Daniel 8:27 - Uwumbɔr aagbaŋ

²⁷ Tidaŋ ngbaan pu, le min Daniel aataakpab nan yɔl, le m nan buŋ ni ti yunn pam. Le m nan pɔɔk ki ki piin ki tun lituln li ubɔr nan di ŋa ŋŋaal ni na. Tidaŋ ngbaan nan gar mi pam, le maa bee taatataa.

Daniel 8:27 ပူးပေါင်းရင်းမြစ်များ

Daniel 10:16

Le Uwumbɔr aatuun u nan naahn unibɔn na, taln uŋaal ki di mee mmɔgban. Le m bui ke, “Uninkpel, lijinjiir aawan ni m kan tidaŋ ponn ni na tii mi iween ki cha nwon yɔl sakpen.

Daniel 10:8

M nan gur si mbaa baanja le ki lik iwaan aawan ngbaan. Mpɔɔn mubaa aa nan ki bi m chee, le nnimbil wɔb kpeln, le nwon mɔmɔk yɔl.

Daniel 4:19

Daniel, u bi ki yin u ke Beltesasar na, aah ŋun kina na, ijawaan nan chuu u sakpen, le waa ki ŋmaa len tibaa. Le ubɔr bui u ke, “Beltesasar, taa cha ijawaan chuu si, tidaŋ ngbaan pu.” Le Beltesasar gar u ke, “Mpɔɔndaan, m ba ga li gee sakpen ke tidaŋ timina ni taatataa li ye saadim yaan ki taa li ye sin yaan.

Daniel 5:14

M ŋun aa pu ke Uwumbɔr u bi chain na Aafuur Nyaan bi aa chee, le aa kpa nlan ki nyi tiwan sakpen.

Daniel 7:28

Maah nan ŋmee pu bil na le na. Ijawaan nan chuu mi sakpen, le nwon yɔl, le m nan di tibɔr ngbaan mɔmɔk ŋa nsui ni.

Daniel 8:17

Le Gabriel dan nan sil gbaŋ mi, le ijawaan chuu mi le m lir kitiŋ. Le u bui mi ke, “Unibɔn, bee tiwan ngbaan aatataa. Tidaŋ ngbaan ye dulnyaa wee aah ga nan doo pu na aabɔr la.”

Daniel 8:2

Tidaŋ ngbaan ponn ni, m nan kan ke m si Susa, kitiŋ ki bi maa ligoln mann goln ki aan ki bi Elam aapepel ni na ni la. M nan si gbɔk Ulai Aamɔɔl la,

Daniel 8:7

M nan kan u buen ti tak upihja ngbaan. Waaŋuul nan fii sakpen, le u ber ti saa upihja ngbaan ki kool waayiin ilee na. Upihja ngbaan aa nan kpa mpɔɔn u sil kiir u. U nan saa u lii kitiŋ ki taa u ŋmal titan ni, le ubaa aa ŋmaa gaa u lii.

Habakuk 3:16

M ŋun timina mɔmɔk pu le mpobil gbaa, le mmɔgban jii ijawaan pu, le nwon mɔmɔk kpo, le ntaa jii. Le m tee ga mɔr ki li kii nwiin mundaal Uwumbɔr ga daa binib bi tak timi na aatafal na.

1 Samuel 3:15

Samuel nan gaar dɔ le kitaak ti woln; le u fii ki piir Uwumbɔr Aadichal aabisamɔi. Waa nan kaa ke u bui Eli tibɔr ti Uwumbɔr kpiir tuk u na.