Daniel 8:4 - Uwumbɔr aagbaŋ

⁴ M nan si lik upihja ngbaan aah joo waayiin ngbaan ber toŋ liwilir, ni ŋŋangan, ni ŋŋangii pu na. Le kiwakork kibaa aa nan ŋmaa bui u ke u di cha, bee ki ŋmar waapɔɔn chee. U nan ŋani waah gee pu na ki moo kan mpɔɔn.

Daniel 8:4 ပူးပေါင်းရင်းမြစ်များ

1 Bibɔrb 22:11

Bi ponn ni ubaa, Kenaana aajapɔɔn Sedekia nan naan tikur aayiin le ki bui Ahab ke, “Uwumbɔr aah len pu na sɔ: ‘Aa ga di nimina le jan Siria yaab kijaak ki nyaŋ bi pel pel.’”

Job Aagbaŋ 10:7

Aa nyi ke maabɔr ŋan; aa nyi ke ubaa aan ŋmaa gaa mi aa chee lii.

Ilahn 44:5

le ti joo saapɔɔn nyaŋni timi aadim.

Ilahn 50:22

Nimi bi yii mi na, li pel man tibɔr tee, naa ye kina kan, m ga ku doo nimi, le ubaa aan li bi ki ga gaa nimi lii.

Ilahn 7:2

naa ye kina kan, bi ga chuu mi ke uchinn aah chur tiwan pu na, ki di buen nin chee ubaa aan ŋmaa gaa mi lii na, nima chee le bi ga ti daa par par mi.

Esekiel 34:21

Ni tur ipiih i bun na nyan ngbaan ki saar nyani i ipiih iken ni.

Daniel 11:16

Siria aabɔr ngbaan ga ŋa bi waah gee pu na, le ubaa aan ŋmaa sil kiir u. U ga sil Kitiŋ ki Ŋan na ni, ki ga li kpa mpɔɔn ki u kuln ki.

Daniel 11:36

“Siria aabɔr ga li ŋani waah gee pu na la. U ga li kpa kipupuk ke liwaal libaa aa bi ki pii u, ke u kpaan jer Uwumbɔr u kaa kpa ŋeen aatɔ na mu. U ga li ŋani kina ki ti saa buyoonn Uwumbɔr ga daa utafal na. Uwumbɔr aah kpokl ke u ŋa pu na, kina le ga ŋa.

Daniel 5:19

Waah nan kpa mpɔɔn sakpen pu na, ŋitimbol mɔmɔk, ni ŋinibol mɔmɔk, ni iliin mɔmɔk aanib nan san u ijawaan ki jii unimbiin ni. U yaa nan ban u ku unii u na kan, u ŋani kina la; le u yaa ban unii li kpa limɔfal kan, u cha u bi la. U nan nyuŋni ki jinni binib inimɔɔn waah gee pu na la.

Daniel 5:30

Liyaadaal ngbaan aanyeek le bi ku Belsasar, u ye Babiloŋ aabɔr na;

Daniel 7:5

Kipeewanbiik sakpeŋ kiken nan ki nyan ni ki si kitaajal pu. Ki nan kpob isikakpab itaa kimɔb ni, le nneel bui ki ke, “Li ŋmɔ, ŋmɔ tinann saah gee pu na mɔk.”

Daniel 8:7

M nan kan u buen ti tak upihja ngbaan. Waaŋuul nan fii sakpen, le u ber ti saa upihja ngbaan ki kool waayiin ilee na. Upihja ngbaan aa nan kpa mpɔɔn u sil kiir u. U nan saa u lii kitiŋ ki taa u ŋmal titan ni, le ubaa aa ŋmaa gaa u lii.

Maika 5:8

Binib bi gur ki ŋmal ŋitimbol ŋiken ni na ga li bi ke uchinn u bi ban tijikaar kichook ni, bee kipihkpaamook ni na la: u ga koo ipiih ni, le ki chur i, le ki daa par par i, le yaan kan nterm nibaa chee.

Ikaal 33:17

Josef aapɔɔn bi le ke unaaja aapɔɔn na, ki pɔɔ ke upɔɔnaa aayiin na, Mubaa le ye Manase aataŋaal ni aanibol aachur na, le muken ye Efraim aataŋaal ni aanibol ŋichur kipiik. U ga di waapɔɔn ngbaan le nyaŋ ŋitimbol ŋi bi na, ki tur ŋi buen dandar.”