Daniel 7:20 - Uwumbɔr aagbaŋ

²⁰ M nan ki ban ke m moo bee waayiin kipiik i nan bi uyil pu na, ni n‑yiin waatiir mu nan nyan ni puwɔb ki tur iyiin itaa lii na aabɔr. Mu nan kpa ŋinimbil ni bumɔb ki kpa kigaak aapupuk. Mu nan kpa ijawaan jer iken na mɔmɔk.

Daniel 7:20 ပူးပေါင်းရင်းမြစ်များ

Daniel 7:11

Maah nan beenin si lik na, m nan beenin ŋun n‑yiin waatiir na aah beenin seei ki puk kipupuk pu na. Maah si lik na, le m kan ke bi ku upeel nanar na, ki di waawon mee ŋa mmiigaal ni, le u wun.

Daniel 7:19

Le m nan ban ke m moo bee upeel nanar, u aabimbin aa nan bi ke iken na, u nan kpa ijawaan ki di waanyanyar ti ye tikumann na, ni waanyin ŋi ye tikur na di ŋmɔ waadim ki taa taa bi pu na aabɔr mbamɔm.

Daniel 7:21

Maah nan beenin si lik na, le n‑yiin ngbaan to Uwumbɔr aanib butɔb ki nyaŋ bi.

Daniel 7:23

Baah nan tuk mi naatataa pu na sɔ: “Upeel nanar ngbaan ye nnaan mu ga dan kitiŋ kee pu kaan li naahn nnaan muken na la. Mu ga wii kitiŋ kee mɔmɔk ki taa taa ki pu.

Daniel 7:7

Maah nan beenin si lik na, le upeel nanar mu nyan ni. U nan kpa mpɔɔn, kaa ŋan, ki kpa ijawaan mu. U nan di waakur aanyin ŋi filk sakpen na nyaŋ waadim, ki taa taa bi ŋmal titan ni. U nan kpa iyiin kipiik, kaa nan bi ke ipeel iken na.

Daniel 7:8

Maah nan si lik iyiin ngbaan na, le m kan n‑yiin waatiir mubaa tur nyan ni iyiin kipiik na ponn ni. Mu nan tur iyiin kipiik na ponn ni itaa lii. N‑yiin mue nan kpa unibɔn aanimbil, ni bumɔb bu puk kipupuk sakpen a.

Tibɔkpiirkaan 12:3

Le m ki kan lijinjiir aawan niken paacham. M nan kan kipeewanbiik sakpeŋ mamaŋ ki kpa ŋiyil ŋilole ni iyiin kipiik, ki chik ubɔr aayikpupur tilole na.