Daniel 8:21 - Uwumbɔr aagbaŋ

²¹ Uŋoja na mu ye Griis aanaan la, le n‑yiin mu fɔk ki gbei, ki baa unimbil aakaasisik ni na ye mu aabɔr.

Daniel 8:21 ပူးပေါင်းရင်းမြစ်များ

Daniel 10:20

Le u baa mi ke, “Aa nyi budabu pu m dan aa chee na aa? M dan ke m nan kpiir baah ŋmee pu Ibamɔn Aagbaŋ ponn ni na le tuk si. Tɔ, m ga gir ti jan Paacham aatuun mu kii Pesia aatiŋ na kijaak. Nee aapuwɔb le Paacham aatuun mu kii Griis aatiŋ na mu ga dan. Ubaa aa bi ki ga ter mi see Maikel, Uwumbɔr aatuun mu kii Israel aatiŋ na baanja.

Daniel 11:2

Maah ban m bui si pu na ye ibamɔn la.” Uwumbɔr aatuun ngbaan nan ki bui mi ke, “Bibɔrb bitaa ga ki ji nnaan Pesia aatiŋ ni, ki paan tɔb pu, le unanar mu ga paan ni bi pu, uma ga li kpa liwangol ki jer bitaa na. Buyoonn waapɔɔn ni waawangol ngbaan ga ti moo nyaŋ na, le u ga buen ti kpak Griis aanaan.

Daniel 11:3

“N‑yoonn ngbaan le ubɔr ubaa ga nyan ni ki ga li kaar ki kpa kipak sakpen. Waanaan ga li wiir pam, le u li ŋani waah gee pu na.

Daniel 2:39

Saanaan aapuwɔb, nnaan muken mu ga dan, mu ye tikumann aanaan na, mu ga dan ki nan li joo kitiŋ kee mɔmɔk.

Daniel 7:6

Maah nan si lik kina na, le upeel uken mu ki nyan ni. U nan naahn unaamuun la, le ki tee kpa ifeen inaa upuwɔb. Ifeen ngbaan nan naahn unyoon aafeen la; le u kpa ŋiyil ŋinaa. Le Uwumbɔr tii u ujojoor aapɔɔn.

Daniel 8:20

“Saah kan upihja u kpa iyiin ilee na ye Media ni Pesia aanaan la.

Daniel 8:22

N‑yiin ngbaan aah nan koo aan iyiin inaa i nyan ni mu aabuul ni na ye nnaan ngbaan aah ga nan yakr nfum munaa pu pu na la, mu mu aan nan li pɔɔ ke njan aanaan na.

Sekaria 9:13

M ga di Juda aanib kpaln uja aatɔm le ki di Israel aanib ŋa ipiin. M ga di Sionn aajab ŋa kijaak aajum, ki di jan Griik aajab kijaak.”