Daniel 7:25 - Uwumbɔr aagbaŋ

²⁵ U ga sii Uwumbɔr u kaa kpa ŋeen aatɔ na, ki muk uma Uwumbɔr waanib. U ga pɔɔn ubaa ke u kpeln baah dii isan i na, ni baajim aakuun mu, le Uwumbɔr aanib ga li bi waapɔɔn ni ki ti saa ŋibin ŋitaa ni ligeln.

Daniel 7:25 ပူးပေါင်းရင်းမြစ်များ

Aisaya 37:23

Aa dak ke ŋma aa bi seei ki ŋani u mbɔnyun? Saa pak mi, Israel yaab Aawumbɔr u bi chain na kpala.

Daniel 11:28

Siria yaab aabɔr ga di waah gaa tiwan ni mpɔɔn butɔb ni na gir kun, ki ga pɔɔn ubaa ke u bii Uwumbɔr aanib aah dii nsan mu na. U ga ŋa waah gee pu na, le ki gir kun udo aatiŋ pu.

Daniel 12:7

Le Uwumbɔr aatuun ngbaan yoor uŋaal ilee paacham; le m ŋun u puu tipuur Uwumbɔr u bi n‑yoonn mɔmɔk na aayimbil pu ki len ke, “Ni ga li ye ŋibin ŋitaa ni ligeln la. Buyoonn Uwumbɔr aanib aapɔɔn ga kuln na, le tiwan nee mɔmɔk ga ŋa doo.”

Daniel 2:21

Uma le joo n‑yoonn, ni tiwan nimɔk bi na; u kaani bibɔrb ki nyani bibɔrb; ni ye uma le tii nlan ni mbeem.

Daniel 3:26

Kina pu na, Nebukadnesar nan buen mmii ngbaan aabuul aajaaleŋ chee ki ti yin ke, “Sadrak, Mesak, Abednego, Uwumbɔr u kaa kpa ŋeen aatɔ na aanaagbiib, nya ni man.” Libuul ngbaan ni, le bi nyan ni.

Daniel 4:17

Uwumbɔr aatuuntiib bi gor bibaa ki lik mbamɔm na aalandak le na. Kina pu na, cha binib mɔmɔk dulnyaa wee mɔmɔk ni bee ke Uwumbɔr u kaa kpa ŋeen aatɔ na kpa mpɔɔn unibɔn aanaan mɔmɔk pu, ki ga ŋmaa di mu tii umɔk u gee na, hali unii u binib lik seen u na.’”

Daniel 4:2

Li pel man maah kan lijinjiir ni iwaan aawan ni aan Uwumbɔr u kaa kpa ŋeen aatɔ na di kpiir mɔk mi na.

Daniel 4:25

Bi ga jenn nyan si binib chee, le aa ni ipeel ga ti li kpaan koo tɔb chee. Aa ga ŋmɔ timoor ke unaa na ki doo lipaal, nin chee limaln ga li lir aa pu na, ki ti saa ŋibin ŋilole. N‑yoonn ngbaan le aa ga tii naadii ke Uwumbɔr u kaa kpa ŋeen aatɔ na le kpa mpɔɔn unibɔn aanaan mɔmɔk pu, le ki ga ŋmaa di mu tii unii umɔk u gee na.

Daniel 4:32

Bi ga jenn nyan si binib chee, le aa ni ipeel le ga li kpaan koo tɔb chee, le aa li ŋmɔ timoor ke unaa na ki ti saa ŋibin ŋilole. N‑yoonn ngbaan le aa ga tii naadii ke Uwumbɔr u kaa kpa ŋeen aatɔ na kpa mpɔɔn unibɔn aanaan mɔmɔk pu, ki ga di mu tii unii umɔk u gee u na.”

Daniel 7:18

Le Uwumbɔr u kaa kpa ŋeen aatɔ na aanib ga gaa nnaan aapɔɔn ki li joo mu n‑yoonn mɔmɔk.”

Daniel 7:20

M nan ki ban ke m moo bee waayiin kipiik i nan bi uyil pu na, ni n‑yiin waatiir mu nan nyan ni puwɔb ki tur iyiin itaa lii na aabɔr. Mu nan kpa ŋinimbil ni bumɔb ki kpa kigaak aapupuk. Mu nan kpa ijawaan jer iken na mɔmɔk.

Daniel 7:8

Maah nan si lik iyiin ngbaan na, le m kan n‑yiin waatiir mubaa tur nyan ni iyiin kipiik na ponn ni. Mu nan tur iyiin kipiik na ponn ni itaa lii. N‑yiin mue nan kpa unibɔn aanimbil, ni bumɔb bu puk kipupuk sakpen a.

Daniel 8:11

Mu nan sii Uwumbɔr u ye paacham aajab aaninkpel na, kaa ki cha binib toor kitork tii u, ki bii Waadichal.

Daniel 8:14

Le m ŋun Uwumbɔr aatuuntiib uken gar njan yoo na ke, “Ni ga li ŋani kina ki ti saa iwiin lichur ni nkub ni piiŋmu. N‑yoonn mue le kijook ni kichakpiik ni aatork aan ki li bi. Nee aapuwɔb le bi ga toor Uwumbɔr Aadichal.”

Daniel 8:9

Iyiin inaa ngbaan ponn ni mubaa pu le n‑yiin waatiir mubaa nan ki nyan ni, le mu aapɔɔn nan ti saa ŋŋangii, ni liwipuul, ni Kitiŋ ki Ŋan na ni.

Daniel 9:27

Ubɔr pɔɔl ngbaan ga cha u ni binib pam kpaan kimɔbaan ki pɔɔ na ki ti saa ŋibin ŋilole, le ŋibin ŋilole ngbaan ponn ni yaa nan saa ŋibin ŋitaa ni ligeln na, u ga kuln kitork ni ipiin, Uwumbɔr Aadichal ni. U ga di tiwanbir ni bii tiwan nimɔk bi chain na ki di kaan Uwumbɔr Aadichal paab, nin chee paa na, le ni ga li ka nima ki ti saa buyoonn unii u di ni kaan nima na pii ndoon mu Uwumbɔr gor kiir u na.”

Hosea 7:16

Bi nya mpuwɔb n‑yoonn mɔmɔk, le ki dii liwaal li kaa kpa mpɔɔn mubaa na. Saan ŋmaa li kpa bi pu limakl ke butɔm bu gɔr na la. Baasalolm aah len tibɔr kigaak ŋmeen na, le bi ga kpo mpɔɔkun, le Ijipt yaab ga laa bi.”

2 Tesalonika 2:3

Ni taa cha ubaa ŋmann nimi kina; buyoonn binib pam ga yii Uwumbɔr na le ga puen fuu ni, le Tidindaan aawiindaal nin fuu ni. Uja u yii Uwumbɔr aakaal mɔmɔk na, u mu ga puen nya mpaan pu. Uwumbɔr siin u ntafadaan la.

2 Tesalonika 2:4

U ga yii Uwumbɔr, ni ŋiwaa, ni tiwan nimɔk binib dii ni na. U ga nyuŋ ubaa ki jer ni mɔmɔk, ki ga kal Uwumbɔr Aadichal ni, ki len ke uma le ye Uwumbɔr.

2 Tesalonika 2:8

N‑yoonn ngbaan le titunwanbirdaan ngbaan ga kpiir. N‑yoonn ngbaan le Tidindaan Yesu ga gir ni, ni mpɔɔn, ki pii libuln lii u pu, ki ku u, ki ŋa waapɔɔn mɔmɔk yɔli.

Tibɔkpiirkaan 12:14

Le Uwumbɔr tii upii ngbaan libɔrwiin aafeen ilee ke u fii buen nteersakpiin ni, waapaan ni, kipeewanbiik ngbaan taa ki pii u nima chee. Le bi ti kpiini u nima chee ki ti saa ŋibin ŋitaa ni ligeln.

Tibɔkpiirkaan 12:6

Le upii ngbaan san buen nteersakpiin ni, Uwumbɔr aah toor mpaan nin chee tii u na, ki ti kpiini u nima chee iwiin lichur ni ikui ilee ni imonko itaa.

Tibɔkpiirkaan 14:12

Nima le cha ni ŋan ke Uwumbɔr aanib bi kii waamɔb ki dii Yesu mbamɔm na li kpa limɔr.

Tibɔkpiirkaan 16:6

ba pu? bi ku saanib ni saabɔnabtiib ki cha baasin nyan, le aa mu cha baanyun kpaln nsin bi nyu. Bi ŋeer kina la.”

Tibɔkpiirkaan 17:6

Le m kan upii ngbaan gbii ndaan ki dɔ; ba pu? u nyun Uwumbɔr aanib aasin, ni binib bi kpo Yesu pu na aasin ki gbii. Maah kan u na, le ni gar mi pam.

Tibɔkpiirkaan 18:24

Uwumbɔr daa kitiŋ ngbaan aanib aatafal; ba pu? bi ku waanib, ni waabɔnabtiib, ni binib bimɔk kpo u pu na. Baasin bi kitiŋ ngbaan ponn ni.