Daniel 9:4 - Uwumbɔr aagbaŋ

⁴ M nan mee Ndindaan Uwumbɔr ki kpiir maatunwanbir ni maanib aatunwanbir tuk u. M nan len ke, “Ndindaan Uwumbɔr, aa ye unikpaan la, le ti pak si. N‑yoonn mɔmɔk aa joo saah puu pu na, ki gee binib bi gee si ki ŋani saah len pu na.

Daniel 9:4 ပူးပေါင်းရင်းမြစ်များ

1 Bibɔrb 8:23

le ki mee limeel ke, “Israel yaab Aadindaan Uwumbɔr, ubaa aa bi paacham, ni kitiŋ mɔmɔk pu ke sin na. Saanib yaa di bisui mɔmɔk kii tii si kan, le aa joo saah nan puu tipuur ti tii bi na, le ki mɔk bi saageehm.

2 Bibɔrb Aabɔr 7:14

aan bi yaa mee limeel m chee ki kpeln baabimbin ki yii baah tun titunwanbir ti na kan, le m ga li bi paacham ki ŋun baameel ngbaan, ki di baatunwanbir cha pinn bi, ki ki cha baatiŋ ŋa tinyoor.

Esra 10:1

Esra aah nan gbaa kitiŋ ki mee limeel, Uwumbɔr Aadichal aabisamɔb chee, ki wii ki kpiir titunwanbir timina na, le Israel yaab aanipaak, bijab, ni bipiib, ni mbim dan nan mann goln u, ki wii pam.

Nehemia 1:5

“Uwumbɔr u ye Paacham Aadindaan na, aa ye unikpaan la, le ti san si ijawaan. Binib bi gee si ki ŋani saakaal aah len pu na, aa joo saah puu tipuur ti tii bi na mbamɔm.

Nehemia 9:32

Uwumbɔr, timi Aawumbɔr, saapɔɔn wiir sakpen; Unii mɔk san si ijawaan, le saapɔɔn ti nyaŋ. Aa joo saah nan puu tipuur ti na mbamɔm. Ki nyan buyoonn Asiria aatiŋ aabɔrb nan muk timi na, hali ki nan saa din, taah jin falaa u na nyaŋ a. Timi aabɔrb, ni timi aayidam, ni timi aatotoorb, ni saabɔnabtiib, ni tiyaajatiib, ni timi aanib mɔmɔk jin falaa la. Teer taah jin falaa sakpen pu na.

Ilahn 32:5

Le m kpiir maatunwanbir tuk si, maa nan di maataani bɔr si. M nan kii ki kpiir ti tuk si, le aa di cha maatunwanbir pinn mi.

Nnyam 20:6

ki ga li gee binib churbakaa bi mu gee mi ki kii tii maakaal na.

Jeremia 3:13

Kii ke ni tun taani, ke ni nyan Nidindaan Uwumbɔr aapuwɔb. Kpiir ke ni di nimi aageehn tii ŋiwaa, bususoom mɔmɔk taab, kaa kii maamɔb. Min Uwumbɔr le len kina.

Jeremia 32:23

Baah nan koo ni kitiŋ kee pu ki gaa ki na, bi nan yii saah nan bui bi ke bi li bi pu na, kaa nan bi saah mɔk bi ke bi li bi pu na. Baa nan ŋa saah bui bi pu na tiwan nibaa, kina pu le aa joo ni tibɔbir tee mɔmɔk nan lii bi pu.

Daniel 6:10

Daniel aah ŋun ke ubɔr di waanaŋ nyii nkaal ngbaan pu na, le u kun linampal. U nan ti koo paacham aadiik ni, waadichal ponn ni. Kidiik ngbaan aatakolu tiib bibaa nan lik Jerusalem aatiŋ wɔb la. Nima chee, le u nan gbaan ke waah ti ŋani pu n‑yoonn mɔmɔk na, takolu tiib bi piir na chee, ki mee Uwumbɔr nfum mutaa nwiin mubaa.

Daniel 9:3

Le m nan mee ki gaŋ Tidindaan Uwumbɔr linimaln, ki lulni bumɔb, ki peeni tiwan ni saak kuub na, ki kaa nfatan ni tibɔr ngbaan pu.

Tibɔnyaan ti Luk ŋmee ti na 1:72

U nan len ke u ga san tiyaajatiib kinimbaak, ki teer waah puu tipuur ti ye chain na bɔr.

Rom Yaab 8:28

Ti nyi ke tiwan nimɔk pii timi na, Uwumbɔr le cha ni mɔmɔk kpaln tiwan ni ŋan na ki tii binib bi gee u na. Waageehn pu le u nan yin bi.

Ikaal 5:10

M ga li gee binib churbakaa bi mu gee mi, ki kii tii maakaal na.

Ikaal 7:12

“Ni yaa ŋun ki joo ikaal yee mbamɔm kan, Nidindaan Uwumbɔr ga li beenin joo waah puu tipuur ti na, ki ga mɔk nimi waageehm mu bi n‑yoonn mɔmɔk na, ke waah nan puu pu tii niyaajatiib na.

Ikaal 7:21

Nima pu na, ni taa li san binib ngbaan ijawaan. Nidindaan Uwumbɔr bi ni chee. U ye Uwumbɔr sakpiin la, le ni ŋan ke ni li san u ijawaan.

Ikaal 7:9

Ni teer ke Nidindaan Uwumbɔr baanja le ye Uwumbɔr, le ki ŋani waah len pu na. U ga li joo waah puu tipuur ti na, ki ga mɔk ŋiniker lichur ŋi gee u ki joo waakaal na, waah kpa ngeehm n‑yoonn mɔmɔk pu na,

Jemisi 1:12

Tɔ, unii u kan ntɔŋ ki kpa limɔr na, Uwumbɔr aanyoor bi u pu. Ba pu? u yaa kan ntɔŋ ki si mbamɔm kan, u ga kan ipiin i ye limɔfal li Uwumbɔr nan puu tipuur ke u ga tii binib bi gee u na.

Jemisi 2:5

Nnaabitiib bi m gee bi na, ni li pel man. Uwumbɔr nyan binib bi ye bigiim dulnyaa wee ni na ke bi gaa u ki kii ki li ye biwankpadam u chee, ki ji nnaan mu Uwumbɔr nan puu tipuur ke u ga tii binib bi gee u na.