Daniel 8:13 - Uwumbɔr aagbaŋ

¹³ Le m ŋun Uwumbɔr aatuuntiib ubaa baa uken ke, “Tiwan ni bi tidaŋ ngbaan ponn ni na ga yunn kinye? Titunwanbir ti gaa iwiin mɔmɔk aatork na ga yunn ki ti saa kinye? Baah taar paacham aaŋmabi ni Uwumbɔr Aadichal pu pu na ga yunn ki ti saa kinye?”

Daniel 8:13 ပူးပေါင်းရင်းမြစ်များ

Ilahn 74:10

Uwumbɔr, timi aadim ga laa si ki saa bayoonn? Bi ga li seei si ki ti saa n‑yoonn mu kaa kpa ndoon na la aa?

Ilahn 74:9

Timi aawan nimɔk ye kitork aawan na buen a; saabɔnabtiib aa ki gur, le ubaa aa nyi nimina aah ga yunn ki ti saa pu na.

Ilahn 79:5

Uwumbɔr, saaŋuul ga li bi ti pu n‑yoonn mɔmɔk la aa? Saaŋuul ga li beenin gaal ke mmii na la aa?

Aisaya 28:18

Nimi ni nkun aah kpaan kimɔbaan ki na ga doo, le nimi ni kitekpiitiŋ aakpaam na mu ga doo. Tibɔbir yaa fuu ni kan, ni ga kuln.

Aisaya 6:11

Le m baa ke, “Ndindaan, nimina ga yunn kinye?” Le u gar mi ke, “Ki ti saa n‑yoonn mu ntim ngbaan ti kuln, nibaa aa ki bi mu ni na; buyoonn unii aa ti ki bi ŋidichal ni na; buyoonn kitiŋ kee kibaa aa ti ki kpa tinyoor tibaa na.

Aisaya 63:18

Timi aadim nan jenn nyan timi saanib bi bi chain na n‑yoonn mubaa, ki gbaa wii Saadichal.

Aisaya 9:6

Bi ma ubo tii timi. Bi tii timi ubijabo. Le u ga li ye timi aajojoor. Waayimbil ga li ye ke, “Lijinjiir Aasusur,” ni “Mpɔɔn mɔmɔk Aawumbɔr,” ni “N‑yoonn mu kaa kpa ndoon na Aate,” ni “Nsuudoon Aabɔrbo.”

Jeremia 12:10

Biyidam bi ye biwɔwɔm na pam le bi maasubil aasaak ni; bi taa taa maajikaar bil kitiŋ; bi cha maatiŋ ki nan ŋan sakpen na kpaln nteersakpiin.

Daniel 11:31

Waajab ngem ga bii Uwumbɔr Aadichal. Bi ga kuln iwiin mɔmɔk aatork, ki di tiwanbir ni bii tiwan nimɔk bi chain na siin nima.

Daniel 12:11

“Ki nya buyoonn bibiindam cha bi taa ki toor iwiin mɔmɔk aatork Uwumbɔr Aadichal ni na, nima le ye buyoonn tiwanbir ni bii tiwan nimɔk bi chain na ga sil Uwumbɔr Aadichal ngbaan ni, iwiin lichur ni ikui ilee ni imonko inaa ni kipiik le ga jer.

Daniel 12:8

M ŋun waah len pu na, ki mu aa bee taatataa. Le m baa ke, “Tɔ, maaninkpel, ni mɔmɔk ga doo kinye?”

Daniel 4:10

“Buyoonn m dɔ geen na, le m daŋ tidaŋ ki kan busub sakpem bubaa si kitiŋ aakaasisik ni.

Daniel 4:13

“Maah nan bi dak tidaŋ ngbaan pu na, le m kan Uwumbɔr aatuun nyan ni kitaapaak ki sunni choo, ki gor ubaa ki lik mbamɔm.

Daniel 4:23

Mpɔɔndaan, saah nan si lik na, le Uwumbɔr aatuun nyan ni paacham ki sunn ni ki nan len ke, ‘Chuu gaa busub ngbaan lii man ki kuln bu, ki tee cha bu aasukpiil li si. Di tikur ni tikumann aabuen ŋmaan li, ki cha li li si timoor ni nima. Cha limaln lir uja wee pu, ki cha u ni ipeel li koo tɔb chee, ki ti saa ŋibin ŋilole.’

Daniel 7:16

Le m buen bi si nima chee na ubaa chee ki ti bui u ke u tuk mi taatataa. Le u tuk mi taatataa.

Daniel 7:23

Baah nan tuk mi naatataa pu na sɔ: “Upeel nanar ngbaan ye nnaan mu ga dan kitiŋ kee pu kaan li naahn nnaan muken na la. Mu ga wii kitiŋ kee mɔmɔk ki taa taa ki pu.

Daniel 9:27

Ubɔr pɔɔl ngbaan ga cha u ni binib pam kpaan kimɔbaan ki pɔɔ na ki ti saa ŋibin ŋilole, le ŋibin ŋilole ngbaan ponn ni yaa nan saa ŋibin ŋitaa ni ligeln na, u ga kuln kitork ni ipiin, Uwumbɔr Aadichal ni. U ga di tiwanbir ni bii tiwan nimɔk bi chain na ki di kaan Uwumbɔr Aadichal paab, nin chee paa na, le ni ga li ka nima ki ti saa buyoonn unii u di ni kaan nima na pii ndoon mu Uwumbɔr gor kiir u na.”

Sekaria 1:19

M nan baa ntuun mu nan bi len m chee tibɔr na ke, “Iyiin ngbaan aatataa ye kinye?” Le u nan gar mi ke, “I si dulnyaa wee aapɔɔn inaa i yaa Juda, ni Israel, ni Jerusalem aanib na aasisii la.”

Sekaria 14:5

Kifataŋ ki yakr lijool limina nfum mulee na ponn ni, le ni ga dii ki san ŋmar. Ni ga san ke kitiŋ aah nan puu, Juda aabɔr Usia aayoonn, aan niyaajatiib nan san pu na. Ndindaan Uwumbɔr ga joo ni waatuuntiib mɔmɔk ki dan.

Matiu 11:27

“Tɔ, Nte Uwumbɔr le tii mi tiwan mɔmɔk. Ubaa aa nyi min Uwumbɔr Aajapɔɔn, see Nte Uwumbɔr. Ubaa mu aa nyi Nte Uwumbɔr, see min Ujapɔɔn. Binib bi m ban ke m di Uwumbɔr mɔk bi na, bi mu nyi u.

Matiu 24:15

“Ni ga kan tiwanbir ni bii tiwan nimɔk bi chain na si Uwumbɔr Aadichal ni, ke Uwumbɔr aabɔnabr Daniel aah nan len pu na.” Tɔ, nimi bi karni na, ni li beer nimina aatataa.

Tibɔnyaan ti Mak ŋmee ti na 13:14

“Ni ga kan tiwanbir ni bii tiwan nimɔk bi chain na si naah kaa ba ga li si nin chee na.” (Tɔ, nimi bi karni na, ni li beer nimina aatataa.) “N‑yoonn ngbaan yaa nan fuu ni kan, binib bi bi Judea aatiŋ ponn ni na san buen ŋijoo paab.

Tibɔnyaan ti Luk ŋmee ti na 10:22

“Nte Uwumbɔr le tii mi tiwan mɔmɔk. Ubaa aa nyi min Uwumbɔr Aajapɔɔn aah ye udaan u na, see Nte Uwumbɔr. Ubaa mu aa nyi Nte Uwumbɔr aah ye udaan u na, see min Ujapɔɔn. Binib bi m ban ke m di Uwumbɔr mɔk bi na, bi mu nyi u.”

Tibɔnyaan ti Luk ŋmee ti na 21:20

“Ni yaa kan butɔb aajab si gob Jerusalem aatiŋ kan, ni li nyi man, naan yunn, le bi ga bii kitiŋ ngbaan doo.

Tibɔnyaan ti Luk ŋmee ti na 21:24

Bi ga di kijaak aajum ku bibaa, ki ga chuu bibaa mu tinaagbiir ki di buen ŋinibol mɔmɔk aakaasisik ni. Le binib bi kaa ye Juu yaab na ga bii Jerusalem ki ti saa baayoonn aah ga doo pu na.”

Jɔnn 1:18

Ubaa aa kee kan Uwumbɔr. Ujapɔnbaal Yesu Kristo, u bi ke Ute Uwumbɔr aah bi pu na, ki bi u chee na, uma le tuk timi Uwumbɔr aah bi pu na.

Ikaal 33:2

Uwumbɔr nan nyan ni Sainai Aajool paab, u nan fii Edom ke nwiin na, le waawiihn nyan ni Parann Aajool paab ki woln waanib pu. Waatuuntiib ŋichur kipiik nan bi u chee ke mmiigaal mu nyan ni uŋangii wɔb na.

1 Tesalonika 3:13

U tii nimi mpɔɔn ke ni li bi chain ki taa li kpa taani ubaa Tite Uwumbɔr aanimbiin ni, bundaln Tidindaan Yesu ni waanib mɔmɔk ga gir ni na.

Hiibru Yaab 10:29

Unii yaa lik Uwumbɔr Aajapɔɔn fam, ki yaa dak ke Yesu aasin mu ŋa u chain na ye fam, ki yaa sii Uwumbɔr Aafuur Nyaan mu san timi kinimbaak na kan, udaan ngbaan ŋeer ntafadaan sakpen ki jer unii u bii Moses aakaal na aah kan pu na.

1 Piita 1:12

Le Uwumbɔr nan mɔk bi ke baah len tibɔr ti na, baa len ke bi ter bima bibaa, bi len ke bi ter nimi la. Le ni ŋun tibɔr ngbaan dandana wee. Uwumbɔr cha Waafuur Nyaan nyan ni paacham ki tii binib mpɔɔn bi tuk nimi tibɔnyaan tee. Tibɔnyaan timina le Uwumbɔr aatuuntiib ban ke bi bee taatataa.

Juud 1:14

Tɔ, Enok, u nan ye Adam aayaabisɔsɔk loloob na, nan puun len Uwumbɔr aah ga ŋa bibiindam ngbaan pu na ke, “Li pel man, Uwumbɔr ni waatuuntiib ŋichur kipiik ga dan

Tibɔkpiirkaan 11:2

Taa ŋaŋ kikaakpaak ki bi lipaal na aafɔfɔk; ba pu? Uwumbɔr di kikaakpaak ngbaan tii binib bi kaa ye Juu yaab na la. Le bi ga bii Uwumbɔr aatinyaan ki ti saa iŋmal imonko ilee ni ilee.

Tibɔkpiirkaan 6:10

Le binib ngbaan aawiin teen mpɔɔn pu ke, “Tidindaan u ye chain ki ye mbamɔn na, ni ga yunn ki ti saa kinye pu aan aa ga ji dulnyaa aanib bi ku timi na aabɔr ki daa bitafal?”

Bibɔjirb 13:18

Ntuun ngbaan nan baa ke, “Ba ŋa ni ban ni bee maayimbil? Li ye lijinjiir aayimbil la.”