ni Setar Bosenai, ni baaninkpiib biken kpaan dan Jerusalem, ki nan baa bi ke, “Ŋma tii nimi nsan ke ni maa Uwumbɔr Aadichal lee ki toor li?”

Esra 6:7

ki taa ki leŋ nsan laamaam. Cha man Juda aapepel aayidaan ni Juu yaab aayidam ki gir maa Uwumbɔr Aadichal, laah nan si nin chee na.

Ilahn 132:13

Uwumbɔr lee Sionn la; u ban u di nima le ŋa udo;

Ilahn 83:18

Cha bi bee ke sin baanja le ye Uwumbɔr, ki ye kitiŋ kee aayidaan u kaa kpa ŋeen aatɔ na.

Aisaya 37:16

“Uwumbɔr Mpɔɔnsakpiindaan, timi Israel yaab Aadindaan u ka waabɔrjal li bi tiwan ni kpa ifeen na aapaacham na, sin baanja le ye Uwumbɔr, ki joo dulnyaa aanaan mɔmɔk. Aa naan taab ni paacham.

Aisaya 44:28

Le m ga bui ubɔrkpaan Sairus ke, ‘Sin le ga joo maanib; aa ga ŋa maah ban ke aa ŋa pu na: aa ga cha bi ki gir maa Jerusalem, ni Maadichal aadinyikl mu.’”

Aisaya 45:5

Min le ye Uwumbɔr, uken aa ki bi. Saa nyi mi; m mu tee ga tii si mpɔɔn mu aa ban na.

Jeremia 10:10

Tɔ, sin Uwumbɔr le ye Uwumbɔr bamɔnn, sin le ye Uwumbɔr u bi na, le ki ye ubɔr u bi n‑yoonn mɔmɔk na. Saaŋuul yaa fii kan, dulnyaa deŋni la; ŋitimbol aan ŋmaa sil saaŋuul chee.

Daniel 2:47

Ubɔrkpaan nan ki bui ke, “Saawumbɔr le ye Uwumbɔrkpaan ki jer ŋiwaa mɔmɔk, u ye bibɔrb Aadindaan, ki ye u kpiir iwaan aawan mɔk binib na. Saah kpiir iwaan aawan nimina mɔk mi na le cha m bee kina.”

Daniel 6:26

Min le len ke maanaan mɔmɔk ni, binib mɔmɔk li san ki pak Daniel Aawumbɔr. U ye Uwumbɔr u kpa limɔfal na la, le u ga li joo dulnyaa ki ti saa n‑yoonn mu kaa kpa ndoon na. Ubaa aan ŋmaa bii waanaan, le waapɔɔn mu aan ŋmaa doo.

Matiu 28:20

ki tuk bi ke bi li keei maah tuk nimi pu na mɔmɔk. Teer man ke m bi ni chee n‑yoonn mɔmɔk, ki nan saa dulnyaa aadoon.”

Lituln 10:36

Ni nyi ke Uwumbɔr tuk Israel yaab tibɔnyaan. Tibɔnyaan tee le ye ke Uwumbɔr ga tii bi nsuudoon Yesu Kristo pu. Uma le ye ti mɔmɔk Aadindaan.

Ikaal 32:31

Baadim bibaa nyi ke baawaa aa kpa mpɔɔn, kaa kpa mpɔɔn sakpen ke Israel yaab Aawumbɔr na.

Josua 1:9

Teer ke m tuk si ke aa pɔɔn aabaa ki li kpa lipobil. Taa san ijawaan, ki taa cha aawon yɔl. Min, Aadindaan Uwumbɔr ma kan, m ga li bi aa chee saah cha nin chee na mɔmɔk.”