Daniel 8:8 - Uwumbɔr aagbaŋ

⁸ Le uŋoja ngbaan moo pɔɔk ki mak pam, le buyoonn waapɔɔn ti ban mu nyaŋ na, le waayiin ngbaan chuu koo. Mu aah koo na, le iyiin inaa i fɔk ki gbei na nyan mu aabuul ni. I mɔmɔk nan lik yaapepel ibaabaa la.

Daniel 8:8 ပူးပေါင်းရင်းမြစ်များ

2 Bibɔrb Aabɔr 26:16

Tɔ, Ubɔr Usia aah pɔɔk na, le u gur kpa kipupuk, le ni tur u lii libuul ni. U nan koo Uwumbɔr Aadichal ni ki ti see tulalee aayon, le ki bii Udindaan Uwumbɔr aakaal.

Esta 9:4

Nnaan ngbaan ni aanib mɔmɔk nan nyi ke Modekai gur ye mpɔɔn aanii le ki bi libɔrchiln ni, le waapɔɔn moo kpae.

Jeremia 49:36

M ga cha libuln nya ni ŋipepel mɔmɔk ki nan daa Elam pu, m ga cha kaanib yaa buen ni kookoo, ki ti saa buyoonn kaakusam ga li bi kitiŋ mɔmɔk ni na.

Jeremia 5:27

Ukpan aah chur inyoon gbiini waalook ni pu na, kina le bi di tiwan ni bi chur binib ki gaal mpɔɔn na gbiin baadichal ni. Nima pu le bi kpa mpɔɔn ni liwangol kina,

Esekiel 16:7

M nan cha aa muun ke busub bu kpa laafee na. Aa nan pɔɔk, ki fɔk, le ki ŋa upiisapɔɔn. Saabii nan nyan ki ŋan, le saayikpir mu muun, aa mu aa nan gbab nibaa.

Esekiel 28:9

Bi yaa nan dan ke bi ku si kan, aa ga li beenin len ke aa ye liwaal aa? Aa yaa nan sil binib bi ga ku si na aanimbiin ni kan, aa ga li ye unibɔn kaan li kpa liwaal aabimbin kpala.

Daniel 11:4

Buyoonn waapɔɔn ti moo nyaŋ na, le waanaan ga bii ki yakr nfum munaa pu. Bibɔrb bi ga ji nnaan waanaan ni na aan li ye waamaal ni aanib, bi mu aan li kpa mpɔɔn mu u nan kpa na.

Daniel 4:31

Waahr aan u nin len tibɔr ngbaan doo na, le nneel nyan ni paacham ki len ke, “Ubɔrkpaan Nebukadnesar, li pel maah ban m len pu na. M nyan saanaan aapɔɔn aa chee dandana.

Daniel 5:20

Tɔ, u nan di kigaak, ni inimpool, ni mbiin di ŋa waawangol na, nima le Uwumbɔr nan nyan u waanaan ni, ni kipak ni.

Daniel 7:2

Maah nan kan pu kinyeek ngbaan na sɔ: Libuln nan daar ki nyani ŋipepel mɔmɔk ki ti yur nnyusakpem.

Daniel 7:6

Maah nan si lik kina na, le upeel uken mu ki nyan ni. U nan naahn unaamuun la, le ki tee kpa ifeen inaa upuwɔb. Ifeen ngbaan nan naahn unyoon aafeen la; le u kpa ŋiyil ŋinaa. Le Uwumbɔr tii u ujojoor aapɔɔn.

Daniel 8:22

N‑yiin ngbaan aah nan koo aan iyiin inaa i nyan ni mu aabuul ni na ye nnaan ngbaan aah ga nan yakr nfum munaa pu pu na la, mu mu aan nan li pɔɔ ke njan aanaan na.

Daniel 8:5

Maah nan si dak lik tibɔr tee aatataa aah ye pu na, le uŋoja ubaa nyan ni liwilir wɔb, ki san mala mala le utaa aa ti ki piir kitiŋ. U nan kpa n‑yiin mu fɔk ki gbei na unimbil aakaasisik ni.

Daniel 8:7

M nan kan u buen ti tak upihja ngbaan. Waaŋuul nan fii sakpen, le u ber ti saa upihja ngbaan ki kool waayiin ilee na. Upihja ngbaan aa nan kpa mpɔɔn u sil kiir u. U nan saa u lii kitiŋ ki taa u ŋmal titan ni, le ubaa aa ŋmaa gaa u lii.

Matiu 24:31

Le kakaan ga wii mpɔɔn pu. Le m ga tun ni maatuuntiib ke bi buen liwipuul, ni liwilir, ni ŋŋangan, ni ŋŋangii, ki ti kuun ni maanib mɔmɔk, ki di dan m chee.”

Tibɔnyaan ti Mak ŋmee ti na 13:27

N‑yoonn ngbaan le m ga tun Uwumbɔr aatuuntiib dulnyaa wee ponn ni mɔmɔk, liwipuul, ni liwilir, ni ŋŋangan, ni ŋŋangii wɔb, bi ti kuuni maanib mɔmɔk, ki di dan m chee.”

Ikaal 31:20

Maah nan puu pu tii biyaajatiib na, m ga di bi buen kitiŋ ki kpa tiwakor aamoŋmɔpaan ni ŋisubil sakpen na ni. Nima chee le bi ga ti li bi nsuudoon ni, ki kan tijikaar timɔk bi ban na. Tɔ, bi mu ga nan fenn le ki li dooni ŋiwaa. Bi ga yii mi, le ki bii maah puu tipuur ti na,

Tibɔkpiirkaan 7:1

Nimina aapuwɔb le m kan Uwumbɔr aatuuntiib binaa si dulnyaa aapepel mɔmɔk ŋinaa, ki kiir libuln ke li taa ki daa kitiŋ ni, ki taa daa nnyusakpem ni, ki taa daa isui ni.