Daniel 9:5 - Uwumbɔr aagbaŋ

⁵ “Ti tun titunwanbir, ki ŋa tiwan ni kaa ŋan na. Ti yii saah len ke ti ŋa pu na, ki fenn tipuwɔb tii tiwan ni aa mɔk ke ni ŋan na.

Daniel 9:5 ပူးပေါင်းရင်းမြစ်များ

2 Bibɔrb 18:12

Israel yaab aah kaa nan kii Bidindaan Uwumbɔr aamɔb, ki bii tipuur ti u nan puu tii bi na, ki yii ikaal i mɔmɔk Uwumbɔr aatutunn Moses nan di tii bi na pu le Samaria aatiŋ nan ber. Baa nan ŋun kaa kii tii u.

2 Bibɔrb 21:15

Maanib aah tun mi titunwanbir pu ki fiin maaŋuul ki nyan n‑yoonn mu biyaajatiib nan nyan ni Ijipt aatiŋ ni ki nan saa din wee na pu, le m ga ŋa bi kina.”

Esra 9:6

M nan bui ke, “Uwumbɔr, inimɔɔn sakpiin pu, le maa ŋmaa yaar n‑yil paacham aanimbiin ni. Timi aatunwanbir muun ti nyaŋ, ki fɔk jer timi, ti fɔk ti pii kitaapaak.

Ilahn 106:6

Ti tun titunwanbir ke tiyaajatiib aah tun pu na la; ti kpa mbiin le ki ye titunwanbirdam.

Ilahn 119:102

Sin aabaa aah ye maamɔmɔkr na, maa lik saakaal fam.

Ilahn 119:176

M chuun yiini ke upiih u wɔŋ na la; maah kaa yii saakaal pu na, dan nan ban kan mi, saatutunn.

Ilahn 18:21

M kii Uwumbɔr aakaal; maa fenn mpuwɔb tii Maawumbɔr.

Aisaya 53:6

Ti mɔmɔk naahn ipiih i yenn na la, timɔk cha taah gee niwɔb na, le Uwumbɔr di titunwanbir ngbaan aafalaa tun u, ntafadaan ngbaan ba ŋeer timi la.

Aisaya 59:13

Ti yii si, kaa si aapuwɔb, kaa dii saasan. Ti muk biken, ki fenn tipuwɔb tii si. Timi aalandak, ni timi aamɔliin mɔmɔk ye inyamɔn la.

Aisaya 64:4

Ubaa aa kee kan, bee u ŋun Uwumbɔr uken pu u bi ke sin, u ŋani ŋitun ŋee aaboln tii binib bi mak aa pu na.

Jeremia 14:20

Uwumbɔr, ti tun si titunwanbir; ti kpiir timi tibaa aatunwanbir pu le ki kpiir tiyaajatiib aatunwanbir mu pu.

Jeremia 14:7

Le maanib wii yin mi ke, ‘Timi aatunwanbir galni timi la, Uwumbɔr, ter timi ke saah nan puu ke aa ga ŋa pu na. N‑yoonn n‑yoonn pam le ti fenn tipuwɔb tii si; ti tun si titunwanbir.

Jeremia 3:25

Ti ga doon kitiŋ le ki cha timi aanimɔɔn biin ti pu. Timi ni tiyaajatiib tun Tidindaan Uwumbɔr titunwanbir le n‑yoonn mɔmɔk; taa kii waamɔb daalbaadaal.”

Jeremia 30:14

Nibɔtiib mɔmɔk suln nibɔr a; bitafal aa ki bi ni ponn ni. M tak nimi ke udin na la; nimi aatunwanbir aah wiir aan nimi aabiin nyaŋ sakpen pu na le cha nimi aatafadaan bir.

Jeremia 44:3

mu aanib nan tun titunwanbir ki ŋa mi liŋuul. Bi nan toor kitork tii ŋiwaa, le ki dii ŋiwaa ŋi bima, ni nimi, ni niyaajatiib aa kee dii ŋi na.

Inandalahn 1:18

Tɔ, Uwumbɔr kpa mbamɔn, min le yii waamɔb. Ŋipepel mɔmɔk aanib, li pel m chee man, lik maah bi iween i ponn ni na man. Bi chur maanachipɔm ni bipiisapɔm tinaagbiir.

Inandalahn 1:20

Uwumbɔr, lik maah bi ntoton mu ponn ni na. Maatunwanbir bii nsui mɔmɔk doo. Bi ku binib kitiŋ ponn ni, hali tidir mu ni, bi ku binib la.

Inandalahn 3:42

“Uwumbɔr, ti tun titunwanbir ki yii saamɔb, le saa di cha pinn timi.

Esekiel 5:6

Le Jerusalem aatiŋ yii maakaal, ki mɔk ke ki kpa mbiin jer ntim muken, kaa kii maamɔb ki jer ntim mu mann goln ki na. Jerusalem aatiŋ yii maah mɔk pu na, ki yii ke kaan joo maakaal.

Esekiel 6:9

nin chee bi ga li bi tinaagbiir ni na. Nima le bi ga ti teer mbɔr ki bee ke min le daa bitafal ki jinn bi inimɔɔn, bisui i kaa ŋani maah len pu na, ki yii mi ki labr dii ŋiwaa na pu. Baah tun titunwanbir ki ŋani tiwan ni bii binib aayimbil na pu, le biponn ni ga li sukr bibaa pu.

Daniel 9:11

Israel yaab mɔmɔk nan bii saakaal ki yii kaa pel saah len pu na. Ti nan tun si titunwanbir, le aa nan cha saah puun tibɔbir ti aan saatutunn Moses nan ŋmee ŋa saakaal ni na dan nan lir ti pu.

Daniel 9:15

“Tidindaan Uwumbɔr, aa nan mɔk saapɔɔn buyoonn aa nan di saanib nyan ni Ijipt aatiŋ ni na, le bi beenin teer saapɔɔn bɔr. Ti tun titunwanbir, ki ŋa tiwan ni kaa ŋan na.

Daniel 9:9

Aa ye unimbaasaln la, ki joo cha pinni titunwanbir mu, le tima yii si.

Hosea 1:2

Uwumbɔr aah nan puen di Israel yaab aabɔr ti tuk Hosea na, u nan bui Hosea ke, “Ti ban upii ki yoor, aapuu ngbaan aan li ye upii kpala, le waabim mu ga li bi ke uma na la. Kina le maanib mu yii mi, kaa ye binib bi dii mi na.”

Malakai 3:7

Ni bi ke niyaajatiib la, le ki yii maakaal, kaa joo i. Fenn gir ni m chee man, aan m mu fenn gir ni ni chee. Min Uwumbɔr Mpɔɔnsakpiindaan le len kina. Le ni baa ke, ‘Ti ga ŋa kinye ki fenn gir ni aa chee?’

Hiibru Yaab 3:12

Nnaabitiib, ni li nyi man, ni ponn ni ubaa aasui taa li bir aan u li joo beeni ki yii Uwumbɔr u ye limɔfadaan na.