Daniel 8:12 - Uwumbɔr aagbaŋ

¹² Binib nan tun titunwanbir li ponn ni, kaa toor iwiin mɔmɔk aatork ki ba ye ke bi toor li ponn ni na, le ki di isan i ye ibamɔn ke bi dii i na lii. Tiwan nimɔk n‑yiin ngbaan nan ŋa na, nan kpa mu tinyoor la.

Daniel 8:12 ပူးပေါင်းရင်းမြစ်များ

Job Aagbaŋ 12:6

Tɔ, binaayukb ni binib bi kaa nyi Uwumbɔr na bi nsuudoon ni, bi bui ke Uwumbɔr bi biŋaal ni.

Ilahn 119:142

Saabimbinyaan ga li bi n‑yoonn mɔmɔk, le saakaal ye mbamɔn n‑yoonn mɔmɔk.

Ilahn 119:43

Maamakl aah bi saakaal ponn ni pu na, cha m li ŋmaa len ibamɔn n‑yoonn mɔmɔk.

Ilahn 28:5

Baa dakl lik Uwumbɔr aah tun pu na, ni waah naan tiwan ni na; kina pu le u ga daa bitafal ki kuln bi kookoo.

Aisaya 59:14

Ibamɔn daa ti chee, kaan ŋmaa mar ni timi. Binib aah wiir nin chee na, mbamɔn gbeer la, kaan ŋmaa kan mpaan nima.

Jeremia 12:1

“Uwumbɔr, m yaa ban m ni sin kpak tibɔr pu kan, aa ga li kpa mbamɔn. Tɔ, m mu tee ga baa si ibamɔn aabɔr tibaa pu. Ni ŋa kinye aan bibiindam kani liwangol? Ni ŋa kinye aan beebeedam nya tibɔr ni n‑yoonn mɔmɔk?

Daniel 11:28

Siria yaab aabɔr ga di waah gaa tiwan ni mpɔɔn butɔb ni na gir kun, ki ga pɔɔn ubaa ke u bii Uwumbɔr aanib aah dii nsan mu na. U ga ŋa waah gee pu na, le ki gir kun udo aatiŋ pu.

Daniel 7:21

Maah nan beenin si lik na, le n‑yiin ngbaan to Uwumbɔr aanib butɔb ki nyaŋ bi.

Daniel 8:4

M nan si lik upihja ngbaan aah joo waayiin ngbaan ber toŋ liwilir, ni ŋŋangan, ni ŋŋangii pu na. Le kiwakork kibaa aa nan ŋmaa bui u ke u di cha, bee ki ŋmar waapɔɔn chee. U nan ŋani waah gee pu na ki moo kan mpɔɔn.

Tibɔkpiirkaan 13:7

ki kpa nsan ke u to Uwumbɔr aanib butɔb ki nyaŋ bi. Le Uwumbɔr tii u tininkpir u li joo ŋitimbol mɔmɔk aanib bi bi dulnyaa wee ni ki len iliin imɔk bi dulnyaa wee ni na.

1 Samuel 23:9

David aah ŋun ke Sɔɔl bi kpokl ke u nan tak u na, le u bui utotoor Abiatar ke, “Li joo ni tiwan ni bi joo beer Uwumbɔr aageehn na do.”