Daniel 7:7 - Uwumbɔr aagbaŋ

⁷ Maah nan beenin si lik na, le upeel nanar mu nyan ni. U nan kpa mpɔɔn, kaa ŋan, ki kpa ijawaan mu. U nan di waakur aanyin ŋi filk sakpen na nyaŋ waadim, ki taa taa bi ŋmal titan ni. U nan kpa iyiin kipiik, kaa nan bi ke ipeel iken na.

Daniel 7:7 ပူးပေါင်းရင်းမြစ်များ

2 Samuel 22:43

M gbaa bi, le bi kpaln kitangbaak; m taa bi pu kitiŋ ponn ni ke tikpakpar na la.

Job Aagbaŋ 41:14

Ŋma ga ŋmaa cha u waar umɔb u gbii ijawaan aanyin na?

Esekiel 40:2

Ni nan ŋa mi ke tidaŋ na la, le Uwumbɔr di mi buen Israel aatiŋ pu, ki di mi tɔŋ lijool li paa na pu. M nan kan ŋidichal ŋibaa si mmɔb wɔb ki naahn kitiŋ kibaa.

Daniel 2:19

Kinyeek ngbaan le Uwumbɔr kpiir tidaŋ ngbaan mɔk Daniel tidaŋ ponn ni; le u pak Uwumbɔr u bi paacham na ke:

Daniel 7:13

Kinyeek aadaŋ ngbaan ponn ni, le m nan kan udaan u naahn unibɔn aabo na. U nan chuun choo m chee, ki bi ntaalangbam ni, le ki buen Uwumbɔr u bi n‑yoonn mɔmɔk na chee; le bi ti di u mɔk u.

Daniel 7:2

Maah nan kan pu kinyeek ngbaan na sɔ: Libuln nan daar ki nyani ŋipepel mɔmɔk ki ti yur nnyusakpem.

Daniel 8:10

Mu nan kan mpɔɔn le ki ti kpaan tak iŋmabi i bi paacham na ibaa, ki ker ibaa lii ni kitiŋ ki taa taa i pu.

Daniel 8:22

N‑yiin ngbaan aah nan koo aan iyiin inaa i nyan ni mu aabuul ni na ye nnaan ngbaan aah ga nan yakr nfum munaa pu pu na la, mu mu aan nan li pɔɔ ke njan aanaan na.

Sekaria 2:1

Tidaŋ tiken ponn ni le m nan kan uja ubaa joo ŋŋmin mu bi joo ŋaŋni tiwan aafɔfɔk na uŋaal ni.

Tibɔkpiirkaan 12:3

Le m ki kan lijinjiir aawan niken paacham. M nan kan kipeewanbiik sakpeŋ mamaŋ ki kpa ŋiyil ŋilole ni iyiin kipiik, ki chik ubɔr aayikpupur tilole na.

Tibɔkpiirkaan 13:1

Le m kan upeel nyan ni nnyusakpem ponn ni. U nan kpa ŋiyil ŋilole ni iyiin kipiik, le ki chik ubɔr aayikpupur waayiin kipiik mɔmɔk pu. Le liyimbil li ye lisiibil ki tii Uwumbɔr na nan bi ŋiyil mɔmɔk pu.

Tibɔkpiirkaan 17:12

“Saah kan iyiin kipiik i na, i ŋaŋ bibɔrb kipiik bi kaa kee ji nnaan na la. Bi ni upeel ngbaan ga kan bibɔrb aapɔɔn, ni yunn siib.

Tibɔkpiirkaan 17:7

Le Uwumbɔr aatuun ngbaan baa mi ke, “Ba pu ni gar si? M ga kpiir upii ngbaan aabɔr, ni waah dik upeel u pu na aabɔr aatataa, ki tuk si.

Tibɔkpiirkaan 17:8

Upeel u kpa ŋiyil ŋilole ni iyiin kipiik aan aa kan u na, u nan bi, kaa ki bi. Ni yaa kpee siib kan, u ga nyan ni libuul li nyoo kaa kpa limɔk na ni, ki cha nin chee bi ga kuln u. Le dulnyaa ni aanib bi aayimbil aa ŋmee limɔfal aagbaŋ ni buyoonn Uwumbɔr aa nan kee naan dulnyaa wee na, yaa kan upeel ngbaan kan, ni ga gar bi pam; ba pu? u nan bi, kaa ki bi, ki ga ki gir ni.