Daniel 9:27 - Uwumbɔr aagbaŋ

²⁷ Ubɔr pɔɔl ngbaan ga cha u ni binib pam kpaan kimɔbaan ki pɔɔ na ki ti saa ŋibin ŋilole, le ŋibin ŋilole ngbaan ponn ni yaa nan saa ŋibin ŋitaa ni ligeln na, u ga kuln kitork ni ipiin, Uwumbɔr Aadichal ni. U ga di tiwanbir ni bii tiwan nimɔk bi chain na ki di kaan Uwumbɔr Aadichal paab, nin chee paa na, le ni ga li ka nima ki ti saa buyoonn unii u di ni kaan nima na pii ndoon mu Uwumbɔr gor kiir u na.”

Daniel 9:27 ပူးပေါင်းရင်းမြစ်များ

Aisaya 28:15

Ni bui ke nimi ni nkun ŋa tɔb kijɔtiik aan ni ni kitekpiitiŋ kpaan a. Ni dii inyamɔn ki dak ke ŋŋmann pu le ni ga ŋmar, ki tii naadii ke tibɔbir yaa fuu ni kan, ni ga nya ti ni.

Aisaya 28:22

Taa laa man nsurm mu m joo tii nimi na. Ni yaa laa kan, naah ga ŋa pu aan ki ŋmar na ga moo pɔɔk. Uwumbɔr Mpɔɔnsakpiindaan tuk mi ke u ga kuln litingbaln ngbaan mɔmɔk.

Aisaya 42:6

“Min Uwumbɔr le yin si ki tii si mpɔɔn ke aa cha ibamɔn dan dulnyaa wee ni. Sin pu le m ga puu tipuur tii binib mɔmɔk; sin pu le nwiihn ga dan ŋinibol mɔmɔk pu.

Aisaya 53:11

U yaa jin falaa kan, nee aapuwɔb le u ga kan mpopiin; le ki ga bee ke waa jin falaa fam. Maatutunn bamɔnn u m gee u na ga gaa binib pam aatafadaan le m di cha pinn bi baatunwanbir.

Aisaya 55:3

Maanib, li pel dandana man, ki dan m chee man, dan man m chee ki nan kan limɔfal. M ga puu tipuur ti kaan doo na tii nimi, ki tii nimi tinyoor ti m nan puu Ubɔr David ke m ga tii u na.

Jeremia 7:30

“Juda aanib tun titunwanbir la. Bi di baawaa ŋi bir sakpen na bil Maadichal ni, ki bii li.

Daniel 11:31

Waajab ngem ga bii Uwumbɔr Aadichal. Bi ga kuln iwiin mɔmɔk aatork, ki di tiwanbir ni bii tiwan nimɔk bi chain na siin nima.

Daniel 11:36

“Siria aabɔr ga li ŋani waah gee pu na la. U ga li kpa kipupuk ke liwaal libaa aa bi ki pii u, ke u kpaan jer Uwumbɔr u kaa kpa ŋeen aatɔ na mu. U ga li ŋani kina ki ti saa buyoonn Uwumbɔr ga daa utafal na. Uwumbɔr aah kpokl ke u ŋa pu na, kina le ga ŋa.

Daniel 12:11

“Ki nya buyoonn bibiindam cha bi taa ki toor iwiin mɔmɔk aatork Uwumbɔr Aadichal ni na, nima le ye buyoonn tiwanbir ni bii tiwan nimɔk bi chain na ga sil Uwumbɔr Aadichal ngbaan ni, iwiin lichur ni ikui ilee ni imonko inaa ni kipiik le ga jer.

Daniel 7:25

U ga sii Uwumbɔr u kaa kpa ŋeen aatɔ na, ki muk uma Uwumbɔr waanib. U ga pɔɔn ubaa ke u kpeln baah dii isan i na, ni baajim aakuun mu, le Uwumbɔr aanib ga li bi waapɔɔn ni ki ti saa ŋibin ŋitaa ni ligeln.

Daniel 8:13

Le m ŋun Uwumbɔr aatuuntiib ubaa baa uken ke, “Tiwan ni bi tidaŋ ngbaan ponn ni na ga yunn kinye? Titunwanbir ti gaa iwiin mɔmɔk aatork na ga yunn ki ti saa kinye? Baah taar paacham aaŋmabi ni Uwumbɔr Aadichal pu pu na ga yunn ki ti saa kinye?”

Hosea 3:4

Kina le Israel yaab mu ga li gur bi, kaa kpa bibɔrb ni bisalolm, kaan ki li kpa kitork ki toor, kaan li kpa ŋitakpal ŋi bi toor na, kaan li kpa ŋiwaa, bee tiwanaankaan nibaa ke bi li joo buu tibɔɔr.

Matiu 24:15

“Ni ga kan tiwanbir ni bii tiwan nimɔk bi chain na si Uwumbɔr Aadichal ni, ke Uwumbɔr aabɔnabr Daniel aah nan len pu na.” Tɔ, nimi bi karni na, ni li beer nimina aatataa.

Matiu 26:28

Maasin le na. Maasin pu, le Uwumbɔr puu tipuupɔln ki tii nimi. Maasin ga nya binib pam aatunwanbir pu, aan Uwumbɔr di cha pinn bi.

Matiu 27:51

N‑yoonn ngbaan, le likekeln li yakr Uwumbɔr aadiik ni nfum mulee na chuu kar paacham ki ti saa kitiŋ. Le kitiŋ deŋ, le ŋitakpasakpiin chuu war.

Tibɔnyaan ti Mak ŋmee ti na 13:14

“Ni ga kan tiwanbir ni bii tiwan nimɔk bi chain na si naah kaa ba ga li si nin chee na.” (Tɔ, nimi bi karni na, ni li beer nimina aatataa.) “N‑yoonn ngbaan yaa nan fuu ni kan, binib bi bi Judea aatiŋ ponn ni na san buen ŋijoo paab.

Tibɔnyaan ti Luk ŋmee ti na 21:20

“Ni yaa kan butɔb aajab si gob Jerusalem aatiŋ kan, ni li nyi man, naan yunn, le bi ga bii kitiŋ ngbaan doo.

Tibɔnyaan ti Luk ŋmee ti na 21:24

Bi ga di kijaak aajum ku bibaa, ki ga chuu bibaa mu tinaagbiir ki di buen ŋinibol mɔmɔk aakaasisik ni. Le binib bi kaa ye Juu yaab na ga bii Jerusalem ki ti saa baayoonn aah ga doo pu na.”

Rom Yaab 11:26

N‑yoonn ngbaan le Juu yaab mɔmɔk mu ga ŋmar. Ni ŋmee Uwumbɔr Aagbaŋ ni ke, “U gaal binib lir na ga nyan ni Sionn paacham, ki nyan Jakob aayaabitiib aatunwanbir.

Rom Yaab 5:15

Uwumbɔr aah tii timi ipiin i na aa bi ke Adam aatunwanbir na. Ni ye mbamɔn ke unibaan aatunwanbir pu le nkun pii binib mɔmɔk. Yesu Kristo aanimbaasaln pu, le Uwumbɔr san binib mɔmɔk kinimbaak, ki tii bi ipiin i ye limɔfal na.

Rom Yaab 5:19

Unibaan Adam aah nan yii Uwumbɔr aamɔb na, nima le binib mɔmɔk aabɔr bii Uwumbɔr chee. Yesu aah nan kii Uwumbɔr aamɔb na, nima le binib bimɔk gaa uma Yesu ki kii na aabɔr ŋan Uwumbɔr chee.

Hiibru Yaab 9:28

Kristo mu di ubaa toor kitork nfum mubaa, binib pam aatunwanbir pu. U ga ki fuu ni lelee. Naa ye titunwanbir pu le u ga ki fuu ni. U ga fuu ni ke u nan gaa binib bi kii waagirndaal na lii.