Esra 1:11 - Uwumbɔr aagbaŋ

¹¹ Ni mɔmɔk aah nan ti kpaan na, ni nan ye ŋichur ŋiŋmu ni ikui inaa, ki ye salmaa ni tikunabr aasambil, ni tiwanbankaan niken, le Sesbasar ni binib bi nan nyan tinaagbiir ni Babiloŋ ni na di gir kun Jerusalem ni.

Esra 1:11 ပူးပေါင်းရင်းမြစ်များ

2 Bibɔrb 25:15

Bi nan yoor salmaa, ni tikunabr aawan mɔmɔk: bi nan yoor yoor nsambim ni ŋisambil ŋi bi joo moi mmii na.

Esra 2:1

Binib bi nan nyan ni tinaagbiir ni ki gir ni na pam le nan nyan ni Babiloŋ aapepel ni, ki buen Jerusalem aatiŋ, ni Juda aatim muken ni, bi mɔmɔk cha bido aatim ni. Ubɔr Nebukadnesar aah nan chur bi tinaagbiir buen Babiloŋ buyoonn na, bi nan gur koo nima la.

Esra 4:1

Juda ni Benjaminn yaab aadim nan ŋun ke Israel yaab bi nyan ni tinaagbiir ni ki gir ni na bi maa Bidindaan Uwumbɔr Aadichal,

Esra 6:19

Libiln li paa na aajan aaŋmal aawiin kipiik ni inaa daal, le binib bi nan nyan ni tinaagbiir ni ki gir ni na nan jin Lakr‑jer Aajim.

Ilahn 126:1

Uwumbɔr aah nan di timi giin Jerusalem aatiŋ ni na, ni nan naahn tidaŋ la.

Ilahn 85:1

Uwumbɔr, aa san saatiŋ kinimbaak; aa ki cha Israel yaab kan liwankpal.

Jeremia 27:21

“Li pel man, min Uwumbɔr Mpɔɔnsakpiindaan, u ye Israel yaab Aawumbɔr na, aah kpa pu ki joo cha liwangol li gur ki bi Maadichal ni, ni nnaan aadichal ni, Jerusalem aatiŋ ni na:

Rom Yaab 9:23

U mu ban ke binib bee waah ŋan sakpen pu na, ki san timi kinimbaak, ki ŋa timi mpopiin pam. U nan naan timi ke u ŋa timi kina la,