Daniel 8:17 - Uwumbɔr aagbaŋ

¹⁷ Le Gabriel dan nan sil gbaŋ mi, le ijawaan chuu mi le m lir kitiŋ. Le u bui mi ke, “Unibɔn, bee tiwan ngbaan aatataa. Tidaŋ ngbaan ye dulnyaa wee aah ga nan doo pu na aabɔr la.”

Daniel 8:17 ပူးပေါင်းရင်းမြစ်များ

Mpiin 17:3

Le Abram gbaan Uwumbɔr aanimbiin ni, le unimbil kpaa kitiŋ. Le Uwumbɔr bui u ke,

Esekiel 1:28

ki bi ke waakpimanja aah bi pu na. Nwiihn mu nan deer ŋinimbil ngbaan na le nan mɔk ke Uwumbɔr bi nima chee.

Esekiel 2:1

Maah kan kina na, le m tar lir kitiŋ lichichikr, le ki ŋun nneel len ke, “Unibɔn, fii sil. M ban m len aa chee tibɔr la.”

Esekiel 44:4

Uja ngbaan nan ki yoor mi dii ŋŋangan wɔb aabisamɔb nyan ki di mi fuu Uwumbɔr Aadichal aabisamɔb wɔb. Maah si lik na, le m nan kan ke Uwumbɔr aawiihn mu deer ŋinimbil na gbiin Waadichal ni. M nan tar lir kitiŋ lichichikr,

Esekiel 6:2

“Unibɔn, lik Israel aajoo wɔb ki len tibɔbir lii ŋi pu.

Daniel 10:11

Le Uwumbɔr aatuun ngbaan bui mi ke, “Daniel, Uwumbɔr gee si pam. Fii sil ki pel mbamɔm maah ban m len pu na. Uwumbɔr le tun ni mi aa chee.” Waah len kina na, le m fii sil, le nwon beenin gbaa.

Daniel 10:16

Le Uwumbɔr aatuun u nan naahn unibɔn na, taln uŋaal ki di mee mmɔgban. Le m bui ke, “Uninkpel, lijinjiir aawan ni m kan tidaŋ ponn ni na tii mi iween ki cha nwon yɔl sakpen.

Daniel 11:27

Le bibɔrb bilee ngbaan ga kpaan kal ke bi ji tijikaar lisambil libaa ni, bi mu aalandak ga li ye titunwanbir aalandak la, le bi mɔnn tɔb inyamɔn. Baan kan baah ban pu na, ba pu? baah ban pu na aayoonn aa kee fuu ni.

Daniel 11:40

“Buyoonn Siria aabɔr aayoonn nan ban mu fuu ni na, le Ijipt aabɔr ga ti tak u, le Siria aabɔr ga di waapɔɔn mɔmɔk sil kiir u, u ga di itaan aatɔroku tiib, ni itaan, ni iŋɔi pam jan kijaak ngbaan. U ga loon ntim pam, ke nwam na.

Daniel 12:13

“Kina pu na, sin Daniel, li si chob ki ti saa ndoon ngbaan; le aa ga kpo, ki mu tee ga fikr ki ti gaa saapal, ndoon aayoonn ngbaan.”

Daniel 12:4

“Tɔ, Daniel, kpab kigbaŋ ngbaan ki ŋal biin ki pu ki ti saa dulnyaa aadoon; le binib pam ga bii baayoonn ke bi bee tiwan ni bi ŋani na aatataa.”

Daniel 2:46

Le Ubɔrkpaan Nebukadnesar gbaan kitiŋ ki pak Daniel ki bui ke bi toor kitork ki see nnyɔknii tii u.

Daniel 7:16

Le m buen bi si nima chee na ubaa chee ki ti bui u ke u tuk mi taatataa. Le u tuk mi taatataa.

Daniel 8:15

Maah nan si pɔɔni mbaa ke m bee tidaŋ ngbaan aatataa na, libuul ngbaan ni le m kan unii ubaa si nnimbiin ni.

Daniel 8:19

le ki bui mi ke, “M bi mɔk si Uwumbɔr aaŋuul aah ga joo ni tiwan ni na la. Tidaŋ ngbaan mɔk kookoo aayoonn aabɔr la.

Daniel 8:27

Tidaŋ ngbaan pu, le min Daniel aataakpab nan yɔl, le m nan buŋ ni ti yunn pam. Le m nan pɔɔk ki ki piin ki tun lituln li ubɔr nan di ŋa ŋŋaal ni na. Tidaŋ ngbaan nan gar mi pam, le maa bee taatataa.

Daniel 9:23

Saah piin ki bi gaŋni Uwumbɔr na, le u kii saah ban pu na. U gee si, kina pu le m dan m nan tuk si saah ban pu na. Tɔ, li pel aan m kpiir tidaŋ ngbaan aatataa tuk si.

Daniel 9:27

Ubɔr pɔɔl ngbaan ga cha u ni binib pam kpaan kimɔbaan ki pɔɔ na ki ti saa ŋibin ŋilole, le ŋibin ŋilole ngbaan ponn ni yaa nan saa ŋibin ŋitaa ni ligeln na, u ga kuln kitork ni ipiin, Uwumbɔr Aadichal ni. U ga di tiwanbir ni bii tiwan nimɔk bi chain na ki di kaan Uwumbɔr Aadichal paab, nin chee paa na, le ni ga li ka nima ki ti saa buyoonn unii u di ni kaan nima na pii ndoon mu Uwumbɔr gor kiir u na.”

Habakuk 2:3

ba pu? tibɔkpiirkaan ngbaan aayoonn aa kee ŋeer ke ti gbiin, ti ye ndoon aabɔr la, le ki ga dan mala ki nan gbiin kina. Nibaakan, ti ga yunn siib, aa mu tee li kii ti, ti ga sil dan kaan yunn.

Matiu 17:8

Le bi waan lik paacham, kaa ki kan ubaa see Yesu baanja.

Tibɔkpiirkaan 1:17

Maah kan u na, le m lir gbaan unimbiin ni ke maah kpo le na. Le u di uŋangii paan m pu, ki bui mi ke, “Taa san ijawaan. Min le ye mpiin ngbaan ni ndoon ngbaan.

Tibɔkpiirkaan 22:8

Min Jɔnn le ŋun ki kan tiwan nimina. Maah ŋun ki kan ni mɔmɔk doo na, le m gbaan kitiŋ, Uwumbɔr aatuun u mɔk mi tiwan ngbaan na aanimbiin ni, ki ban ke m pak u.