Daniel 8:15 - Uwumbɔr aagbaŋ

¹⁵ Maah nan si pɔɔni mbaa ke m bee tidaŋ ngbaan aatataa na, libuul ngbaan ni le m kan unii ubaa si nnimbiin ni.

Daniel 8:15 ပူးပေါင်းရင်းမြစ်များ

Aisaya 9:6

Bi ma ubo tii timi. Bi tii timi ubijabo. Le u ga li ye timi aajojoor. Waayimbil ga li ye ke, “Lijinjiir Aasusur,” ni “Mpɔɔn mɔmɔk Aawumbɔr,” ni “N‑yoonn mu kaa kpa ndoon na Aate,” ni “Nsuudoon Aabɔrbo.”

Daniel 10:16

Le Uwumbɔr aatuun u nan naahn unibɔn na, taln uŋaal ki di mee mmɔgban. Le m bui ke, “Uninkpel, lijinjiir aawan ni m kan tidaŋ ponn ni na tii mi iween ki cha nwon yɔl sakpen.

Daniel 10:18

Le u ki gir chuu mi le nwon moo pɔɔk.

Daniel 10:5

le ki yaar lik paacham ki kan unii ubaa si pee ŋitan ŋi ŋan na aawanpeenkaan, ki buu salmaa aagbapapaln.

Daniel 12:8

M ŋun waah len pu na, ki mu aa bee taatataa. Le m baa ke, “Tɔ, maaninkpel, ni mɔmɔk ga doo kinye?”

Daniel 7:13

Kinyeek aadaŋ ngbaan ponn ni, le m nan kan udaan u naahn unibɔn aabo na. U nan chuun choo m chee, ki bi ntaalangbam ni, le ki buen Uwumbɔr u bi n‑yoonn mɔmɔk na chee; le bi ti di u mɔk u.

Daniel 7:28

Maah nan ŋmee pu bil na le na. Ijawaan nan chuu mi sakpen, le nwon yɔl, le m nan di tibɔr ngbaan mɔmɔk ŋa nsui ni.

Daniel 8:1

Ubɔr Belsasar aah nan ti saa ŋibin ŋitaa nnaan ni na, le m nan ki daŋ tidaŋ ki kan iwaan aawan lelee.

Daniel 8:19

le ki bui mi ke, “M bi mɔk si Uwumbɔr aaŋuul aah ga joo ni tiwan ni na la. Tidaŋ ngbaan mɔk kookoo aayoonn aabɔr la.

Sekaria 1:9

Le m baa u ke, “Maaninkpel, itaan yee aatataa ye kinye?” Le Uwumbɔr aatuun mu bi len m chee na gar mi ke, “M ga mɔk si yaatataa aah ye pu na.”

Matiu 13:36

Yesu nan siir cha kinipaak ngbaan, ki gir buen kidiik ni. Le waadidiliib dan u chee, ke u tuk bi timoor ti bi ipui ponn ni na aayataŋakl aatataa.

Matiu 24:15

“Ni ga kan tiwanbir ni bii tiwan nimɔk bi chain na si Uwumbɔr Aadichal ni, ke Uwumbɔr aabɔnabr Daniel aah nan len pu na.” Tɔ, nimi bi karni na, ni li beer nimina aatataa.

Matiu 24:30

N‑yoonn ngbaan le binib ga kan limɔkl li ga li bi paacham ki mɔk bi ke min Unibɔn Aabo choo na. N‑yoonn ngbaan le ŋinibol ŋimɔk bi dulnyaa wee ni na ga wii. Bi ga kan min Unibɔn Aabo bi ntaalangbam ni ki choo, ki wiin chain, ki joo mpɔɔn.

Tibɔnyaan ti Mak ŋmee ti na 13:14

“Ni ga kan tiwanbir ni bii tiwan nimɔk bi chain na si naah kaa ba ga li si nin chee na.” (Tɔ, nimi bi karni na, ni li beer nimina aatataa.) “N‑yoonn ngbaan yaa nan fuu ni kan, binib bi bi Judea aatiŋ ponn ni na san buen ŋijoo paab.

Tibɔnyaan ti Mak ŋmee ti na 4:12

‘Aan bi lik ki lik, kaa waa, ki pel ki pel, kaa beer naatataa. Bi yaa ŋun ki bee naatataa kan, nibaakan bi ga kpeln baabimbin, aan Uwumbɔr di cha baatunwanbir ki pinn bi.’”

Josua 5:14

Le uja ngbaan giin bui u ke, “Maa bi lipepel libaa wɔb, m ye Uwumbɔr aajab aaninkpel, le ki si do.” Le Josua gbaan kitiŋ le ki doon u, ki bui ke, “Ndindaan, m ye saatutunn la, aa ban ke m ŋa ba tii si?”

Tibɔkpiirkaan 1:13

ni unii u naahn Unibɔn Aabo na, bi bikaasisik ni, ki pee libɔkul li pii utaafar na, ki buu salmaa aagbapapaln ubiŋ chee.

Tibɔkpiirkaan 13:18

Tibɔr timina ban nlan la. Unii u kpa nlan na ga ŋmaa bee upeel ngbaan aanamba aatataa. Ni ye unibɔn aanamba la. Waanamba ye ikui iloob ni imonko itaa ni niloob.