Daniel 7:28 - Uwumbɔr aagbaŋ

²⁸ Maah nan ŋmee pu bil na le na. Ijawaan nan chuu mi sakpen, le nwon yɔl, le m nan di tibɔr ngbaan mɔmɔk ŋa nsui ni.

Daniel 7:28 ပူးပေါင်းရင်းမြစ်များ

Mpiin 37:10

U nan tuk ute mu tidaŋ ngbaan aabɔr, le ute nan sur u tibɔr ngbaan pu, le ki baa u ke, “Ba aadaŋ aaboln le aa daŋ kina? Aa dak ke aana, ni aakpetiib, ki kpee min, ti ga nan gbaan aanimbiin ni ii?”

Mpiin 37:11

Le Josef aakpetiib nan kpa lipiipoln u pu; ute ma nan bi dakl tibɔr ngbaan pu n‑yoonn mɔmɔk.

Daniel 10:16

Le Uwumbɔr aatuun u nan naahn unibɔn na, taln uŋaal ki di mee mmɔgban. Le m bui ke, “Uninkpel, lijinjiir aawan ni m kan tidaŋ ponn ni na tii mi iween ki cha nwon yɔl sakpen.

Daniel 10:8

M nan gur si mbaa baanja le ki lik iwaan aawan ngbaan. Mpɔɔn mubaa aa nan ki bi m chee, le nnimbil wɔb kpeln, le nwon mɔmɔk yɔl.

Daniel 11:27

Le bibɔrb bilee ngbaan ga kpaan kal ke bi ji tijikaar lisambil libaa ni, bi mu aalandak ga li ye titunwanbir aalandak la, le bi mɔnn tɔb inyamɔn. Baan kan baah ban pu na, ba pu? baah ban pu na aayoonn aa kee fuu ni.

Daniel 12:13

“Kina pu na, sin Daniel, li si chob ki ti saa ndoon ngbaan; le aa ga kpo, ki mu tee ga fikr ki ti gaa saapal, ndoon aayoonn ngbaan.”

Daniel 12:9

Le u kii ke, “Daniel, li cha n‑yoonn mue; ba pu? tibɔr timina ye tibɔbɔrkaan la, ki ga li bɔr ki ti saa ndoon aayoonn.

Daniel 4:16

Waan ki li kpa unibɔn aasui ki ti saa ŋibin ŋilole, u ga li gur kpa tiwakor aasui la.

Daniel 4:19

Daniel, u bi ki yin u ke Beltesasar na, aah ŋun kina na, ijawaan nan chuu u sakpen, le waa ki ŋmaa len tibaa. Le ubɔr bui u ke, “Beltesasar, taa cha ijawaan chuu si, tidaŋ ngbaan pu.” Le Beltesasar gar u ke, “Mpɔɔndaan, m ba ga li gee sakpen ke tidaŋ timina ni taatataa li ye saadim yaan ki taa li ye sin yaan.

Daniel 5:6

Ijawaan nan chuu u, le uwon yɔl, le utaŋaayil gbaa.

Daniel 7:15

Tiwan ni m nan daŋ tidaŋ ki kan ni na nan chuu mi ijawaan, le ki muk mi pam.

Daniel 8:1

Ubɔr Belsasar aah nan ti saa ŋibin ŋitaa nnaan ni na, le m nan ki daŋ tidaŋ ki kan iwaan aawan lelee.

Daniel 8:17

Le Gabriel dan nan sil gbaŋ mi, le ijawaan chuu mi le m lir kitiŋ. Le u bui mi ke, “Unibɔn, bee tiwan ngbaan aatataa. Tidaŋ ngbaan ye dulnyaa wee aah ga nan doo pu na aabɔr la.”

Daniel 8:19

le ki bui mi ke, “M bi mɔk si Uwumbɔr aaŋuul aah ga joo ni tiwan ni na la. Tidaŋ ngbaan mɔk kookoo aayoonn aabɔr la.

Daniel 8:27

Tidaŋ ngbaan pu, le min Daniel aataakpab nan yɔl, le m nan buŋ ni ti yunn pam. Le m nan pɔɔk ki ki piin ki tun lituln li ubɔr nan di ŋa ŋŋaal ni na. Tidaŋ ngbaan nan gar mi pam, le maa bee taatataa.

Tibɔnyaan ti Mak ŋmee ti na 9:15

Le kinipaak ngbaan kan Yesu. Baah kan u na, le ni gar bi mɔmɔk pam. Le bi san buen u chee, ki ti doon u.

Tibɔnyaan ti Luk ŋmee ti na 2:19

Mari le teer tibɔr timina mɔmɔk, ki dakl lik taatataa usui ni.

Tibɔnyaan ti Luk ŋmee ti na 2:51

Le u dii bi ki gir Nasaref aatiŋ ni, le ki kii bimɔi. Le una joo tibɔr timina mɔmɔk usui ni.

Tibɔnyaan ti Luk ŋmee ti na 9:44

“Bi ga di min Unibɔn Aabo ŋa binib aaŋaal ni la. Cha tibɔr timina koo nitafal ni man.”