Daniel 7:23 - Uwumbɔr aagbaŋ

²³ Baah nan tuk mi naatataa pu na sɔ: “Upeel nanar ngbaan ye nnaan mu ga dan kitiŋ kee pu kaan li naahn nnaan muken na la. Mu ga wii kitiŋ kee mɔmɔk ki taa taa ki pu.

Daniel 7:23 ပူးပေါင်းရင်းမြစ်များ

Daniel 2:40

Mue mu aapuwɔb na, nnaan mu ga kpee nnaa, ki pɔɔ ke tikur ki gbaa wiil tiwan mɔmɔk na ga dan. Tikur aah gbaa wiil tiwan mɔmɔk pu na, kina le nnaan ngbaan ga kuln nnaan mumɔk nan puen bi na.

Daniel 7:22

Le Uwumbɔr u bi n‑yoonn mɔmɔk na dan ki nan di mbamɔn tii uma Uwumbɔr u kaa kpa ŋeen aatɔ na aanib. N‑yoonn nan fuu ni ke Uwumbɔr aanib ngbaan gaa nnaan aapɔɔn.

Daniel 7:24

Saah kan iyiin kipiik i na, i ŋaŋ bibɔrb kipiik bi ga ji nnaan ngbaan na la. Le ubɔr uken ga dan; u ni bibɔrb biken na aabimbin aan li kpaa, le ki ga nyaŋ bibɔrb bitaa.

Daniel 7:7

Maah nan beenin si lik na, le upeel nanar mu nyan ni. U nan kpa mpɔɔn, kaa ŋan, ki kpa ijawaan mu. U nan di waakur aanyin ŋi filk sakpen na nyaŋ waadim, ki taa taa bi ŋmal titan ni. U nan kpa iyiin kipiik, kaa nan bi ke ipeel iken na.

Tibɔnyaan ti Luk ŋmee ti na 2:1

N‑yoonn ngbaan le Ubɔrkpaan Siisa Agustus len ke binib mɔmɔk kuun ni ki nan ŋmee baayimbil, u lik baah wiir pu na.