Daniel 7:8 - Uwumbɔr aagbaŋ

⁸ Maah nan si lik iyiin ngbaan na, le m kan n‑yiin waatiir mubaa tur nyan ni iyiin kipiik na ponn ni. Mu nan tur iyiin kipiik na ponn ni itaa lii. N‑yiin mue nan kpa unibɔn aanimbil, ni bumɔb bu puk kipupuk sakpen a.

Daniel 7:8 ပူးပေါင်းရင်းမြစ်များ

Ilahn 12:3

Uwumbɔr, cha ŋilambil ŋi kpa kimɔmɔɔn ngbaan na ŋmin chii. Ŋeeb imɔi i kpa kipupuk ki len ke,

Daniel 11:36

“Siria aabɔr ga li ŋani waah gee pu na la. U ga li kpa kipupuk ke liwaal libaa aa bi ki pii u, ke u kpaan jer Uwumbɔr u kaa kpa ŋeen aatɔ na mu. U ga li ŋani kina ki ti saa buyoonn Uwumbɔr ga daa utafal na. Uwumbɔr aah kpokl ke u ŋa pu na, kina le ga ŋa.

Daniel 7:19

Le m nan ban ke m moo bee upeel nanar, u aabimbin aa nan bi ke iken na, u nan kpa ijawaan ki di waanyanyar ti ye tikumann na, ni waanyin ŋi ye tikur na di ŋmɔ waadim ki taa taa bi pu na aabɔr mbamɔm.

2 Tesalonika 2:4

U ga yii Uwumbɔr, ni ŋiwaa, ni tiwan nimɔk binib dii ni na. U ga nyuŋ ubaa ki jer ni mɔmɔk, ki ga kal Uwumbɔr Aadichal ni, ki len ke uma le ye Uwumbɔr.

2 Timoti 3:2

Ba pu? binib ga li ye bikumɔndam. Binimbil ga li man ŋimombil pu. Bi ga li kpa kipupuk, ki li kpa kigaak, ki li seei binib. Baan li pak bite ni bina, kaan li nyi idoon, kaan li pak Uwumbɔr,

2 Piita 2:18

Bi len kalmbaani aaliin i ye fam na, ki ŋmanni binib bi kaa dii Uwumbɔr aasan ni yunn na, ki tɔŋni bi ke bi ŋa tiwon aah gee pu na ki gɔr kidagook,

Juud 1:16

Bibiindam ngbaan ŋulni n‑yoonn mɔmɔk; tiwan nibaa aa mɔ bi chee. Bi dii tiwan ni kaa ŋan na aakpeek, ki len mpɔɔn pu ki kpa kipupuk, ki pak biwankpadam, ŋimombil pu.

Tibɔkpiirkaan 13:1

Le m kan upeel nyan ni nnyusakpem ponn ni. U nan kpa ŋiyil ŋilole ni iyiin kipiik, le ki chik ubɔr aayikpupur waayiin kipiik mɔmɔk pu. Le liyimbil li ye lisiibil ki tii Uwumbɔr na nan bi ŋiyil mɔmɔk pu.

Tibɔkpiirkaan 9:7

Itoon ngbaan naahn itaan i gor ke i to butɔb na. Tiwan ni naahn salmaa aayikpupur na nan bi iyil pu. Inimbil wɔb naahn binib aanimbil wɔb la.

1 Samuel 2:3

Di cha nimi aapupuk ngbaan man; ŋmin man nimi aagaak aamɔliin ngbaan; ba pu? Uwumbɔr ye Uwumbɔr u nyi na la, le ki nyi binib mɔmɔk aah ŋani pu na.