Daniel 9:9 - Uwumbɔr aagbaŋ

⁹ Aa ye unimbaasaln la, ki joo cha pinni titunwanbir mu, le tima yii si.

Daniel 9:9 ပူးပေါင်းရင်းမြစ်များ

2 Samuel 24:14

Le David bui ke, “M bi limukl aayoonn ni le na. Tɔ, maa gee ke unibɔn daa ntafal. Uwumbɔr le ye unimbaasaln daan, cha uma le daa timi aatafal.”

1 Bibɔrb 8:30

M ni saanib yaa di tinimbil toŋ ni Lidichal limina, ki mee si kan, aa ŋun timi aameel. Saah bi aado paacham na, ŋun, ki di cha pinn timi.

Nehemia 9:31

Le saanimbaasaln aah ti nyaŋ sakpen pu na, saa nan yii bi, kaa ku doo bi. Aa sil ye unimbaasaln Aawumbɔr u kpa lineen sakpen na la.

Ilahn 130:4

Le aa di cha pinn timi, ke ti li san si ijawaan.

Ilahn 130:7

Uwumbɔr aageehm aah kaa kpelni na aan u gee ke u gaa nimi lii n‑yoonn mɔmɔk na, nimi Israel yaab, tii u naadii man.

Ilahn 62:12

ki ki len ke waageehm bi n‑yoonn mɔmɔk. Uwumbɔr, si aabaa le pa unii waatuln aah ŋeer pu na.

Ilahn 86:15

Uwumbɔr, le aa ma ye Uwumbɔr u san kinimbaak ki kpa ngeehm na, ki kpa suklaa ni tiŋann, ki ŋani saah puu ke aa ga ŋa pu na n‑yoonn mɔmɔk.

Ilahn 86:5

Aa kpa ti pu tiŋann le ki joo cha pinni timi aatunwanbir; saageehm mu bi n‑yoonn mɔmɔk na bi binib bi mee si na chee.

Aisaya 55:7

Cha bibiindam di cha baah bi mbiin mu ni na ki kpeln baalandak. Cha bi fenn toŋ Tidindaan Uwumbɔr u san binib kinimbaak ki cha pinni titunwanbir mala na.

Aisaya 63:7

Le m bui ke m ga len Uwumbɔr aageehm aah kaa door pu na; m ga pak u waah ŋa pu tii timi na pu. U ŋa tinyoor ti nyuun na ŋa Israel yaab pu, waageehm, ni waanimbaasaln pu.

Jeremia 14:7

Le maanib wii yin mi ke, ‘Timi aatunwanbir galni timi la, Uwumbɔr, ter timi ke saah nan puu ke aa ga ŋa pu na. N‑yoonn n‑yoonn pam le ti fenn tipuwɔb tii si; ti tun si titunwanbir.

Esekiel 20:13

Tɔ, nteersakpiin ni, nima chee le bi kpaan yii maamɔb. Bi bii maakaal, le ki yii maamɔkm mu tii unii umɔk gaa mu ki kii na limɔfal na. Bi nan bii Likpaakool daal aajoom pel pel. M nan gor nteersakpiin ni nima ke m cha bi bee maaŋuul aah pɔɔ pu na ki kuln bi.

Daniel 9:5

“Ti tun titunwanbir, ki ŋa tiwan ni kaa ŋan na. Ti yii saah len ke ti ŋa pu na, ki fenn tipuwɔb tii tiwan ni aa mɔk ke ni ŋan na.

Daniel 9:6

Taa nan pel saatutum ni saabɔnabtiib bi nan di saayimbil tuk timi aabɔrb, ni binib bi joo ntim na, ni tiyaajatiib, ni litimbol mɔln na aah nan len pu na.

Daniel 9:7

Ndindaan, aa ŋani tiwan ni ŋan na n‑yoonn mɔmɔk, le tima joo ni inimɔɔn nan tii tibaa n‑yoonn mɔmɔk. Nimina ye mbamɔn ki tii timi bi bi Judea ni Jerusalem aatiŋ ni na, ni Israel yaab bi aa cha bi yaa ki bi ntim mu bi dandar na, ni mu duun na ni na, ke baa dii si mbamɔm.

Daniel 9:8

Ndindaan, timi aabɔrb, ni binib bi joo ntim na, ni tiyaajatiib nan tun titunwanbir ki jin inimɔɔn.

Jona 4:2

Le u mee Uwumbɔr ke, “Uwumbɔr, maah nan laa bi linampal na, m nan len ke kina le aa ga ŋa. Kina pu le m nan pɔɔn mbaa ke m san mala ki buen Speenn aatiŋ ni. M nyi ke aa ye Uwumbɔr u gee binib ki san bi kinimbaak na la, aa kpa limɔr n‑yoonn mɔmɔk, ki kpa tiŋann n‑yoonn mɔmɔk, ki ŋmaa kpelni saalandak kaa dar binib aatafal.