Daniel 9:25 - Uwumbɔr aagbaŋ

²⁵ Chuu tibɔr timina ki bee taatataa: Ki nyan n‑yoonn mu bi ga lii bumɔb ke bi ki gir maa Jerusalem aatiŋ na, ki ti saa buyoonn Uwumbɔr aah lee usaloln u na fuu ni na, ga li ye ŋibin ŋilole nfum mulole pu la. Bi ga ki gir maa Jerusalem aatiŋ, le isan ga li bi ki ponn ni, le ki li kpa tiwan ni kiir ki aan ki pɔɔ na; le ki ga sil ki ti saa ŋibin imonko itaa ni ŋilee nfum mulole pu; n‑yoonn ngbaan tee ga li ye tibɔbir aayoonn la.

Daniel 9:25 ပူးပေါင်းရင်းမြစ်များ

2 Samuel 15:25

Le ubɔr David bui Sadok ke, “Yoor Uwumbɔr Aakaal Aadakaa ngbaan giin kitiŋ ponn ni. Uwumbɔr yaa lik ki faar mi kan, daalbaadaal u ga nan cha m ki dan, ki nan kan Dakaa ngbaan, ni nin chee u si na.

Esra 4:24

Uwumbɔr Aadichal aamaam nan sil, kaa ki cha, ki ti saa Pesia aabɔrkpaan Darius aanaanjil aabileler ni.

Esra 7:1

Nee aapuwɔb, Ataksekes aah nan ye Pesia aabɔrkpaan buyoonn na, le uja ubaa nan bi, bi nan yin u ke Esra. Esra aate le nan ye Seraya, le Seraya mu aate nan ye Asaria, u aate nan ye Hilkia na.

Esra 7:8

Njan aaŋmal aajan aawiin daal le bi nan nyan Babiloŋ ni, le Uwumbɔr nan ter bi, le bi ti fuu Jerusalem, ŋmaŋmu aajan aawiin daal.

Nehemia 3:1

Kina le bi nan ki gir maa Jerusalem aagoln: Eliasib u ye utotoorninkpel na, ni bitotoorb biken le nan maa mbisamɔb mu bi yin mu ke Ipiih Aabisamɔb na, ki di mu tii Uwumbɔr, ki di mu aajaaleŋ laŋ. Bi nan di ligoln ngbaan mu ki nyan mbisamɔb ngbaan chee ki ti saa bikikiib aadifɔfɔk ki bi yin ki ke Nkub Aadifɔfɔk na, ni ki mu bi yin ki ke Hananel Aadifɔfɔk na mu tii Uwumbɔr.

Nehemia 4:2

U nan sil uŋeen aatɔtiib ni Samaria aajab aanimbiin ni ki len ke, “Juu yaab, bifalaadam bee, dak ke bi bi ŋani ba na? Bi ŋa nlandak ke bi ki gir maa kitiŋ ngbaan aa? Bi dak ke baah toor kitork ki na ga ŋmaa cha bi doo lituln ngbaan liwinbaal la aa? Bi ga ŋmaa di ŋilangbentanjal ŋi ber ki dɔ ki wun mmii na maa aa?”

Nehemia 4:8

Kina pu le bi kpokl ke bi mɔmɔk kpaan ki nan tak Jerusalem aan ki cha timi aalan ŋmal.

Nehemia 6:15

Joo cha iwiin piiŋmu ni ilee ti jer, Elul aaŋmal aawiin moninko ni iŋmu daal na, ligoln ngbaan aatuln mɔmɔk nan doo.

Ilahn 71:10

Maadim ban bi ku mi la; bi len le ki kpokl m pu.

Ulandaan 3:3

tiwan aakum aayoonn bi, le tiwan aatem aayoonn mu bi, tiwan aabern aayoonn bi, le tiwan aamaam aayoonn mu bi.

Aisaya 55:4

M nan ŋa u ŋitimbol mɔmɔk aayidaan; le ki cha bi kan maapɔɔn aah bi pu na u pu.

Aisaya 9:6

Bi ma ubo tii timi. Bi tii timi ubijabo. Le u ga li ye timi aajojoor. Waayimbil ga li ye ke, “Lijinjiir Aasusur,” ni “Mpɔɔn mɔmɔk Aawumbɔr,” ni “N‑yoonn mu kaa kpa ndoon na Aate,” ni “Nsuudoon Aabɔrbo.”

Daniel 8:11

Mu nan sii Uwumbɔr u ye paacham aajab aaninkpel na, kaa ki cha binib toor kitork tii u, ki bii Waadichal.

Daniel 8:25

Waah kpa beebee aalan pu na, u ga di kina aalan nyaŋ tiwan nimɔk u ŋani na. U ga li kpa kigaak, ki ga ku bii binib pam kaan cha bi li nyi. U ga kpaan fii sil Uwumbɔr u ye bibɔrb mɔmɔk Aayidaan na pu, le waah ga nan doo pu na aan nyan ni unibɔn aapɔɔn ni.

Daniel 9:23

Saah piin ki bi gaŋni Uwumbɔr na, le u kii saah ban pu na. U gee si, kina pu le m dan m nan tuk si saah ban pu na. Tɔ, li pel aan m kpiir tidaŋ ngbaan aatataa tuk si.

Maika 5:1

Jerusalem aanib, kuun nimi aajab man. Bi loon timi a. Bi bi tak Israel aayidaan la.

Maika 5:2

Uwumbɔr bui ke, “Betlehem Efrata, aa ye kitiwaatiir kibaa le Juda aatiŋ pu, le sin ponn ni le m ga nyan ni ujojoor u ga li joo Israel aanib na, u ga nya ni mmaal mu ye n‑yaayoonn na aamaal ponn ni la.”

Matiu 13:23

Binib bi ŋun tibɔr ngbaan ki bee taatataa, ki kii ti na, bima le bi ke njikaabim mu lir kitiŋ ki ŋan na ponn ni, ki mar na. Ngem lun nkub nkub, ngem mu lun imonko itata, ngem mu lun piitaa piitaa.”

Matiu 24:15

“Ni ga kan tiwanbir ni bii tiwan nimɔk bi chain na si Uwumbɔr Aadichal ni, ke Uwumbɔr aabɔnabr Daniel aah nan len pu na.” Tɔ, nimi bi karni na, ni li beer nimina aatataa.

Tibɔnyaan ti Mak ŋmee ti na 13:14

“Ni ga kan tiwanbir ni bii tiwan nimɔk bi chain na si naah kaa ba ga li si nin chee na.” (Tɔ, nimi bi karni na, ni li beer nimina aatataa.) “N‑yoonn ngbaan yaa nan fuu ni kan, binib bi bi Judea aatiŋ ponn ni na san buen ŋijoo paab.

Jɔnn 1:41

Libuul ngbaan ni le u buen ti kan ukpel Simonn, ki tuk u, “Ti kan Masiya u ga gaa timi lii na.” Masiya ni Kristo ye liyimbibaan la.

Jɔnn 4:25

Le upii ngbaan bui u, “M nyi ke Masiya u bi yin u ke Kristo na ga dan. U yaa fuu ni kan, u ga nan tuk timi tiwan mɔmɔk aah bi pu na.”

Lituln 3:15

Ni ku Yesu u tii timi limɔfal na. Le Uwumbɔr fikr u nkun ni. Timi le ye waaseeraadam ke u fikr nkun ni a.

Lituln 5:31

ki nyuŋ u, ki di u kaan uŋangii wɔb, u li ye timi Aayidaan u gaal timi lir, ki tii timi Israel yaab nsan ke ti kpeln timi aabimbin na, aan Uwumbɔr di cha timi aatunwanbir pinn timi.

Lituln 8:30

Le Filip san buen u chee ki ti ŋun u bi karni kigbaŋ ki Uwumbɔr aabɔnabr Aisaya nan ŋmee ki na. Le Filip baa u, “Saah bi karni kigbaŋ ki na, aa bee naatataa aa?”

Efesusi 5:16

Ni li tun Uwumbɔr aatuln n‑yoonn mɔmɔk, ki taa li ka fam; ba pu? titunwanbir wiir dandana wee la.

Tibɔkpiirkaan 19:16

Liyimbil nan ŋmee waakpalk pu, utaapaln chee ke, “Bibɔrb mɔmɔk Aabɔrkpaan ni dindatiib mɔmɔk Aadindaan.”