Daniel 9:22 - Uwumbɔr aagbaŋ

²² Le u kpiir len ke, “Daniel, m dan ke m nan ter si aa bee tibɔr ngbaan aatataa la.

Daniel 9:22 ပူးပေါင်းရင်းမြစ်များ

Daniel 10:11

Le Uwumbɔr aatuun ngbaan bui mi ke, “Daniel, Uwumbɔr gee si pam. Fii sil ki pel mbamɔm maah ban m len pu na. Uwumbɔr le tun ni mi aa chee.” Waah len kina na, le m fii sil, le nwon beenin gbaa.

Daniel 10:12

Le u ki bui mi ke, “Daniel, taa san ijawaan. Njan aawiin mundaal aa nan sunn aabaa taab ki piin ki bi mee u ke u tii si nlan na, le Uwumbɔr nan ŋun saameel. Saameel ngbaan pu le m dan.

Daniel 10:14

M dan ke m nan cha aa bee tiwan ni ga nan ŋa saanib n‑yoonn mu choo na la. Lijinjiir aawan ngbaan ye n‑yoonn mu choo na aabɔr la.”

Daniel 7:16

Le m buen bi si nima chee na ubaa chee ki ti bui u ke u tuk mi taatataa. Le u tuk mi taatataa.

Daniel 8:16

Le m ŋun nneel nyan ni Ulai Aamɔɔl wɔb ki bui ke, “Gabriel, kpiir waah kan tiwan ni na aatataa mɔk u.”

Amos 3:7

Tidindaan Uwumbɔr aa ŋani waawan nibaa kaa puen di ni kpiir mɔk waatutum bi ye waabɔnabtiib na.

Sekaria 1:14

Le ntuun ngbaan bui mi ke m di Uwumbɔr Mpɔɔnsakpiindaan aah len pu na moon ke: “M gee Jerusalem sakpen, le ntafal bi maatiŋ ki bi chain na ni,

Sekaria 1:9

Le m baa u ke, “Maaninkpel, itaan yee aatataa ye kinye?” Le Uwumbɔr aatuun mu bi len m chee na gar mi ke, “M ga mɔk si yaatataa aah ye pu na.”

Tibɔkpiirkaan 4:1

Waah len ti doo na, le m kan Uwumbɔr do aabisamɔb piir. Le nneel mu naahn kakaan ki len m chee njan na le len ke, “Dan paacham do, le m ga mɔk si budabu ga sil ŋa n‑yoonn mue aapuwɔb na.”