Daniel 7:26 - Uwumbɔr aagbaŋ

²⁶ Le paacham aabɔjil ga kal ki ji tibɔr, ki gaa waapɔɔn, ki kuln u kookoo.

Daniel 7:26 ပူးပေါင်းရင်းမြစ်များ

Daniel 11:45

U ga kpaan gaa waanaan aaboo sakpiin nnyusakpem ni lijool li Uwumbɔr Aadichal si li paab na aakaasisik ni. Tɔ, u mu ga kpo, le ubaa aan li bi nima ke u ter u.”

Daniel 7:22

Le Uwumbɔr u bi n‑yoonn mɔmɔk na dan ki nan di mbamɔn tii uma Uwumbɔr u kaa kpa ŋeen aatɔ na aanib. N‑yoonn nan fuu ni ke Uwumbɔr aanib ngbaan gaa nnaan aapɔɔn.

2 Tesalonika 2:8

N‑yoonn ngbaan le titunwanbirdaan ngbaan ga kpiir. N‑yoonn ngbaan le Tidindaan Yesu ga gir ni, ni mpɔɔn, ki pii libuln lii u pu, ki ku u, ki ŋa waapɔɔn mɔmɔk yɔli.

Tibɔkpiirkaan 11:13

N‑yoonn ngbaan le kitiŋ deŋ pam. Le kitisakpeŋ ngbaan aadir ligeln kipiik lir kitiŋ. Kitiŋ aah deŋ pu na le ni ku binib ŋichur ŋilole. Binib bi gur kaa kpo na, ijawaan chuu bi sakpen, le bi nyuŋ Uwumbɔr u bi paacham na.

Tibɔkpiirkaan 17:14

Bi ga faa Uwumbɔr Aapihbo butɔb. Le Upihbo ngbaan ga nyaŋ bi; ba pu? u ye dindatiib mɔmɔk Aadindaan, ki ye bibɔrb mɔmɔk Aabɔrkpaan la. Binib bi dii u na le ye waah nyan bi ki yin bi na, le bi si uchaŋ ni.”

Tibɔkpiirkaan 19:2

U jin binib tibɔr mbamɔm ki ŋa bi naah ŋeer bi pu na. U jin upiidagookpaan u nan cha dulnyaa ni aanib gɔr kidagook na aabɔr, ki daa utafal; ba pu? u nan ku uma Uwumbɔr aatutum.”