Daniel 7:18 - Uwumbɔr aagbaŋ

¹⁸ Le Uwumbɔr u kaa kpa ŋeen aatɔ na aanib ga gaa nnaan aapɔɔn ki li joo mu n‑yoonn mɔmɔk.”

Daniel 7:18 ပူးပေါင်းရင်းမြစ်များ

Ilahn 45:16

Sin maabɔr, m ga tii si japɔtiib pam, le bi nan gaa aayaajatiib aanaan, le aa ga ŋa bi kitiŋ kee mɔmɔk aajojoob.

Ilahn 49:14

bi ga nan kpo ke ipiih na la, nkun le ga nan li ye u kpaa bi na. Binib bi aabimbin ŋan na ga laa bi, buyoonn biwon bi bur kitekpiitiŋ ki daa bido na ni.

Aisaya 14:2

Ŋitimbol pam le ga ter Israel yaab aan bi ki gir ni kitiŋ ki pu Uwumbɔr nan di tii bi na, le ŋitimbol pam ga li ye Israel yaab aanaagbiib ki tun lituln tii bi. Israel yaab ga ki nyaŋ binib bimɔk nan nyaŋ bi ki chur bi tinaagbiir na; le Israel yaab ga li gur joo binib bi nan muk bi na.

Daniel 7:14

Le u tii u mpɔɔn, ni kipak, ni nnaan aapɔɔn, ke binib bi bi ŋitimbol mɔmɔk, ni ŋinibol mɔmɔk, ni iliin mɔmɔk aanib na li dooni u. Waapɔɔn ga li bi n‑yoonn mɔmɔk, le waanaan mu aan li kpa ndoon.

Daniel 7:17

U nan bui mi ke, “Ipeel sakpiin inaa ngbaan ye nnaan aabɔŋ munaa mubaa le ga dan kitiŋ kee pu.

Daniel 7:22

Le Uwumbɔr u bi n‑yoonn mɔmɔk na dan ki nan di mbamɔn tii uma Uwumbɔr u kaa kpa ŋeen aatɔ na aanib. N‑yoonn nan fuu ni ke Uwumbɔr aanib ngbaan gaa nnaan aapɔɔn.

Daniel 7:25

U ga sii Uwumbɔr u kaa kpa ŋeen aatɔ na, ki muk uma Uwumbɔr waanib. U ga pɔɔn ubaa ke u kpeln baah dii isan i na, ni baajim aakuun mu, le Uwumbɔr aanib ga li bi waapɔɔn ni ki ti saa ŋibin ŋitaa ni ligeln.

Daniel 7:27

Kitiŋ kee mɔmɔk aanaan aapɔɔn mɔmɔk ga kpaln Uwumbɔr u kaa kpa ŋeen aatɔ na aanib aanaan la. Baanaan aapɔɔn aan li kpa ndoon, le dulnyaa wee ni aaninkpiib mɔmɔk ga tun baatuln ki kii baamɔi.”

Obadia 1:17

“Sionn aajool na pu le binib bibaa ga ŋmar, le lijool ngbaan pu ga kpaln miyaan. Jakob aayaabitiib ga gaa baatiŋ ki ye baatiŋ ibamɔn ni na.

Tibɔnyaan ti Luk ŋmee ti na 1:33

U ga li ye uyaaja Jakob aayaabitiib aabɔr n‑yoonn mu kaa kpa ndoon na. Waanaan aan doo.”

1 Korenti 6:2

Naa nyi ke Uwumbɔr aanib ga ji dulnyaa yaab tibɔr aa? Ni yaa ga ji dulnyaa yaab tibɔr kan, naa ŋmaa toor tibɔr waatiir aa?

Efesusi 1:3

Cha ti pak Uwumbɔr, u ye Tidindaan Yesu Kristo Aate na. Taah kpaan Kristo ni na, le Uwumbɔr ŋa tinyoor ŋa ti pu, ki tii timi Waafuur Nyaan aapiin mɔmɔk paacham.

Efesusi 6:12

Naa ye binib le ti jaa kijaak. Ti jaa kinimbɔŋ aanikpiwanbir ti bi paacham ki kpa mpɔɔn ki joo dulnyaa aanib bi bi mbɔmbɔɔn ni na le kijaak.

Tibɔkpiirkaan 20:4

Le m kan ŋibɔrjal, ni binib bi ka ŋi pu na. Le Uwumbɔr tii bi nsan ke bi ji binib tibɔr. Bi nan ye binib bi nan kpo Yesu pu na aawiin. Binib nan chuu gii biyil lii; ba pu? bi nan moon tibɔbamɔnn ti Yesu nan kpiir na ni Uwumbɔr aabɔr. Baa dii upeel ngbaan, bee waawaal, kaa gaa waadaan biyigbeer pu, bee biŋaal pu. Bi nan kpa limɔfal ki jin nnaan Kristo chee ŋibin lichur.

Tibɔkpiirkaan 22:5

Kinyeek aan ki li bi. Baan li ban karyaa, kaan li ban nwiin; ba pu? Tidindaan Uwumbɔr le ga li wiin bi pu. Bi ga li ye bibɔrb ki cha n‑yoonn mu kaa kpa ndoon na.

Tibɔkpiirkaan 3:21

Unii umɔk nyaŋ na, m ga cha u kal m chee maabɔrjal pu, ke m mu aah nan nyaŋ pu ki kal Nte Uwumbɔr chee waabɔrjal pu pu na.

Tibɔkpiirkaan 5:10

Aa ŋa bi saanaan ni aanib bi ye bitotoorb na, bi ti tun lituln tii timi Aawumbɔr, le bi ga li joo dulnyaa mɔmɔk.”