Daniel 7:16 - Uwumbɔr aagbaŋ

¹⁶ Le m buen bi si nima chee na ubaa chee ki ti bui u ke u tuk mi taatataa. Le u tuk mi taatataa.

Daniel 7:16 ပူးပေါင်းရင်းမြစ်များ

Daniel 7:10

ki naahn ke nnyun le aah puu cha na. Binib ŋichur ŋichur le nan bi nima, bi nan ye binib churbakaa, ki si gbɔk u, bi ti tun waatuln tii u. Le tibɔr aajim aayoonn fuu ni a, le bi kpar tigbann.

Daniel 7:17

U nan bui mi ke, “Ipeel sakpiin inaa ngbaan ye nnaan aabɔŋ munaa mubaa le ga dan kitiŋ kee pu.

Daniel 8:17

Le Gabriel dan nan sil gbaŋ mi, le ijawaan chuu mi le m lir kitiŋ. Le u bui mi ke, “Unibɔn, bee tiwan ngbaan aatataa. Tidaŋ ngbaan ye dulnyaa wee aah ga nan doo pu na aabɔr la.”

Daniel 9:22

Le u kpiir len ke, “Daniel, m dan ke m nan ter si aa bee tibɔr ngbaan aatataa la.

Sekaria 1:19

M nan baa ntuun mu nan bi len m chee tibɔr na ke, “Iyiin ngbaan aatataa ye kinye?” Le u nan gar mi ke, “I si dulnyaa wee aapɔɔn inaa i yaa Juda, ni Israel, ni Jerusalem aanib na aasisii la.”

Sekaria 2:3

Le m kan ntuun mu ba bi len m chee tibɔr na nyan sil ni, le ntuun muken dan nan sil mu chee.

Sekaria 3:7

Uwumbɔr Mpɔɔnsakpiindaan len ke: “Aa yaa joo maakaal, ki tun lituln li m di tii si na kan, aa ga li beenin ye Maadichal ni laachin aajojoor, le m ga tii si nsan ke aa dan nnimbiin ni ke maatuuntiib ngbaan.

Tibɔkpiirkaan 5:5

Le bininkpiib na ponn ni ubaa bui mi ke, “Taa ki wii. Lik, Yesu u pɔɔ ke uchinn, ki ye Juda aanibol ni aanii ubaa, ki ye Ubɔr David aayaabil na le nyaŋ, ki ga ŋmaa dabr kigbaŋ ki bi dab ki nfum mulole na, ki kpar ki.”