Daniel 9:17 - Uwumbɔr aagbaŋ

¹⁷ Uwumbɔr, ŋun maameel ni maah gaŋni si pu na. Gir maa Saadichal li bi nan ber na. Gir maa li, aan binib mɔmɔk bee ke sin le ye Uwumbɔr.

Daniel 9:17 ပူးပေါင်းရင်းမြစ်များ

1 Bibɔrb 8:28

Ndindaan Uwumbɔr, m ye saatutunn la. Ŋun maameel, ki tii mi maah mee si ki ban pu na din wee.

Nehemia 1:6

Uwumbɔr, san mi kinimbaak, ki ŋun maameel, maah mee si pu nwiin pu ni kinyeek ki tii saanaagbiib, Israel yaab aanib, bi tun titunwanbir na pu na. M kii ke m ni n‑yaajatiib mɔmɔk tun titunwanbir la.

Ilahn 119:135

Di saanyoor gbii mi ki mɔk mi saakaal.

Ilahn 4:6

Binib pam le mee ke: “Uwumbɔr, moo tii timi saanyoor. San timi kinimbaak.”

Ilahn 67:1

Uwumbɔr, san timi kinimbaak ki ŋa saanyoor ŋa ti pu,

Ilahn 67:2

aan dulnyaa wee mɔmɔk li nyi saah gee timi pu na, aan ŋitimbol mɔmɔk kan saaŋmarm.

Ilahn 74:3

Chuun baah ber ntim mu kookoo na pu; timi aadim bii doo tiwan ni mɔmɔk bi Saadichal ni na.

Ilahn 80:1

Israel yaab Aakikiir, li pel ni ti chee; sin u lolni saanib pu nsan na, ŋun ni ti chee. Sin u ka saabɔrjal pu, tiwan ni kpa ifeen na aapaacham,

Ilahn 80:19

Tidindaan Uwumbɔr, Mpɔɔnsakpiindaan, giin ni timi aabaa chee. San timi kinimbaak, aan ti ŋmar.

Ilahn 80:3

Uwumbɔr, giin ni timi aabaa chee. San timi kinimbaak, aan ti ŋmar.

Ilahn 80:4

Tidindaan Uwumbɔr, Mpɔɔnsakpiindaan, ni ga yunn kinye aan saaŋuul ti sɔŋ saanib aameel pu?

Ilahn 80:7

Uwumbɔr Mpɔɔnsakpiindaan, giin ni timi aabaa chee. San timi kinimbaak, aan ti ŋmar.

Aisaya 48:11

Maah ŋani tiwan nimɔk na, m ŋani mbaa pu la. Maa ban ke m bii maayimbil, kaa ban ke ubaa yakr m chee kipak; ki ga li ye min baanja aapak la.”

Inandalahn 3:56

Le maah gaŋ si ke aa pel maawiil na, aa ŋun.

Inandalahn 5:18

ba pu? Uwumbɔr Aadichal Aajool gur nkuun la, le ikakal san nuuni laalangbenn ni.

Daniel 9:19

Tidindaan, ŋun timi aameel. Tidindaan, di cha pinn timi. Tidindaan, ŋun timi aameel, ki ter timi. Taa cha ni yunn, aan binib mɔmɔk bee ke sin le ye Uwumbɔr. Kitiŋ kimina ni binib bee ye sin yaan la.”

Jɔnn 16:24

Naa kee mee Uwumbɔr tiwan nibaa maayimbil pu, ki nan saa din. Ni li mee u, le ni ga kan, ki li kpa mpopiin mbamɔm.”

2 Korenti 1:20

U pu, le Uwumbɔr gbiin waah puu tipuur ti wiir na mɔmɔk. Nima pu na, u pu le ti bui ke, “Amii,” le ki nyuŋ Uwumbɔr.

Tibɔkpiirkaan 21:23

Kitiŋ ngbaan aa ban nwiin ni uŋmal li wiin ki ponn ni; ba pu? Uwumbɔr aah wiin pu na woln ki ponn ni. Kaakaryaa ye Upihbo ngbaan la.