Daniel 9:15 - Uwumbɔr aagbaŋ

¹⁵ “Tidindaan Uwumbɔr, aa nan mɔk saapɔɔn buyoonn aa nan di saanib nyan ni Ijipt aatiŋ ni na, le bi beenin teer saapɔɔn bɔr. Ti tun titunwanbir, ki ŋa tiwan ni kaa ŋan na.

Daniel 9:15 ပူးပေါင်းရင်းမြစ်များ

1 Bibɔrb 8:51

Bi ye aabaa aanib bi aa nyan ni bi mmii sakpiin mu ye Ijipt aatiŋ na ni la.

2 Bibɔrb 21:15

Maanib aah tun mi titunwanbir pu ki fiin maaŋuul ki nyan n‑yoonn mu biyaajatiib nan nyan ni Ijipt aatiŋ ni ki nan saa din wee na pu, le m ga ŋa bi kina.”

2 Bibɔrb Aabɔr 6:37

pel saanib aameel nima. Bi yaa bi kitiŋ ngbaan ni, ki yaa kpeln baabimbin ki mee si, ki kpiir baah ye titunwanbirdam ni bibiindam sakpen pu na kan, Uwumbɔr, ŋun baameel.

Nehemia 1:10

“Uwumbɔr, binib bee ye saanaagbiib la, le ki ye sin aabaa aanib. Aa di saapɔɔn sakpiin gaa bi lii.

Nehemia 1:6

Uwumbɔr, san mi kinimbaak, ki ŋun maameel, maah mee si pu nwiin pu ni kinyeek ki tii saanaagbiib, Israel yaab aanib, bi tun titunwanbir na pu na. M kii ke m ni n‑yaajatiib mɔmɔk tun titunwanbir la.

Nehemia 9:10

Aa nan tun iwaan aatun ki kiir Ijipt aabɔrkpaan, ni waaninkpiib, ni waanib bi bi kitiŋ ngbaan pu na, ba pu? aa nan nyi baah nan muk saanib pu na. Aa nan jin liyimbil li aa beenin kpa dandana wee na.

Ilahn 106:8

Tɔ, waah nan puu pu na, u nan gaa bi lii, ke ni mɔk waah kpa mpɔɔn sakpiin mu na.

Nnyam 13:14

N‑yoonn mu choo na, saabijabo yaa baa si naatataa kan, aa bui u ke, ‘Uwumbɔr nan di waapɔɔn le nyan ni timi Ijipt aatiŋ ni, nin chee ti nan ye binaagbiib na.

Nnyam 13:16

Ti ŋani kina le ki teer, le ni naahn ke taah di tiwan nibaa le gbin tiŋaal, bee ti di tam tiyigbeer na; ni cha ti teer ke Uwumbɔr le di waapɔɔn sakpiin na nyan ni timi Ijipt aatiŋ ni.’”

Nnyam 13:3

Moses nan bui binib ngbaan ke, “Teer nwiin mue daal man, nwiin mundaal ni nyan Ijipt aatiŋ ni, nin chee ni nan ye binaagbiib na. Nwiin mue daal le Uwumbɔr di waapɔɔn nyan ni nimi. Ni taa ji boroboro u kpa boroboro aanyɔk na.

Nnyam 13:9

Ni yaa ti ŋa kina kan, le ni ga teer nimi; ni ga li naahn ke naah di tiwan nibaa le gbin niŋaal pu, bee ni di tam niyigbeer na la, ni ga teer nimi, le ni ga li len ki bae Uwumbɔr aakaal, ba pu? Uwumbɔr le di waapɔɔn nyan ni nimi Ijipt aatiŋ ni.

Nnyam 14:18

N‑yoonn mu m nyaŋ bi na, le Ijipt yaab ga bee ke min le ye Uwumbɔr.”

Nnyam 32:11

Tɔ, Moses nan gaŋ Udindaan Uwumbɔr le ki bui ke, “Uwumbɔr, ba ŋa aa cha saaŋuul fii saanib pu sakpen kina, naa ye saapɔɔn sakpiin pu le aa nan di nyan ni bi Ijipt aatiŋ ni ii?

Nnyam 6:1

Uwumbɔr nan bui Moses ke, “Dandana wee, aa ga kan maah ga ŋa ubɔr ngbaan pu na. M ga muk u aan u cha maanib ngbaan buen. Mbamɔn, m ga muk u pam, le uma ubaa ga bui binib ngbaan ke bi nya waatiŋ ponn ni.”

Nnyam 6:6

Nima pu na, tuk Israel yaab ke, ‘Min le ye Uwumbɔr. M ga gaa nimi lii, ki nyan nimi tinaagbiir ni, Ijipt yaab chee. M ga yoor maaŋaal mu kpa mpɔɔn na paacham, ki daa binib ngbaan aatafal, le ki ga gaa nimi lii.

Nnyam 9:16

Maah ban m mɔk si maapɔɔn na, maa ku si, nima kan, binib mɔmɔk ga bee maah kpa liyimbil dulnyaa wee mɔmɔk ni pu na.

Aisaya 55:13

Lisalaasiil aasui le ga li gur bi ikokon aah nan bi nin chee na; le ikpasɔi muun nin chee ikokon nan si na. Limɔkl limina ga li bi n‑yoonn mu kaa kpa ndoon na, ki teer nimi, min Uwumbɔr aah ŋa pu na.”

Aisaya 64:4

Ubaa aa kee kan, bee u ŋun Uwumbɔr uken pu u bi ke sin, u ŋani ŋitun ŋee aaboln tii binib bi mak aa pu na.

Jeremia 14:20

Uwumbɔr, ti tun si titunwanbir; ti kpiir timi tibaa aatunwanbir pu le ki kpiir tiyaajatiib aatunwanbir mu pu.

Jeremia 32:10

M nan nyii ŋŋaal kigbaŋ ki bi kpab ki na, le ki cha biseeraadam mu nyii, le ki ŋaŋ ŋimombil ngbaan likar pu.

Inandalahn 3:42

“Uwumbɔr, ti tun titunwanbir ki yii saamɔb, le saa di cha pinn timi.

Esekiel 5:6

Le Jerusalem aatiŋ yii maakaal, ki mɔk ke ki kpa mbiin jer ntim muken, kaa kii maamɔb ki jer ntim mu mann goln ki na. Jerusalem aatiŋ yii maah mɔk pu na, ki yii ke kaan joo maakaal.

Daniel 9:5

“Ti tun titunwanbir, ki ŋa tiwan ni kaa ŋan na. Ti yii saah len ke ti ŋa pu na, ki fenn tipuwɔb tii tiwan ni aa mɔk ke ni ŋan na.

Tibɔnyaan ti Luk ŋmee ti na 15:21

Le ujapɔɔn bui u, ‘Nte, m koo aa ni Uwumbɔr mɔk aataani ni. Naa ki ŋan ke aa yin mi aajapɔɔn.’

Tibɔnyaan ti Luk ŋmee ti na 18:13

“Ulampoogaar ngbaan nan sil dandar, kaa kaa u waan lik paacham. U nan po si jik uyil, le ki bui ke, ‘Uwumbɔr, san mi titunwanbirdaan kinimbaak,’ le ki siir kun.

2 Korenti 1:10

U nyan timi ijawaan aakun ni, ki beenin nyani timi. Ti pak ke u ga ki nyan timi.

Ikaal 5:15

Teer man ke ni mu nan ye binaagbiib le Ijipt aatiŋ ni, le min, Nidindaan Uwumbɔr di maapɔɔn sakpiin na nyan ni nimi. Nima pu le m bui nimi ke ni li joo Likpaakool daal mbamɔm.